Ռոքնռոլ

Ռոքնռոլլ ( անգլ.՝ rock and roll կամ rock'n'roll), երաժշտական ժանր` տարածում գտած 1950-ականներին: Ձևավորվել է աֆրոամերիկյան և «սպիտակ» ժանրերի էլեմենտների համատեղումից, ինչպես ռիթմ-ն-բլյուզը և քանթրին: Սպիտակամորթ կատարողների ոճը նաև ստացել է ռոկաբիլլի անվանումը:

Առանձնահատկություններ - սա կոնկրետ ռիթմ է, պարային տեմպ, կատարման համարձակություն: Ավանդական գործիքներն են էլեկտրոկիթառը, կոնտրաբասը, հարվածայինները, ֆորտեպիանոն և սաքսոֆոնը: Ռոկաբիլլի խմբերի կազմը սովորաբար 3 հոգի է (կիռաթ, կոնտրաբաս, ռիթմ-կիթառ կամ հարվածայիններ): Ռոքնռոլլի համար հատկանշական է 4/4 (չորս քառորդ) չափը:

1960-ականների սկզբին ռոքնռոլլի ոճական սահմանները ծավալվեցին, և հայտնվեց նոր, ինքնուրույն ժանր - ռոք երաժշտություն.

Արմատներ

Ռոքնռոլլը հայտնվեց ամերիկական երաժշտության տարբեր ոճերի սինթեզի արդյունքում: 1950-ականներին ամերիկական Հարավի սպիտակամորթ և սևամորթ երաժիշտները սկսեցին խառնել ռիթմ-էնդ-բլյուզը, բուգի-վուգին, քանթրին և գոսպելը` հասնելով նոր հնչողության: Բիլլ Հեյլը օգտագործեց աֆրոամերիկյան սլենգը և բուգի-վուգին իր ռիթմիկ երգերում: