Սուրեն Դարբինյան
Սուրեն Դարբինյան | |
|---|---|
| Ծնվել է | մայիսի 10, 1931[1] (92 տարեկան) Տավուշ, Շամշադինի շրջան, Հայկական ԽՍՀ, ԱԽՖՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Մասնագիտություն | երկրաֆիզիկոս և երկրաշարժագետ |
| Ալմա մատեր | Երևանի պետական համալսարան (1953) |
| Կոչում | պրոֆեսոր |
| Գիտական աստիճան | ֆիզիկամաթեմատիկական գիտությունների դոկտոր (1977) |
Սուրեն Սոկրատի Դարբինյան (մայիսի 10, 1931[1], Տավուշ, Շամշադինի շրջան, Հայկական ԽՍՀ, ԱԽՖՍՀ, ԽՍՀՄ), սեյսմակայուն շինարարության բնագավառի գիտնական։ Ֆիզմաթ գիտությունների դոկտոր (1977), պրոֆեսոր (1982): ՌԴ բնական ԳԱ ակադեմիկոս (2002)[2]:
Կենսագրություն[խմբագրել | խմբագրել կոդը]
Սուրեն Դարբինյանը ծնվել է 1931 թվականի մայիսի 10-ին, Շամշադինի շրջանի Թովուզ գյուղում։ 1953 թվականին գերազանցությամբ ավարտել է Երևանի պետական համալսարանի ֆիզիկա-մաթեմատիկական ֆակուլտետը[3] և աշխատանքի անցել ՀԽՍՀ ԳԱ Շինանյութերի և շինարարական կառուցվածքների գիտահետազոտական ինստիտուտում (ԱԻՍՄ)։ 1963-1993 թվականներին Հայաստանի ԳԱ Ա. Նազարովի անվան երկրաֆիզիկայի և ինժեներային սեյսմաբանության ինստիտուտում եղել է ավագ գիտաշխատող, բաժնի վարիչ, գիտության գծով փոխտնօրեն։ Գիտական աշխատանքին զուգահեռ դասավանդել է ՀՃՊՀ Գյումրիի մասնաճյուղում։ 1977 թվականին Մոսկվայում պաշտպանել է դոկտորական ատենախոսություն և ստացել ֆիզիկամաթեմատիկական գիտությունների դոկտորի գիտական աստիճան[4]։ Հեղինակ է ավելի քան 80 գիտական հոդվածների, համահեղինակ երկու մենագրությունների, զեկուցումներով հանդես է եկել միջազգային և համամիութենական մի շարք գիտաժողովներում։ Նրա ղեկավարությամբ պաշտպանվել են հինգ թեկնածուական ատենախոսություններ։ Մեծ ավանդ ունի Գյումրիի ՀՀ ԳԱԱ Երկրաֆիզիկայի և ինժեներային սեյսմաբանության ինստիտուտի ստեղծման և զարգացման գործում։ Նրա ղեկավարությամբ այնտեղ կազմակերպվել են տարբեր լաբորատորիաներ, այդ թվում՝ առաջին հաշվողական կենտրոնը։ Ակադեմիկոս Ա. Նազարովի հետ համատեղ Դարբինյանը մշակել է գործիքային հիմքով սեյսմիկ բալայնության որոշման սանդղակ։ Ակտիվ գիտական գործունեություն է ծավալել Սպիտակի երկրաշարժի հետևանքների ուսումնասիրման ուղղությամբ, որի համար պարգևատրվել է ՀՀ կառավարության պատվոգրով։ Մինչև ԽՍՀՄ փլուզումը, Դարբինյանը եղել է «Ինժեներային սեյսմաբանություն» հանդեսի գլխավոր խմբագիրը։ 1993 թվականից Դարբինյանն աշխատել է Երևանի ճարտարապետության և շինարարարության պետական համալսարանում՝ տարբեր տարիների զբաղեցնելով շինարարական մեխանիկայի, նյութերի դիմադրության, տեսական մեխանիկայի ամբիոնների վարիչի պաշտոնները[5]։
Պարգևներ[խմբագրել | խմբագրել կոդը]
- Հայաստանի Գերագույն խորհրդի մեդալներ (2) և պատվոգրեր
- ՀՀ Կառավարության պատվոգիր
- ԳԱԱ մի շարք պատվոգրեր
- Ռենտգենի անվան մեդալ
Երկեր[խմբագրել | խմբագրել կոդը]
- Основы количественного определения интенсивности сильных землетпясений, Ереван, 1974.
Ծանոթագրություններ[խմբագրել | խմբագրել կոդը]
- ↑ 1,0 1,1 http://am.hayazg.info/index.php?curid=2882
- ↑ www.raen.am http://www.raen.am/members/d10.html. Վերցված է 2019 թ․ մարտի 9-ին.
{{cite web}}: Missing or empty|title=(օգնություն) - ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005, էջ 135։
- ↑ «Дарбинян, Сурен Сократович - К расчету сооружений на сейсмические воздействия с учетом упруго пластических деформаций [Текст] : Автореферат дис., представленной на соискание ученой степени кандидата технических наук - Search RSL». search.rsl.ru. Վերցված է 2019 թ․ մարտի 9-ին.
- ↑ «ՀՀ ԳԱԱ Տեղեկագիր, Գիտություններ Երկրի մասին, 2011, 64, No 3, 64-65: Սուրեն Սոկրատի Դարբինյան (ծննդյան 80-ամյակին)» (PDF).(չաշխատող հղում)
| ||||||
