Սեմյոն Տիմոշենկո

Սեմյոն Տիմոշենկո; Семён Тимошенко
Ծնվել է	փետրվարի 6 (18), 1895 կամ փետրվարի 18, 1895
Ծննդավայր	Ֆուրմանովկա, Izmailsky Uyezd, Բեսարաբյան գուբերնիա, Ռուսական կայսրություն
Մահացել է	մարտի 31, 1970[…] (75 տարեկան)
Մահվան վայր	Մոսկվա, ԽՍՀՄ
Գերեզման	Կրեմլի պատի պանթեոն
Քաղաքացիություն	ԽՍՀՄ
Ազգություն	ուկրաինացի
Մասնագիտություն	սպա և քաղաքական գործիչ
Զբաղեցրած պաշտոններ	People's Commissar for Defense of the Soviet Union? և ԽՍՀՄ գերագույն խորհրդի պատգամավոր
Կուսակցություն	ԽՄԿԿ
Պարգևներ և ; մրցանակներ	Տուդոր Վլադիմիրեսկուի շքանշան Հեղափոխական պատվո զենք ԽՍՀՄ պետական զինանշանի ոսկե պատկերով պատվավոր զենք և
Անդամություն	ԽՄԿԿ Կենտրոնական կոմիտե
	Semyon Timoshenko Վիքիպահեստում

Սեմյոն Կոնստանտինովիչ Տիմոշենկո (ռուս.՝ Семён Константинович Тимошенко, փետրվարի 6 (18), 1895 կամ փետրվարի 18, 1895(1895-02-18), Ֆուրմանովկա, Izmailsky Uyezd, Բեսարաբյան գուբերնիա, Ռուսական կայսրություն - մարտի 31, 1970(1970-03-31)^[1]^[2]^[3]^[…], Մոսկվա, ԽՍՀՄ), խորհրդային զորավար, Խորհրդային Միության մարշալ (1940), Խորհրդային Միության կրկնակի հերոս (21․3․1940, 18․2․1965)։ ՍՄԿԿ անդամ 1919-ից։

Գործունեություն[խմբագրել | խմբագրել կոդը]

Մասնակցել է 1914–1918-թվականների առաջին համաշխարհային պատերազմին, Հոկտեմբերյան հեղափոխությունից հետո՝ կալեդինշչինայի ջախջախմանը, գերմանացի զավթիչների և սպիտակ գվարդիականների դեմ Ղրիմում ու Կուբանում մղված մարտերին, Ցարիցինի պաշտպանությանը։ Ավարտել է Բարձրագույն ակադեմիական (1922 և 1927) և Վլադիմիր Լենինի անվան ռազմաքաղաքական ակադեմիայի միանձնյա հրամանատարների դասընթացները (1930)։

1933 թվականից եղել է Բելառուսիայի, 1935-ից՝ Կիևի ռազմական օկրուգների հրամանատարի տեղակալ, 1937-ից՝ Հյուսիս-Կովկասյան, Խարկովի ռազմական, օկրուգների, 1938-ից՝ Կիևի հատուկ ռազմաքաղաք, օկրուգի զորահրահմանատար։

1939 թվականին որպես Ուկրանիայի ռազմաճակատի հրամանատար, մասնակցել է Արևմտյան Ուկրաինայի ազատագրմանը։ Խորհրդային ֆինլանդյան պատերազմում (1939 –1940)՝ Հյուսիս-Արևմտյան ռազմաճակատի հրամանատար։

1940 –1941 թթ.՝ ՍՍՀՄ պաշտպանության ժողկոմ։ Հայրենական մեծ պատերազմի (1941 –1945) Ժամանակ եղել է Գլխավոր հրամանատարության ռազմակայանի նախագահ, ապա՝ Գերագույն գլխավոր հրամանատարության ռազմակայանի անդամ, պաշտպանության ժողկոմի տեղակալ, Արևմտյան (1941) և Հարավ–Արևմտյան (1941-1942) ուղղությունների գլխավոր հրամանատար, Արևմտյան (1941), Հարավարևմտյան (1941 –1942), Մտալինգրադյան (1942), Հյուսիսարևմտյան (1942-1943) ռազմաճակատների հրամանատար։ Պատերազմից հետո եղել է Բարանովիչյան, Հարավ–Ուրալյան, Բարանովիչյան, Բելառուսական ռազմ, օկրուգների զորահրամանատար։

1960 թվականից՝ ՍՍՀՄ պաշտպանության մինիստրության Գլխավոր տեսուչների խմբի գլխավեր տեսուչ։ 1961 –1970 թթ.̀ Պատերազմի վետերանների խորհրդային կոմիտեի նախագահ։ 1939 –1952 թթ.՝ ՀամԿ(բ) կ ԿԿ անդամ, 1952-1970 թթ.՝ ՍՄԿԿ ԿԿ անդամության թեկնածու։ ՍՍՀՄ I–VII գումարումների Գերագույն սովետի դեպուտատ։

Թաղված է Մոսկվայում, Կարմիր հրապարակում, Կրեմլի պատի մոտ։

Պարգևներ[խմբագրել | խմբագրել կոդը]

Պարգևատրվել է Լենինի 5, Հոկտեմբերյան հեղափոխության,«Հաղթանակի», Կարմիր դրոշի 5, Սուվորով աստիճանի 3 շքանշաններով, ինչպես նաև արտասահմանյան շքանշաններով, Պատվավոր հեղափոխական զենքով և այլն։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 Encyclopædia Britannica
↑ ^2,0 ^2,1 ^2,2 Բրոքհաուզի հանրագիտարան (գերմ.)
↑ ^3,0 ^3,1 ^3,2 Store norske leksikon(նորվ.) — 1978. — ISSN 2464-1480

Վիքիպահեստն ունի նյութեր, որոնք վերաբերում են «Սեմյոն Տիմոշենկո» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 12, էջ 9)։

[_cb41658676afb458-1] 1,0 ^1,1 ^1,2 Encyclopædia Britannica

[_e1398dc63f932bfe-2] 2,0 ^2,1 ^2,2 Բրոքհաուզի հանրագիտարան (գերմ.)

[_8943558e93feb6c8-3] 3,0 ^3,1 ^3,2 Store norske leksikon(նորվ.) — 1978. — ISSN 2464-1480

[1]

[2]

[3]