Ալբերտ Արիստակեսյան

Ալբերտ Արիստակեսյան, (1928, օգոստոս 10 - 1979, հունիսի 22), հայ գրականագետ, բանասիրական գիտությունների դոկտոր, ՍՍՀՄ գրողների միության անդամ 1966-ից:

Կենսագրությունը

Ծնվել է Չանախչի (այժմ Արարատի մարզի Զանգակատուն) գյուղում: 1950-ին ավարտել է Երևանի պետական համալսարանի բանասիրական ֆակուլտետի հայկական բաժինը: 1951-1952-ին եղել է սրբագրիչ «Պիոներ կանչ», 1952-1953-ին` «Ավանգարդ» թերթերում, 1953-1962-ին` գրական աշխատող, բաժնի վարիչ և պատասխանատու քարտուղար «Գրական թերթ»-ում, 1962-1965-ին` բաժնի վարիչ «Սովետական գրականություն» ամսագրում, 1965-1970-ին` ավագ գիտաշխատող «Պատմա-բանասիրական հանդես»-ում,1970-1979-ին` «Սովետական գրականություն » ամսագրի գլխավոր խմբագրի տեղակալ: 1966-ին «Սիլվա Կապուտիկյանի ստեղծագործությունը և ետպատերազմյան հայ պեզիայի հարցերը» թեմայով դիսերտացիա է պաշտպանել և ստացել բանասիրական գիտությունների թեկնածուի աստիճան: 1975-ին «Պարույր Սևակ» թեմայով դիսերտացիա է պաշտպանել և ստացել բանասիրական գիտությունների դոկտորի աստիճան: Մահացել է 1979-ին, Երևանում:

Ստեղծագործությունները

• Ալբերտ Արիստակեսյան, Բանաստեղծների ու բանաստեղծության մասին, Ե., «Հայաստան», 1971, 180 էջ:
• Ալբերտ Արիստակեսյան, Պարույր Սևակ, Ե., ՀՍՍՀ ԳԱ, 1974, 448 էջ:

Աղբյուրներ

• Գրական տեղեկատու. Երևան. 1981.{{cite book}}: CS1 սպաս․ location missing publisher (link)