Արաբական ծով

Խնդրում ենք նշել կաղապարի տեղադրման ամսաթիվը 2024-04-23 14:45:01 ֆորմատով

Արաբական ծով بحر العرب
'
Կոորդինատներ
Ընդհանուր մակերեսը	3. 832. 000 կմ²
Ամենամեծ խորությունը	4652 մ
Թափվող գետերը	Ինդոս

Արաբական ծով (արաբ․՝ بحر العرب‎‎) , Հնդկական օվկիանոսի հյուսիսային մասում գտնվող ծով։ Արևմուտքում սահմանակցում է Արաբական թերակղզուն, իսկ արևելքում ՝ Հինդուստան թերակղզուն։

Ընդհանուր մակերեսը- 3. 832. 000 կմ²։ Մաքսիմալ լայնությունը- 2400 կմ։ Մաքսիմալ խորությունը- 4652 մ։ Թափվող նշանավոր գետը՝ Ինդոս։ Նշանավոր ծոցերն են՝ Ադենի ծոցը արևմուտքում, որը Կարմիր ծովին է միանում Բաբ էլ-Մանդեբի նեղուցով, և Օմանի ծոցը ՝ հյուսիս - արևմուտքում։

Արաբական ծովի ափերին են գտնվում ՝ Սոմալին, Ջիբութին, Եմենը, Օմանը, Իրանը,Պակիստանը, Հնդկաստանը և Մալդիվյան կղզիները։ Նշանավոր քաղաքներն են ՝Կարաչին, Ադենը, Մասկատը, Մումբայը և այլն։

Սահմանների նկարագրությունը

Միջազգային ջրագրական կազմակերպությունը հաստատել է Արաբական ծովի սահմանների հետևյալ նկարագրությունը.

Արևմուտքում՝ Ադենի ծոցի արևելյան սահմանը:

Հյուսիսում՝ Արաբական թերակղզու արևելյան կետից ՝ Ռաս ալ-Խադից մինչև Ռաս Ջիվանի ՝ Պակիստանի ափերին:

Հարավում՝ Ադդու կորալյան կղզուց (Մալդիվյան կղզիներ ) մինչև Աֆրիկայի արևելյան հրվանդանը ՝ Ռաս Խաֆուն:

Արևելքում՝ Լակադիվյան ծովի արևմտյան սահմանը:

Անվանումը

Արաբական ծովը եվրոպացի և արաբ ծովագնացներին հայտնի է եղել տարբեր անվանումներով . Էրիթրեայի ծով, Կանաչ ծով, Հնդկական ծով, Պարսկական ծով, Օսմանյան ծով: