Սերես (քաղաք)

Սերես
Քաղաք
	Սերես
	հուն․՝ Σέρρες
Երկիր	Հունաստան
Պերիֆերիա	Կենտրոնական Մակեդոնիա
Նոմոս	Սերե (նոմոս)
Մակերես	253 կմ²
ԲԾՄ	70 մետր
Խոսվող լեզուներ	հունարեն
Բնակչություն	54 666 մարդ (2001)
Ազգային կազմ	հույներ
Կրոնական կազմ	ուղղափառ
Ժամային գոտի	UTC+2, ամառը UTC+3
Հեռախոսային կոդ	23210x
Փոստային ինդեքս	621xx
Փոստային դասիչ	621 xx
Ավտոմոբիլային կոդ	EP
Պաշտոնական կայք	www.serres.gr
	Սերես (քաղաք) (Հունաստան)
	Սերես (քաղաք) (Հունաստան)
	Սերես Վիքիպահեստում

Սերես կամ Սերե (հուն․՝ Σέρρες, կաֆարևուսա Σέρραι), քաղաք Հունաստանում, Կենտրոնական Մակեդոնիայում։ Սերե նոմոսի մայրաքաղաքը։ Գտնվում է Աթենքից 587 կմ դեպի հյուսիս և Սալոնիկից 80 կմ դեպի արևելք։

Պատմություն[խմբագրել | խմբագրել կոդը]

Քաղաքի հիմնադրումը պատկանում է մ.թ.ա. 12-րդ դարին։ Հիշատակվում է Հերոդոտոսի կողմից որպես Սիրիս Պեոնիկի (հուն․՝ Σίρις η Παιονική): Բյուզանդական դարաշրջանում քաղաքն որպես ամրոց էր ծառայում բուլղարական հարձակումներից պաշտպանվելու համար։

1204 թվականին գրավվել է խաչակիրների կողմից, 1205 և 1230 թվականներին՝ բուլղարացիների կողմից, 1345 թվականին՝ սերբերի կողմից և 1368 թվականին՝ թուրք-օսմանների կողմից Էվրենոսի գլխավորությամբ։

1912 թվականին նոյեմբերի 6-ին Առաջին Բալկանյան պատերազմի ժամանակ գրավվել է բուլղարական բանակի կողմից։ 1913 թվականի հուլիսի 11-ին Երկրորդ Բալկանյան պատերազմի ժամանակ Կոնստանտինոս I թագավորի գլխավորությամբ գրավվել է հունական բանակի կողմից։

Սերեսի բնիկ քաղաքացի էր հանդիսանում 1821 թվականի հունական հեղափոխության հերոս Էմանուիլ Պապաս, որը Խալկիդիկա թերակղզում ապստամբության ղեկավարն էր։

Այլ հայտնի բնիկ քաղաքացիներ[խմբագրել | խմբագրել կոդը]

Դուկաս Գ. Դուկաս, նույն ինքը կապիտան Զերվաս (1879-1938) զինված ջոկատի հրամանատար հունական Մակեդոնիայի համար տարվող պայքարի տարիներին՝ թուրքերի և բուլղարացիների դեմ։
Դիմիտրիոս Ադամիսը՝ լինելով Եգիպտոսում, ստեղծել և գլխավորել է Եգիպտոսի հույներից բաղկացած կամավորական ջոկատ, որը մասնակցում էր Հունաստանի ազատագրական պատերազմում, 1821-1829 թվականները՝ մինչև դրա ավարտը։
Էվրիպիդիս Բակիրձիս (1895-1947) – գեներալ, Բալկանյան և Առաջին համաշխարհային պատերազմների և փոքրասիական արշավի մասնակից, 1941-1944 թվականների եռակի գերմանա-իտալա-բուլղարական օկուպացիայի տարիներին գլխավորել է հունական ազգային ազատագրական բանակի (ԷԼԱՍ) դիվիզիաների խումբը, 1944 թվականին նշանակվել է վարչապետ։
Դիմիտրիոս Պապագերիդիս (ծնվ. 1986) – հունացի ծանրամարտիկ-ծանրորդ (137 կգ), 2005 թվականի պատանիների աշխարհի չեմպիոն։
Անգելոս Խարիստեաս (ծնվ. 1980) – ֆուտբոլիստ, Հունաստանի հավաքականի՝ 2004 թվականի Եվրոպայի չեմպիոնի հարձակվող։

Աշխարհագրություն[խմբագրել | խմբագրել կոդը]

Կլիմա[խմբագրել | խմբագրել կոդը]

Սերես (1971–1997)ի կլիմայական տվյալները
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ	Տարի
Միջին բարձր °C (°F)	8.1 (46.6)	10.6 (51.1)	14.6 (58.3)	19.6 (67.3)	25.3 (77.5)	29.9 (85.8)	32.1 (89.8)	31.6 (88.9)	28.0 (82.4)	21.2 (70.2)	13.7 (56.7)	9.0 (48.2)	20.3 (68.5)
Միջին օրական °C (°F)	3.9 (39)	6.2 (43.2)	9.6 (49.3)	14.2 (57.6)	19.6 (67.3)	24.3 (75.7)	26.3 (79.3)	25.3 (77.5)	21.6 (70.9)	15.5 (59.9)	9.2 (48.6)	5.0 (41)	15.1 (59.2)
Միջին ցածր °C (°F)	−0.1 (31.8)	1.3 (34.3)	3.9 (39)	7.7 (45.9)	12.5 (54.5)	16.5 (61.7)	18.4 (65.1)	17.7 (63.9)	14.3 (57.7)	9.8 (49.6)	4.6 (40.3)	1.1 (34)	9.0 (48.2)
Տեղումներ մմ (դյույմ)	32.1 (1.264)	40.6 (1.598)	33.2 (1.307)	37.6 (1.48)	47.7 (1.878)	40.7 (1.602)	29.1 (1.146)	30.2 (1.189)	20.7 (0.815)	38.3 (1.508)	50.7 (1.996)	47.6 (1.874)	448.5 (17.657)
Միջ. տեղումների օրեր (≥ {{{միավոր տեղումների օրեր}}})	8.2	8.7	9.3	9.4	10.5	6.7	5.3	5.5	4.4	6.4	9.0	9.1	92.5
% խոնավություն	77.1	71.7	68.1	63.2	59.8	53.8	51.7	54.5	59.5	69.6	76.8	80.2	65.5
Միջին ամսական արևային ժամ	98.4	111.4	147.4	191.6	237.5	293.9	316.5	294.7	236.3	169.0	106.8	85.9	2289,4
աղբյուր: Hellenic National Meteorological Service^[1]

Մշակույթ[խմբագրել | խմբագրել կոդը]

Սերեսը քաղաք է, որտեղ առանձնահատուկ տարածում է ստացել հունական բուգացա շերտավոր բուգացա կարկանդակը։ 2008 թվականի հունիսին քաղաք է անցկացվել է բուգացայի առաջին փառատոնը, իսկ 2009 թվականին՝ երկրորդը^[2]^[3]։

Սերես քաղաքում է գտնվում նաև Սուրբ Հովհաննես Մկրտիչ վանքը։