Սողոմոնյան կղզիներ (կղզեխումբ)

Սպիտակ գույնը` Սողոմոնյան կղզիներ պետություն, հյուսիս-արևմուտքում կանաչ գույնով նշված է Բուգենվիլ կղզին

Սողոմոնյան կղզիներ, արշիպելագ Խաղաղ օվկիանոսում, Նոր Գվինեայից արևելք, Մելանեզիայի մաս:

Մակերեսը` 40,4 հազար կմ²: Բնակչությունը` ավելին քան 263 հազար մարդ (1971): Բնակչության մեջ գերակշռում են մելանեզիացիները, որոնք խոսում են ավստրոնեզիական լեզուներով (145 հազար), կան պապուասներ (45,4 հազար), պոլինեզիացիներ (6 հազար), միկրոնեզիացիներ (2 հազար): Այստեղ ապրում են նաև քիչ քանակով եվրոպացիներ:

Խոշոր կղզիներն են` Բուկան և Բուգենվիլը, քաղաքականորեն պատկանում են Պապուա - Նոր Գվինեային, մյուսները` Շուազել, Մալաիտա, Սանտա-Իսաբել, Սան-Կրիստոբալ, Նյու-Ջորջիա, Ռենել, Գուադալկանալ, Սանտա-Կրուս, կազմում են առանձին պետություն` Սողոմոնյան կղզիներ Բրիտանական ազգերի միության կազմի մեջ:

Կղզիները հայտնաբերվել են 1568 թվականին իսպանացի ծովագնացներ Ալվարո Մենդանյաի և Սարմյենտո դե Գամբոյի կողմից: