Յուջին Ֆամա

Յուջին Ֆամա (անգլ.՝ Eugene F. Fama) (փետրվարի 14, 1939, Բոսթոն, ԱՄՆ), ամերիկացի ականավոր տնտեսագետ, Նոբելյան մրցանակի դափնեկիր` ակտիվների գների փոփոխման էմպիրիկ վերլուծության համար (2013), արդյունավետ շուկայի վարկածի հեղինակ, որը ենթադրում է, որ ամբողջ էական ինֆորմացիան միանգամց և ամբողջովին արտացոլվում է արժեթղթերի գնի մեջ։

Կենսագրություն

Յուջին Ֆաման մեծացել է Բոսթոնի ոչ հարուստ թաղամասերից մեկում։ Ավարտել է կաթոլիկ դպրոց, այնուհետև ընդունվել Թաֆթսի համալսարան (Մեդֆորդ, Մասաչուսեթս)։ Սկզբից որպես հիմնական առարկա է ընտրում ֆրանսերենը, սակայն ամուսնանալով փոխում է մասնագիտությունը և ընտրում տնտեսագիտությունը։ Աշխատել է որպես գիտաշխատող տնտեսագիտության պրոֆեսոր Հարրի Էրնեստի գլխավորությամբ, ով ֆոնդային շուկայում ուսումնասիրում էր գների դինամիկան։ 1960 թվականին Թաֆթսի համալսարանում ստացել է բակալավրի աստիճան, 1963 թվականին Չիկագոյի համալսարանի մագիստրոսի, իսկ 1964 թվականին՝ դոկտորի աստիճան։ 1963 թվականից դասավանդում է Չիկագոյի համալսարանում (պրոֆեսոր 1968 թվականից)։ Անդամակցում է Journal of Financial Economics խմբագրակազմին։

1989 թվականից ԱՄՆ գիտությունների և արվեստի ակադեմիայի ակադեմիկոս։

Աշխատություններ

• The Theory of Finance (1972) (Մերթոն Միլլերի հետ համատեղ)
• Foundations of Finance (1976)
• Value versus Growth: The International Evidence (1998) (Քեննեթ Ֆրենչի հետ համատեղ)
• Forecasting Profitability and Earnings (2000) (Քեննեթ Ֆրենչի հետ համատեղ)

Գրականություն

• Питер Бернстайн Фундаментальные идеи финансового мира. Эволюция = Capital Ideas Evolving. — М.: «Альпина Паблишер», 2009. — 256 с. — ISBN 978-5-9614-0972-7
• Уильям Бернстайн Манифест инвестора: Готовимся к потрясениям, процветаниюи всему остальному = The Investor’s Manifesto. Preparing For Prosperity, Armageddon, And Everything In Between. — М.: Альпина Паблишер, 2013. — 229 с. — ISBN 978-5-9614-1815-6

Արտաքին հղումներ

• Յուջին Ֆամայի կենսագրությունը