Ջին Արթուր

Ջին Արթուր Jean Arthur
դերասանուհի
Ծնվել է	17 հոկտեմբեր 1900
Ծննդավայր	Պլատտսբուրգ, Նյու Յորք, ԱՄՆ
Մահացել է	19 հունիս 1991
Մահվան վայր	Կարմել, Կալիֆորնիա, ԱՄՆ
Քաղաքացիություն	ԱՄՆ
Ազգություն	ԱՄՆ
Մասնագիտություն	կինոդերասանուհի, համալսարանի դասախոս, թատրոնի դերասանուհի և հեռուստատեսային դերասանուհի
Աշխատանք	1923-1953
Աշխատավայր	Վասար քոլեջ
Պարգևներ և մրցանակներ	Հոլիվուդյան փառքի ծառուղու աստղ
Կայք	IMDb-ում էջ
Jean Arthur Վիքիպահեստում

Ջին Արթուր (անգլ.՝ Jean Arthur, իսկական անուն ազգանունը` Գլեդիս Ջորջիանա Գրին, հոկտեմբերի 17, 1900, Պլատտսբուրգ, Նյու Յորք, ԱՄՆ - հունիսի 19, 1991, Կարմել, Կալիֆորնիա, ԱՄՆ), ամերիկացի դերասանուհի, 1930-40 ական թթ. ամենահայտնի կատակերգակ դերասանուհիներից մեկը ամերիկյան կինոյում։

Կենսագրություն և կարիերա

Ջին Արթուրը ծնվել է 1900 թվականին Նյու Յորքում։ 1920-ական թթ. աշխատել է որպես մոդել Նյու Յորքում։ 1923 թվականին խաղացել է իր առաջին դերը Ջոն Ֆորդի «Կամեո Կիրբի» ֆիլմում։

Խաղացել է ընդհանուր թվով 90-ից ավելի ֆիլմերում` հատկապես հաջող հանդես գալով կատակերգություններում։ 1944 թվականին Օսկարի է ներկայացվել «Ինչքան շատ, այնքան ուրախ» ֆիլմի համար։ Նկարահավել է ռեժիսոր Ֆրենկ Կապրայի շատ ֆիլմերում և հայտնի է հատկապես «Միստր Դիդսը տեղափոխվում է քաղաք» (1936), «Քո հետ չես տանի» (1938) և «Միստր Սմիթը գնում է Վաշինգտոն» (1939) ֆիլմերից։

Նրա վերջին աշխատանքը կինոյում 1953 թվականին նկարահանված «Շեյն» ֆիլմն էր, որը ի դեպ նրա մասնակցությամբ միակ գունավոր ֆիլմն էր։ Կինոդերասանուհի կարիերայի ավարտից հետո սկսում է հանդես գալ թատրոնում, երբեմն խաղալով նաև Բրոդվեյում։ Նաև դասավանդել է Վասսարի քոլեջում, որտեղ նրա աշակերտներից է եղել նաև Մերիլ Սթրիփը։

Կյանքի վերջին տարիները անցկացրել է Կալիֆորնիայի առափնյա քաղաքներից մեկում` Կարմելում, որտեղ և մահացել է 1991 թվականին, սրտի անբավարարվածությունից։