Սարգիս Սողանալյան
| Սարգիս Սողանալյան | |
|---|---|
| Ծնվել է | փետրվարի 6, 1929 |
| Ծննդավայր | Ալեքսանդրետտա, Ալեքսանդրետի սանջակ, Սիրիա պետություն (1925—1930), Ֆրանսիայի գաղութներ, Ֆրանսիա |
| Մահացել է | հոկտեմբերի 5, 2011[1] (82 տարեկան) |
| Մահվան վայր | Hialeah, Մայամի Դեյդ շրջան, Ֆլորիդա, ԱՄՆ |
| Քաղաքացիություն |  Հայաստան,  Սիրիա և  Լիբանան |
| Մասնագիտություն | ձեռնարկատեր |
Սարգիս Սողանալյան (անգլ.՝ Sarkis Garabet Soghanalian, փետրվարի 6, 1929, Ալեքսանդրետտա, Ալեքսանդրետի սանջակ, Սիրիա պետություն (1925—1930), Ֆրանսիայի գաղութներ, Ֆրանսիա - հոկտեմբերի 5, 2011[1], Hialeah, Մայամի Դեյդ շրջան, Ֆլորիդա, ԱՄՆ), հայ զինավաճառ, լրտես։ Սարգիս Սողանալյանին կոչում էին «մահվան վաճառական»[2]։
Կենսագրություն[խմբագրել | խմբագրել կոդը]
Ծնվել է 1929 թվականի փետրվարի 6-ին Ալեքսանդրետտա։ Հոր մահից հետո ընտանիքը տեղափոխվել է Բեյրութ։ Սարգիսը թողել է ուսումը եւ զորակոչկվել բանակ՝ արդյուքնում ամբողջ կյանքում զբաղվելով զենքի բիզնեսով[2]։
1958 թվականին ամուսնացել էր Բեյրութի դպրոցներից մեկի ուսուցչուհի Շիրլի Ադամսի հետ։ Նրանք բաժանվել են 1970-ականներին։ Սողանալյանի մահից հետո մնացել են նրա որդին ու դուստրը[2]։
1980-ականներին Իրանի եւ Իրաքի պատերազմի ժամանակ եղել է Իրաքին 1,6 միլիարդ դոլարի զենքի վաճառքի միջնորդ։ Լիբանանի քաղաքացիական պատերազմի ժամանակ նա զենքն էր առաքում քրիստոնեական ուժերին, զինամթերք էր վաճառում Նիկարագուայի նախագահ Սոմոսային[2]։
1981 թվականին Մավրիտանիային 0,50 տրամաչափի գնդացիր վաճառելու գործարքում կատարած խարդախության համար նա պետք է դատապարտվեր երկար տարիների ազատազրկման, սակայն սահմանվեց պայմանական պատիժ։ Դատավորն ասել էր, թե այդ գործում ներքաշված է ԱՄՆ Պետդեպարտամենտը[2]։
1993 թվականին Սողանալյանը Իրաքին 100 հարվածային ուղղաթիռներ վաճառելու փորձի համար դատապարտվեց վեց ու կես տարվա ազատազրկման։ Դրամանենգությամբ զբաղված լիբանանցիների ցանցը բացահայտելու դիմաց Սողանալյանի ազատազրկման ժամկետը կիսով չափ կրճատվեց[2]։
133 կիլոգրամանոց փլեյբոյն իր գործերը ղեկավարում է Մայամիի տանից, որն աշխարհով մեկ սփռված նրա բազմաթիվ տներից մեկն էր։ Նրա եկամտահարկը գերազանցում էր մեկ միլիարդ դոլար և նա ներշնչել էր Նիկոլաս Քեյջին խաղալ «Զենքի բարոնը» (2005) ֆիլմի գլխավոր դերում[2]։
Համաձայն որոշ աղբյուրների, Սողանալյանը կապեր է ունեցել քաղաքական գործիչների, բռնակալների, թագավորական տների հետ[2]։
Նրա հարաբերությունները ԿՀՎ-ի (FBI) հետ ձախողվեցին, երբ չստացվեց զենքի առաքումը Պերու[2]։
Սառը պատերազմից հետո Սողանալյանի բազմաթիվ գործնական շփումներ այլեւս պետք չէին։ Մահացել է 2011 թվականի հոկտեմբերի 5-ին։ Նրա որդու խոսքով, Սողանալյանը սնանկ է մահացել[2]։