Մկրտիչ Ջանան

Մկրտիչ Ջանան (1892 - 1938), դերասան, դրամատուրգ, ԽՍՀՄ գրողների միության անդամ 1936-ից:

Ծնվել է Կոստանդնուպոլիսում: Պատանեկան հասակից իր կյանքը կապել է հայ բեմի հետ, 1912 - 1922-ին խաղացել է Կ.Պոլսի և Փարիզի հայկական թատրոններում: 1923-ին տեղափոխվել է Երևան և խաղացել Գաբրիել Սունդուկյանի անվան թատրոնում:

Նրա լավագույն դերերից են Յագո («Օթելլո»), Բարխուդար («Նամուս»), Սեյրան («Նամուս»), Գիժ Դանիել («Չար ոգի»), Էլիզբարով («Պատվի համար»), Լորենցո («Վենետիկի վաճառականը»), Մակբեթ («Մակբեթ»):

Նկարահանվել է «Խասփուշ» (Սեիդ), «Քրդեր և եզդիներ» (Խանո), «Երկու գիշեր» (պրեմիեր-մինիստր) կինոնկարներում:

Վահան Թոթովենցի հետ գրել է Հակոբ Պարոնյանի «Մեծապատիվ մուրացկանների» ինսցենիրովկան: 1932-ին բեմադրվել է նրա «Սիրելն արվեստ է» պիեսը: Գրել է «Շահնամե» և «Բանվոր քեռին Արևելքում» (մանկական) պիեսները: Մահացել է 1938-ին:

Մ.Ջանանի երկերի մատենագրություն

• Շահնամե (դրամա)