Իվան Յարամիշև

Իվան Յարամիշև (հունվարի 11, 1906, Թիֆլիս - 1979, Սևաստոպոլ), ինժեներատեխնիկական ծառայության գեներալ-մայոր (1952)։ Ազգությամբ հայ։ ՍՄԿԿ անդամ 1941-ից։ Ավարտել է Լենինգրադի ռազմատեխնիկական ուսումնարանը (1926), Ն․ Ե․ ժուկովսկու անվ․ ռազմաօդային ինժեներական ակադեմիայի ինժեներների կատարելագործման կուրսերը (1949)։ 1920-ին կամավոր մտել է կարմիր բանակ։ 1926-ից ծառայել է Սևծովյան նավատորմի ռազմաօդային ուժերում, որի կազմում էլ 1941—1945-ին, որպես ավիաէսկադրիլիայի ավագ ինժեներ, մասնակցել է Հայրենական մեծ պատերազմին։ Պատերազմից հետո եղել է Սևծովյան նավատորմի ռազմաօդային ուժերի համակարգում։ 1968-ին զորացրվել է։ Պարգեվատրվել է Լենինի, Կարմիր դրոշի 3, Կարմիր աստղի 3 շքանշաններով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։