Փոխանցման կառավարման հաղորդակարգ

Տեղափոխման վերահսկման պրոտոկոլ (Transmission Control Protocol, TCP), ինտերնետի ցանցային պրոտոկոլների հիմնականներից մեկը:

Նախատեսված է TCP/IP-ի ցանցերի և ենթացանցերի տվյալների տեղափոխման վերահսկման համար (RFC 793)։ TCP-ն գտնվում է TCP/IP տեղափոխման մակարդակում: TCP օգտագործվում է այն ժամանակ, երբ հարկ է լինում պահպանել ուղարկված հաղորդագրության անվտանգությունը: Կիրառական պրոցեսները TCP-ի հետ աշխատում են հատուկ պորտերի միջոցով: Օրինակ TELNET սերվերը օգտագործում է 23 պորտը: TELNET օգտագործողը կստանա սերվերից ծառայություն, եթե միացում հաստատվի TCP-ի հետ 23 պորտով համապատասխան սարքում:

Աշխատանքը

TCP պրոտոկոլը մեծ ծավալով ինֆորմացիա է փոխանցում, այն բաժանելով մի քանի մասի: Բաժանված մասերը համարակալվում են՝ հետագայում վերականգման համար: Այդ համարակալումը տվյալների հետ միասին ուղարկելու համար, այն ամեն մի կտորը տեղավորում է համապատասխան շապիկով ծրարում, որի մեջ պահվում է համապատասխան ինֆորմացիան: Ստացված TCP-փաթեթը տեղավորվում է IP-ծրարի մեջ, որից էլ ստացվում է IP-փաթեթ, որի հետ էլ արդեն ցանցն աշխատում է:

Ընդունողը ստանալուց հետո բացում է IP-ծրարները և տեսնում է TCP-ծրարները, որոնք էլ իրենց հերթին բացում և տեղավորում են կտորները՝ համապատասխան հաջորդականությամբ համապատասխան տեղում: Եթե ինչ-որ բան բացակայում է, այն պահանջում է այդ կտորը նորից ուղարկել: Այսքանից հետո ինֆորմացիան հավաքվում է համապատասխան հերթականությամբ և ամբողջովին վերականգնվում է ու պատրաստ է լինում դեպի օգտագործողին ուղարկման:

Առանձնահատկությունները

TCP պրոտոկոլը ոընի մի քանի առանձնահատկությունների, որոնք չունեն այլ տրանսպորտային կամ ցանցային պրոտոկոլները, ինչպիսին օրինակ UDP կամ IP են`

• Բացահայտ ու հաստատումով ինիցիալիզացիա և միացման ավարտ
• Առանց ընդօրինակման տվյալների ապահով փոխանցում
• Հոսքի վերահսկում
• Ծանրաբեռնվածությունից խուսափում

Այս առանձնահատկությունների շնորհիվ TCP պրոտոկոլի իրականացումը ավելի դժվար է քան UDP(RFC 768) կամ IP(RFC 791):

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Փոխանցման կառավարման հաղորդակարգ կատեգորիայում։