Լևոն Գևորգյան

Լևոն Գևորգյան
Ի ծնե	Լևոն Մուշեղի Գևորգյան
Ծնվել է	1930 հոկտեմբերի 14
Ծննդավայր	Երևան
Ազգություն	Հայաստան
Ճյուղ(եր)	ճարտարապետություն
Գործունեություն	ճարտարապետ
Կրթություն	ՀԱՊՀ
Պարգևներ

Լևոն Մուշեղի Գևորգյան (1930, հոկտեմբերի 14, Երևան), ճարտարապետ, ՀՀ վաստակավոր ճարտարապետ (1972)։ Ճարտարապետության միջազգային ակադեմիայի Մոսկվայի մասնաճյուղի պրոֆեսոր (1995), թղթակից անդամ (2001)։

Կենսագրություն

1953 թվականին ավարտել է Երևանի պոլիտեխնիկական ինստիտուտը։

1953-1956 թթ.՝ Ակտյուբինսկ քաղաքի և մարզի (Ղազախստան) գլխավոր ճարտարապետ։ 1956 թվականից՝ ՀՀ պետշինի, 1958-ից՝ Երևաննախագիծ ինստիտուտի խմբի ղեկավար, նախագծի գլխավոր ճարտարապետ, փոխտնօրեն, 1973-1977-ին՝ տնօրեն։ 1971-1973-ին և 1986-1989-ին՝ Երևանի գլխավոր ճարտարապետի առաջին տեղակալ։

Ստեղծագործական գործունեություն

Գևորգյանի նախագծերով իրականացվել են բնակելի տներ և վարչական շենքեր Ակտյուբինսկում (1956), Ջամբուլում (1956), Երևանում (1957-ից)՝ Գարեգին Նժդեհի հրապարակի ստորգետնյա հասարակական կենտրոնի համալիրը (1986-1992)՝ Երևանի մետրոպոլիտենի («Գարեգին Նժդեհ», 1987) կայարանով և այլն։
Երիտասարդ ճարտարապետների ստեղծագործության (1962), «Տարվա լավագույն կառույց» (1986) համամիութենական ստուգատեսների դափնեկիր։
Գրաֆիկական աշխատանքների ցուցահանդեսներ է ունեցել Երևանում (1980), Միլանում (1982) և Մինսկում (1991)։