Սեբաստիան Քոու

; Սեբաստիան Նյուբոլդ Քոու
Ծնվել է	սեպտեմբերի 29, 1956[…] (67 տարեկան)
Ծննդավայր	Լոնդոն, Միացյալ Թագավորություն
Քաղաքացիություն	Միացյալ Թագավորություն
Կրթություն	Լաֆբորոյի համալսարան, Tapton School? և Abbeydale Grange School?
Մասնագիտություն	քաղաքական գործիչ, middle-distance runner, ինքնակենսագիր և թեթևատլետ
Ամուսին	Nicola Elliott? և Carole Smith?
Ծնողներ	հայր՝ Peter Coe?, մայր՝ Tina Angela Lall?
Զբաղեցրած պաշտոններ	World Athletics President?, Լոնդոնի օլիմպիական և պարալիմպիական խաղերի կազմակերպման կոմիտե, President of the Olympic Organizing Committee?, Լորդերի պալատի անդամ և Միացյալ Թագավորության 51-րդ Պառլամենտի անդամ
Կուսակցություն	Մեծ Բրիտանիայի պահպանողական կուսակցություն
Պարգևներ և ; մրցանակներ	Աստուրիայի արքայադստեր մրցանակ սպորտի բնագավառում Օլիմպիական շքանշան Bislett medal? L'Équipe չեմպիոնների չեմպիոն և BBC Sports Personality of the Year Award?
Երեխաներ	Madeleine Rose Coe?, Harry Sebastian Newbold Coe?, Peter Henry Christopher Coe? և Alice India Violet Coe?
	Sebastian Coe Վիքիպահեստում

Սեբաստիան Նյուբոլդ Քոու, բարոն Քոու (անգլ.՝ Sebastian Coe, սեպտեմբերի 29, 1956(1956-09-29)^[1]^[2]^[3]^[…], Լոնդոն, Միացյալ Թագավորություն), բրիտանացի քաղաքական գործիչ, թեթև ատլետ, IAAF^[5] նախագահ, բրիտանական կայսրության շքանշանի հրամանատար-ասպետ։ 1992-1997 թվականներին անգլիական խորհրդարանի անդամ Կոռնուոլ կոմսությունից, 2000 թվականից ցմահ պեր, Ռենմորսկի բարոն (Սուրրեի կոմսություն)։ 1500 մ վազքի երկակի չեմպիոն։

Կենսագրություն[խմբագրել | խմբագրել կոդը]

Սեբաստիան Քոուի մարզիչն իր հայրն էր՝ Փիթեր Քոուն։ 1979 թվականի հուլիսին Օսլոյի Բիշլետ ստադիոնում վազելով 800 մետր՝ Քոուն հատեց եզրագիծը 1.42,33 վայրկյանում՝ գերազանցելով աշխարհի ռեկորդը 1,11 վայրկյան արագությամբ։ Մեկ մղոն վազքը 3.48,95 վայրկյան արագությամբ նրա 2-րդ համաշխարհային ռեկորդն էր։ 1979 թվականին Ցյուրիխում (Weltklasse Zürich) 1500մ մրցատարածությունում Քոուն ցույց տվեց 3.32,03 արդյունք, որը դարձավ նրա երրորդ համաշխարհային ռեկորդը։ Նա իր վարկանիշով դարձավ առաջինը 800մ և 1500 մ մրցատարածությունում։ 1979 թվականին Թրեք էնդ Ֆիլդ Նյուզ «Track & Field News» ամսագրի տվյալներով համարվել է աշխարհի լավագույն թեթև ատլետը։ 1990 թվականին Քոուն թողել է մեծ սպորտը, որից հետո Մեծ Բրիտանիայում սկսել է զբաղվել քաղաքական գործունեությամբ։ Պահպանողական կուսակցության անդամ է։ 1992 թվականին ընտրություններում հաղթել է Կոռնուոլլի կոմսության ընտրատեղամասերից մեկում՝ հավաքելով ձայների 31,2 %-ը՝ հակառակ լիբերալ դեմոկրատների թեկնածուի 31,2 % արդյունքի և լեյբորիստների 29,2 % արդյունքի։ 1997 թվականի հերթական ընտրություններում Քոուն ստացավ ձայների 28,8 % -ը և իր տեղը զիջեց լեյբորիստ թեկնածու Քենդիս Էթերթոնին (33,8 %)։

Երբ 2005 թվականին Լոնդոնն ընտրվեց որպես 2012 թվականի Ամառային օլիմպիական խաղերի մայրաքաղաք, Սեբաստիան Քոուն ստանձնեց օլիմպիական խաղերի կազմկոմիտեի ղեկավարումը։ 2007 թվականին լորդ Քոուն ընտրվեց որպես Թեթև աթլետիկայի ֆեդերացիայի միջազգային ասոցիացիայի փոխնախագահ։

2015 թվականի օգոստոսի 19-ին ընտրվել է որպես IAAF^[5]-ի նոր նախագահ։ Քոուի ակտիվ դիրքորոշման և WADA-ի միջնորդության շնորհիվ 2015 թվականի նոյեմբերի 13-ին անորոշ ժամկետով կասեցվեց ԹԱՀՌՖ^[6]-ի անդամակցությունը IAAF-ին։ Իսկ 2016 թվականի հունիսի 17-ին IAAF-ի խորհուրդը, Քոուի գլխավորությամբ, ԹԱՀՌՖ-ին որակազրկելու որոշումը թողեց ուժի մեջ։ IAAF-ի ղեկավար Սեբաստիան Քոուն հայտարարեց. «Չնայած այն հանգամանքին, որ մեծ աշխատանք էր տարվել, IAAF-ը միաձայն որոշեց, որ ԹԱՀՌՖ-ն չի կարող այդ փուլում վերականգնել իր անդամակցությունը IAAF-ին։ Ռուսական կազմակերպությունը չի համապատասխանում անհրաժեշտ չափորոշիչներին։ Քանի դեռ ԹԱՀՌՖ-ն հեռացված է, նրա անդամները չպետք է մասնակցություն ունենան միջազգային մրցաշարերին կամ IAAF-ին» Չելսի անգլիական ֆուտբոլային ակումբի երկրպագու է։

Արդյունքներ[խմբագրել | խմբագրել կոդը]

**Միջազգային գլխավոր մրցաշարեր**
Տարի	Մրցաշար	Քաղաք	Հորիզոնական	Մրցատարածություն	Արդյունք	Տարեթիվ
1978	Եվրոպայի չեմպիոնատ	Պրահա	III	800 մ	1.44,76	օգոստոսի 31
1980	Ամառային օլիմպիական խաղեր	Մոսկվա	II	800 մ	1.45,85	հուլիսի 26
1980	Ամառային օլիմպիական խաղեր	Մոսկվա	I	1500 մ	3.38,4	օգոստոսի 1
1982	Եվրոպայի չեմպիոնատ	Աթենք	II	800 մ	1.46,68	սեպտեմբերի 8
1984	Ամառային օլիմպիական խաղեր	Լոս-Անջելես	II	800 մ	1.43,64	օգոստոսի 6
1984	Ամառային օլիմպիական խաղեր	Լոս-Անջելես	I	1500 մ	3.32,53	օգոստոսի 11
1986	Եվրոպայի չեմպիոնատ	Շտուտգարտ	I	800 մ	1.44,50	օգոստոսի 28
1986	Եվրոպայի չեմպիոնատ	Շտուտգարտ	II	1500 մ	3.41,67	օգոստոսի 31

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Себастьян Коу на сайте МОК(անգլ.)

Վիքիպահեստն ունի նյութեր, որոնք վերաբերում են «Սեբաստիան Քոու» հոդվածին։

[_de328e4b7bb4faa8-1] 1,0 ^1,1 Encyclopædia Britannica

[_eb0ad451d166f8c4-2] 2,0 ^2,1 Բրոքհաուզի հանրագիտարան (գերմ.)

[_7690dbd22dba39cd-3] 3,00 ^3,01 ^3,02 ^3,03 ^3,04 ^3,05 ^3,06 ^3,07 ^3,08 ^3,09 ^3,10 Lundy D. R. The Peerage

[_15875109a4e05528-4] Sports Personality Roll of Honour

[autogenerated12-5] 5,0 ^5,1 Себастьян Коу избран новым президентом IAAF

[iaafvfla-6] Нет вам прощения. Поедут ли российские легкоатлеты на Олимпийские игры в Рио-де-Жанейро. // Lenta.ru.

[1]

[2]

[3]

[4]

[5]

[6]