Սոցիոլոգիա

Հասարակագիտությունը կամ սոցիոլոգիան (լատիներեն socius - ընդհանուր, հասարակական (երկրորդ իմաստով socius - ընկեր, ինչի պատճառով սխալմամբ թարգմանվում է հայերեն ընկերաբանություն) և հունարեն λόγος - բառ, բան) գիտություն է սոցիալականի հնարավորության («Ինչպե՞ս է հնարավոր հասարակությունը») մասին։ Սակայն այս մեկնաբանումը խիստ ընդհանրական է և և վերաբերում տեսական ոլորտին։ Մինչդեռ պայմանականորեն տարանջատում են տեսական, էմպիրիկ և կիրառական ոլորտները, որոնք խիստ փոխկապակցված են և պայմանավորում են միմյանց։

Գիտության անվանումը տրվել է Օգյուստ Կոնտի կողմից։ 1832 թ.-ին լույս տեսած գիտնականի՝ «Պոզիտիվ փիլիսոփայության հիմունքներ» գրքում ցույց է տրվում մարդկային ճանաչողության և պատմության ընթացքի ընդհանուր օրենքը։ Սա Կոնտի 47-րդ դասախոսությունն էր։

Պավել Կուտուևի կարծիքով Կոնտը առաջինը չէր, որ գործածության մեջ էր դրել «սոցիոլոգիա» տերմինը, առաջինը հայտնի անգլիացի քաղաքական գործիչ Սիյեսն էր, ով մտցրեց սոցիոլոգիա տերմինը՝ մի փոքր այլ իմաստ տալով։