Գանգ

Կովկասյան մարդու գանգ

Գանգ (լատին․՝ cranium), ողնաշարավորների գլխի ոսկրային մասն է, գլխի ոսկրային հիմքը, որը կատարում է պաշտպանական դեր և հանդիսանում է փափուկ հյուսվածքների կպման վայր։

Զարգացման փուլերը

Իր զագացման ընթացքում գանգն անցնում է երեք փուլ՝ թաղանթային, աճառային և ոսկրային։

Գործառույթներ

• գանգուղեղի պաշտպանություն
• ատամների տեղադրություն
• ծամիչ մկանների ամրացում
• ակնագնդերի միջև տարածության ապահովում ստերեոսկոպիկ տեսողության համար
• ականջերի միջև տարածության ապահովում ձայնի և տարածության ճիշտ ըմբռման համար
• որոշ կենդանիների մոտ կրում է եղջյուրներ, որոնք ամրանում են ճակատային մասին

Կառուցվածք

Գանգը կազմված է երկու բաժնից՝ դիմային և ուղեղային։ Ի տարբերություն կենդանիների, մարդկանց մոտ ուղեղային բաժինն ավելի մեծ է։ Բացի ստորին ծնոտից գանգի մնացած բոլոր ոսկրերը միացած են անշարժ։

Մարդու գանգ

Մարդու և մարդանման կապկի գանգի տարբերությունը հիմնականում կայանում է նրանում, որ մարդու գանգն իր ձևով հարմարեցված է ուղղաձիգ քայլվածքին։ Գանգը հավասարակշռված է ողնաշարի վրա, այդ իսկ պատճառով պարանոցային բաժնի մկանները ավելի թույլ են զարգացած, իսկ գանգն ավելի բարակ է։ Մարդու մոտ դիմային բաժինն ավելի տափակ է, իսկ ծավալը՝ ավելի մեծ։ Դրա հիմնական պատճառն այն է, որ մարդու մոտ ուղեղի ծավալն ավելի մեծ է։

Աղբյուրներ

↑ С. В. Лобанов, Капала. Как используют череп в тантре?