Յոհաննես Ֆրիդրիխ

Ֆրիդրիխ Յոհաննես, (1893— 1972), գերմանացի լեզվաբան, Սաքսոնական ԳԱ անդամ։ Սովորել է Լայպցիգի համալսարանում։ Նույն համալսարանի (1929 թվականին), Արևմտյան Բեռլինի (1950 թվականից) համալսարանի պրոֆեսոր։ Հիմնական աշխատանքները վերաբերում են խեթագիտությանը (շարունակել ու զարգացրել է խեթերենը վերծանող Բ․ Հրոզնու գործը)։ Ուսումնասիրել է խուռիերեն, ուրարտական, փյունիկական լեզուները, գրել մայա ընտանիքի կիչե հնդկացիների քերականությունը։ Հեղինակ է գրի պատմության ու վերծանման վերաբերյալ ընդհանրացնող մի քանի աշխատությունների։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։