Կիմի Ռայկկոնեն

Կիմի Ռայկկոնենը Ինդիանապոլիսում, 2002

Կիմի-Մաթիաս Ռայկկոնեն (ֆիններեն՝ Kimi-Matias Räikkönen, երբեմն հանդիպում է ազգանվան արտասանության այլ տարբերակ` Ռեյկկյոնեն, որը ավելի մոտ է ֆիներեն հնչողությանը), ֆինն ավտոարշավորդ, Ֆորմուլա 1-ի պիլոտ։ 2007 թվականի չեմպիոն և կրկնակի փոխչեմպիոն (2003 և 2005 թվականներին)։ Համարվում է ներկայիս լավագույն ավտոարշավորդներից մեկը։

Կիմի Ռայկկոնենը ծնվել է 1979 թվականի հոկտեմբերի 17-ին Ֆինլանդիայում, Էսպոո քաղաքում։ 10 տարեկանից նա մասնակցել է կարտինգի մրցույթներին, որոնցում բավականին մեծ հաջողությունների է հասել։

Իր կարիերան Ֆորմուլա 1-ում սկսել է 2001 թվականից «Զաուբեր» թիմում։ 2002 թվականին նա տեղափոխվեց «Մերսեդես Մակլարեն» թիմ։ Այս թմում 5 տարի հանդես գալու ընթացքում երկու անգամ դարձավ փոխչեմպիոն։

2007 թվականին տեղափոխվեց Սկուդերիա Ֆերրարի և նույն թվականին դարձավ չեմպիոն։ Հաջորդ տարի նա զբաղեցրեց երրորդ հորիզոնականը։ Մեկ տարի անց նա ժամանակավորապես լքեց Ֆորմուլա 1-ը, և 2 տարի հանդես եկավ WRC-ում։ 2010 թվականին հանդես եկավ «Citroen Junior» թիմում, իսկ հաջորդ տարի` սեփական մասնավոր «ICE 1 Racing» թիմում։

2012 թվականին պայմանագիր կնքեց Ֆորմուլա 1-ի «Լոտուս» թիմի հետ 2 տարի այդ թմում հանդես գալու վերաբերյալ։

«Լոտուս»-ում նա նույնպես հաջող ելույթ ունեցավ և ավարտեց մրցաշարը երրորդ հորիզոնականում։

2014 թվականից Ռայկկոնենը կրկին սկսեց հանդես գալ Ferarri-ում, որտեղ նրա թիմակիցն է աշխարհի կրկնակի չեմպիոն Ֆերնանդո Ալոնսոն։

Հղումներ

• Կիմի Ռայկկոնենի պաշտոնական կայքը

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Կիմի Ռայկկոնեն կատեգորիայում։