Գուրգեն Սահակյան

Գուրգեն Սերոբի Սահակյան
Ծնվել է	1913 սեպտեմբերի 10 Ռուսական կայսրություն, Անի, գյուղ Սառնաղբյուր
Մահացել է	մարտի 26, 2000(2000-03-26) (տարիքը 86) Հայաստան, Երևան
Բնակության վայր(եր)	Հայաստան, Երևան
Քաղաքացիություն	Հայաստան
Ազգություն	Հայ
Մասնագիտություն	Ֆիզիկա, աստղագիտություն
Հաստատություն(ներ)	1. Երևանի պետական համալսարան (1939-2000), 2. Երևանի ֆիզիկայի ինստիտուտ (1950-1962), 3. Բյուրականի աստղադիտարան (1961-1970)։
Գործունեության ոլորտ	տեսական ֆիզիկա և աստղաֆիզիկա
Պաշտոն(ներ)	դեկան
Անդամակցություն	ՀՀ ԳԱԱ
Ալմա մատեր	Երևանի պետական համալսարան (1934-1939)
Կոչում	ակադեմիկոս
Գիտական աստիճան	ֆիզիկամաթեմատիկական գիտությունների դոկտոր (1963)
Եղել է գիտական ղեկավար	Էդվարդ Չուբարյան
Հայտնի աշակերտներ	ակադեմիկոս Էդվարդ Չուբարյան
Պարգևներ	և
Կուսակցություն	ԽՄԿԿ
Gourgen Sahakian Վիքիպահեստում

Գուրգեն Սերոբի Սահակյան (ծնվել է՝ սեպտեմբերի 10, 1913, Սառնաղբյուր, Անի, Ռուսական կայսրություն, վախճանվել է՝ մարտի 26 2000, Երևան, Հայաստան), գիտության ականավոր գործիչ, տեսաբան ֆիզիկոս, աստղագետ, գիտությունների դոկտոր (1963), պրոֆեսոր (1964), ՀՀ ԳԱԱ ակադեմիկոս (1982), ՀՀ գիտության վաստակավոր գործիչ (1970).

Պարգևատրվել է Լենինի (1986), Հայրենական պատերազմի 2-րդ կարգի (1945) և Ժողովուրդների բարեկամության (1981) շքանշաններով։

Հետազոտությունների ոլորտը՝ տարրական մասնիկներ և միջուկային ֆիզիկա, ճառագայթման և տիեզերական ճառագայթների տեսություն, տիեզերական ձգողականության տեսություն և նրա աստղաֆիզիկական կիրառությունները, այլասերված պլազմայի և գերխիտ երկնային մարմինների տեսություն:

Ակադեմիկոս Վիկտոր Համբարձումյանի հետ միասին կատարել են սիստեմատիկ ուսումնասիրություններ միջուկային և ավելի խիտ նյութի ջերմադինամիկական հատկությունների վերաբերյալ, ստեղծել այլասերված բարիոնային գազից կազմված աստղերի մոդելը։ Գործածության մեջ է դրել հիպերոնային աստղեր հասկացությունը։

Առաջինն էր, որ սկսեց ուսումնասիրել նուկլոնները՝ վերլուծելով էլեկտրոնների նուկլոնների վրա առաձգական ցրման անկյունային կախման օրինաչափությունները։ Ուսումնասիրել է այլասերված աստղային նյութի ջերմադինամիկայում π-մեզոնի դերը։ Ցույց է տվել էլեկտրոն-միջուկ իոնիզացման առկայությունը՝ նախկինում ենթադրվող չեզոքացման փոխարեն, ինչպես նաև էլեկտրոն-միջուկ պլազմային վիճակից հոծ միջուկային նյութի վիճակի անցման գոյությունը, որի ժամանակ խտությունը թռիչքով մեծանում է ~500 անգամ։

Կենսագրություն

Պատկեր:2011 05 Edvard Chubaryan 75th Birthday 37.jpg

1972 թ., Տեսական ֆիզիկայի ամբիոնում։ Կենտրոնում կանգնած Գուրգեն Սահակյան, ձախից նստած երկրորդ շարքում, Մանուշակ Գրիգորյան, Սամվել Հովսեփյան, Գրիգոր Ալավերդյան։ Ձախից նստած առաջին շարքում` Գրիգոր Ալոջյանց, Ատոմ Մուրադյան, Գևորգ Հաջյան, Արծվիկ Մարկոսյան, Յուրիյ Վարդանյան, Աշոտ Հովսեփյան,Դավիթ Սեդրակյան, Էդվարդ Չուբարյան, Կարեն Շահաբասյան, Ռոլանդ Ավագյան, Ալբերտ Կիրակոսյան, Գոհար Հարությունյան:

Հիմնարար աշխատություններ

• Саакян Г.С., Основы релятивистской теории гравитации (Учебно-вспомогательное пособие), Ереван, «Издательство Ереванского университета», 1987։
• Саакян Г.С., Пространство - время и гравитация, Ереван, «Издательство Ереванского университета», 1985։
• Саакян Г.С., Физика нейтронных звезд, Ереван, «Издательство Ереванского университета», 1995։

Գրականություն

• Колчинский И.Г., Корсунь А.А., Родригес М.Г., Астрономы. Биографический справочник, Киев, «Наукова думка», 1986։

Արտաքին հղումներ

ՀՀ ԳԱԱ իսկական անդամներ` ակադեմիկոս Գուրգեն Սերոբի Սահակյան