Պարագիծ

Պարագիծը երկչափ մակերևույթի կոնտուրի երկարությունն է կամ սահմանի երկարությունը։

Պարագիծը երկրաչափական պատկերը սահմանափակող գծի` (եզրագիծ) ընդհանուր երկարությունն է: Պարագիծը տիրույթը ընդգծող ճանապարհն է։ Տերմինը կարող է օգտագործվել ինչպես ճանապարհի կամ երկարության համար, այնպես և կոնտուրի երկարության համար։

Շրջանի պարագիծը

Եթե շրջանի տրամագիծը 1 է, ապա նրա պարագիծը հավասար է π:

Շրջանի պարագիծը նրա եզրագծի` շրջանագծի երկարությունն է: Այն ուղիղ համեմատական է նրա տրամագծին եւ շառավղին: Հաշվի առնելով, որ շրջանագծի երկարության եւ տրամագծի հարաբերությունը հաստատուն թիվ է, որը նշանակվում է հունարեն այբուբենի π(պի) տառով, կստանանք շրջանի պարագծի հետեւյալ բանաձեւը`

$P=\pi \cdot {D}.\!$, որտեղ` D-ն շրջանի տրամագիծն է, P-ն` պարագիծը:

Շառավղով արտահայտելիս բանաձեւն ստանում է այս տեսքը`

${P}={2}\pi \cdot {r}.\!$, որտեղ` r-ը շրջանի շառավիղն է:

π-ն հաստատուն իռացիոնալ թիվ է, որը հավասար է` 3.14159 26535 ..... :
Հաշվարկների ժամանակ այն ընդունվում է ≈3.14:

Որոշ պատկերների պարագծերի բանաձեւերը

Պատկերը	Բանաձեւը	Փոփոխականները
Շրջան	2πr	որտեղ` r-ը շառավիղն է.
Եռանկյուն	a + b + c	որտեղէ a-ն, b-ն եւ c-ն եռանկյունու կողմերի երկարություններն են:
Քառակուսի/շեղանկյուն	4a	որտեղ` a-ն կողմի երկարությունն է:
Ուղղանկյուն	2(l+b)	որտեղ` l-ը երկարությունն է, b-ն` բարձրությունը: