Սիվերկո
 | |
|---|---|
 | |
| տեսակ | գեղանկար |
| նկարիչ | Իլյա Օստրոուխով |
| տարի | 1890 |
| բարձրություն | 85 սանտիմետր |
| լայնություն | 119 սանտիմետր |
| նյութ | կտավ և յուղաներկ |
| գտնվում է | Տրետյակովյան պատկերասրահ |
| հավաքածու | Տրետյակովյան պատկերասրահ |
| կայք | |
Ծանոթագրություններ | |
«Սիվերկո» (ռուս.՝ «Сиверко»), ռուս նկարիչ Իլյա Օստրոուխովի (1858-1929) նկարը, որն ստեղծվել է 1890 թվականին։ Ընդգրկված է Տրետյակովյան պատկերասրահի հավաքածուում (ինվ. 1469)։ Նկարի չափերը՝ 85 × 119 սմ[1]։
Նկարագրություն[խմբագրել | խմբագրել կոդը]
Սիվերկոն սառը հյուսիսային քամի է[2]։ Նկարում պատկերված է ջրառատ գետի ոլորանն ամառային ամպամած օրը։ Հորիզոնում երկինքը ծածկված է անձրևաբեր ամպերով[3]։ Գետի ափերից մեկը զառիկող է, մյուսը՝ զառիվայր։ Հեռվում երևում է խիտ անտառի մուգ կանաչ շերտը[4]։ Սառը քամուց գետի մակերեսը ծածկվել է ալիքներով[5]։
Պատմություն[խմբագրել | խմբագրել կոդը]
«Սիվերկո» նկարը ներկայացվելէ Գեղարվեստական շրջիկ ցուցահանդեսների ընկերության (պերեդվիժնիկներ) 19-րդ ցուցահանդեսում, որ բացվել է Պետերբուրգում 1891 թվականին[1]։ Դեռ ցուցահանդեսից առաջ՝ 1890 թվականին, նկարը հեղինակից գնել է Պավել Տրետյակովը[1]։
Հայտնի են այդ նկարի համար արված երկու էտյուդներ, որ ստեղծվել են 1890 թվականին։ Դրանցից մեկը գտնվում է մասնավոր հավաքածուում, իսկ երկրորդի գտնվելու վայրն անհայտ է։ Նկարի թեմայի հետ կապված մյուս էտյուդներից մեկը («Զառիվայր ափ», ռուս.՝ «Обрывистый берег») գտնվում է Բելառուսի Հանրապետության ազգային պատկերասրահում, մյուսը («Ամպամած օր», ռուս.՝ «Хмурый день»)՝ Պոլտավայի պատկերասրահում[1]։
Արձագանքներ[խմբագրել | խմբագրել կոդը]
Ալեքսանդր Բենուան իր «Ռուս գեղանկարչության պատմությունը 19-րդ դարում» (ռուս.՝ «История русской живописи в XIX веке») գրքում «Սիվերկո» նկարի մասին գրել է[5]․
1891 թվականին ․․․․ Օստրոուխովը ներկայացրել է իր լավագույն ստեղծագործությունը՝ «Սիվերկո», որ ռուսական բնության զարմանալիորեն ստույգ ու համեստ պատկերն է։ Չնայած իր կոպիտ ու առանձնապես ոչ վիրտուոզ գեղանկարչությանը՝ այդ միայնակ նկարը պետք է վերագրվի ռուսական գեղանկարչության ամենաարժեքավոր երևույթների շարքին․․․
Բնօրինակ տեքստ (ռուս.)В 1891 году <…> Остроухов выставил своё лучшее произведение «Сиверко», удивительно верное и скромное изображение русской природы. Несмотря на свою жёсткую и не особенно виртуозную живопись, эта одинокая картина должна быть отнесена к самым драгоценным явлениям в русской живописи…
1910 թվականին Իգոր Գրաբարը նկարի մասին գրել է[6]․
Այս երևույթում կա հիանալի լրջություն, կա ինչ-որ նշանակալիություն, որ նկարին չի թողնում հնանալ ու պահպանում է նրա գեղանկարչության աշխուժությունը, մտքի պարզությունն ու զգացմունքի թարմությունը, չնայած բոլոր տեխնիկական նորարարություններին ու հակառակ բոլոր մոդեռնիստներին։ «Սիվերկոն» ավելի նշանակալի է նաև Լևիտանի նկարներից, թեև դեռ վերջերս այդպիսի պնդումը կարող էր թվալ պարադոքսալ։
Բնօրինակ տեքստ (ռուս.)В этой вещи есть замечательная серьёзность, есть какая-то значительность, не дающая картине стариться и сохраняющая ей бодрость живописи, ясность мысли и свежесть чувства, несмотря на все новейшие технические успехи и через головы всех модернистов. «Сиверко» — значительнее и левитановских картин, хотя ещё недавно такое утверждение могло бы показаться парадоксальным.
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Государственная Третьяковская галерея — каталог собрания / Я. В. Брук, Л. И. Иовлева. — Москва: Красная площадь, 2006. — Т. 4: Живопись второй половины XIX века, книга 2, Н—Я. — С. 36. — 560 с. — ISBN 5-900743-22-5
- ↑ Сивер // Толковый словарь живого великорусского языка : в 4 т. / авт.-сост. В. И. Даль. — 2-е изд. — СПб. : Типография М. О. Вольфа, 1880—1882.
- ↑ Е. Н. Евстратова 500 сокровищ русской живописи. — Москва: ОЛМА Медиа Групп, 2013. — С. 337. — 536 с. — ISBN 9-785-373-04169-0
- ↑ М. И. Ткач Энциклопедия пейзажа. — Москва: ОЛМА-ПРЕСС, 2002. — С. 262. — 350 с. — ISBN 978-5-948-49136-3
- ↑ 5,0 5,1 А. Н. Бенуа. «А. К. Саврасов, В. Д. Поленов, Н. Н. Дубовской, И. С. Остроухов» (HTML). История русской живописи в XIX веке. www.tphv-history.ru. Վերցված է 05.09.2014-ին.
- ↑ Ю. А. Пелевин. «Остроухов, Илья Семенович. Сиверко. 1890. ГТГ». artclassic.edu.ru. Արխիվացված է օրիգինալից (HTML) 2014 թ․ սեպտեմբերի 6-ին. Վերցված է 05.09.2014-ին.
Արտաքին հղումներ[խմբագրել | խմբագրել կոդը]
- «Остроухов Илья Семенович — Сиверко, 1890» (HTML). www.art-catalog.ru. Վերցված է 05.09.2014-ին.