Ռոմինա Փաուեր

Ռոմինա Փաուեր; անգլ.՝ Romina Power
Ծնվել է	հոկտեմբերի 2, 1951[…] (72 տարեկան)
Ծննդավայր	Լոս Անջելես, Կալիֆոռնիա, ԱՄՆ
Քաղաքացիություն	ԱՄՆ և Իտալիա
Մայրենի լեզու	անգլերեն
Մասնագիտություն	երգչուհի, կինոպրոդյուսեր, ձեռնարկատեր, բարձրաշխարհիկ հեղինակություն, հեռուստատեսային դերասանուհի, երգերի հեղինակ և հաղորդավար
Ամուսին	Ալ Բանո
Ծնողներ	հայր՝ Թայրոն Փաուեր կրտսեր, մայր՝ Լինդա Քրիստիան
Երեխաներ	Իլենիա Կարիզի և Cristèl Carrisi?
Կայք	rominapower.guru
	Romina Power Վիքիպահեստում

Ռոմինա Փաուեր (ամբողջ անունը` Ռոմինա Ֆրանչեսկա Փաուեր (անգլ.` Romina Francesca Power), հոկտեմբերի 2, 1951(1951-10-02)^[1]^[2]^[3]^[…], Լոս Անջելես, Կալիֆոռնիա, ԱՄՆ^[4]), ամերիկա-իտալական երգչուհի, դերասանուհի և նկարչուհի։

Կենսագրություն[խմբագրել | խմբագրել կոդը]

Ռոմինա Փաուերը ծնվել է Լոս-Անջելեսում, հայտնի ամերիկյան դերասան Թայրոն Փաուերի և վերջինիս երկրորդ կնոջ` դերասանուհի Լինդա Քրիստիանի ընտանիքում։ Ծնողների ամուսնալուծությունից հետո, Ռոմինան քրոջ հետ միասին մնաց մոր մոտ։ Քանի որ նրանք շատ էին ճանապարհորդում, Ռոմինայի մանկությունն հիմնականում անցել է Մեքսիկայում և Իտալիայում։ Կրթությունն ստացել է Մեծ Բրիտանիայի քոլեջներից մեկում։

Մանկության տարիներին նրա վրա ազդեցություն են թողել 1950-ական թվականների ամերիկյան մյուզիքլները և մեքսիկական ժողովրդական մարիաչի ժանրի երաժշտությունը, որի արդյունքում էլ նա հրապուրվել է երաժշտությամբ։ Իր առաջին երգը գրել է դեռահաս տարիքում` իր ծննդյան օրը կիթառ նվեր ստանալուց հետո։ Բացի այդ` Ռոմինան սկսել էր նկարահանվել նաև եվրոպական ֆիլմերում, այդ թվում նաև իսպանացի Հեսուս Ֆրանկոյի «Ժյուստինա կամ առաքինիի դժբախտությունը» (1969 թ.) կինոնկարում, որտեղ նա նկարահանվել էր բոլորովին մերկ։ 1967 թվականին` ֆիլմերից մեկի նկարահանման ժամանակ, Ռոմինան ծանոթացել է իտալացի երգիչ Ալ Բանոյի հետ և երեք տարի անց` ամուսնացել նրա հետ։

1975 թվականից նրանք սկսեցին ելույթներ ունենալ միասին, մեծ ճանաչում ձեռք բերեցին Եվրոպայի ու Լատինական Ամերիկայի երկրներում։ Հատկապես հանրահայտ էին նրանց «Sharazan» (1981 թ.), «Felicita`» (1982 թ.), «Che angelo sei» (1982 թ.), «Ci sara» (1984 թ.), «Sempre, Sempre» (1986 թ.) և «Liberta`» (1987 թ.) երգերը, իսկ «Ci sara» երգը 1984 թվականին, Սան-Ռեմոյի փառատոնում գրավեց առաջին տեղը։ Միասին նրանք ձայնագրել են ավելի քան քսան երաժշտական ալբոմ, երկու անգամ մասնակցել են Եվրատեսիլ երգի մրցույթին (1976 թ., 1985 թ.): Նրանց երգերից շատերը դարձել են հիթեր։

1984 թվականին զույգն այցելել է ԽՍՀՄ, որտեղ նրանց մասնակցությամբ նկարահանվել է «Կախարդական սպիտակ գիշեր» երաժշտական ֆիլմը։ 1985 թվականին, «Felicita`» ալբոմի համար ստացել են գերմանական Golden Globe պարգևը։ Այդ ալբոմը միայն Գերմանիայում վաճառվել էր ավելի քան վեց միլիոն տպաքանակով։ Համատեղ ստեղծագործական կյանքի ընթացքում, մինչև 1996 թվականը, Ալ Բանո և Ռոմինա Փաուեր զույգը վաճառել է 65 միլիոն ձայնասկավառակ։

1999 թվականին Ալ Բանոն և Ռոմինա Փաուերը ամուսնալուծվեցին։ Ալ Բանոն շարունակեց իր երգչի սոլո կարիերան, իսկ Ռոմինան ժամանակավորապես հեռացավ երաժշտության աշխարհից։ Այնուամենայնիվ, 2013 թվականին, Ալ Բանոյի 70-ամյակի կապակցությամբ, հոբելյարի հետ միասին նա հայտնվեց բեմին։

2006-2007 թվականներին, Ռոմինան Միլանում կազմակերպեց իր նկարների ցուցահանդեսը։ 2007 թվականին Արիզոնայում տուն գնեց և որոշեց լքել Իտալիան։ Նա ցանկանում էր ինքնահաստատվել որպես երգիչ և գրող, որը չէր կարող անել Իտալիայում, քանի որ այնտեղ նրան դեռևս ընկալում էին որպես Ալ Բանոյի կին։ 2012 թվականին թողարկվել է նրա «Da lontano» ալբոմը, որը ձայնագրվել էր դեռևս 1998-1999 թվականներին։ 2014 թվականից Ռոմինա Փաուերն ու Ալ Բանոն հաճախակի ելույթներ են ունենում միասին։

Անձնական կյանքը[խմբագրել | խմբագրել կոդը]

1970-1999 թվականներին Ռոմինա Փաուերն ամուսնացած է եղել իտալացի երգիչ Ալ Բանոյի հետ։ Նրանք ունեցել են չորս երեխա` մեկ որդի և երեք դուստր։ 1994 թվականի հունվարի 6-ին նրանց ավագ դուստրը` Իլենիա Կարիզին, Նոր Օռլեանում, դեռևս չպարզված հանգամանքներում անհայտ կորել է և մինչ օրս նրա գտնվելու վայրի մասին ոչինչ հայտնի չէ։

Ֆիլմագրության ընտրանին[խմբագրել | խմբագրել կոդը]

Թվական	Անվանում	Բնօրինակ անվանում	Կերպար
1965	Տնային տնտեսություն իտալական ձևով	Menage all'italiana	Ստելլա Ռոբոտտի
1966	Ես ինչպես սովորեցի սիրել կանանց	Come imparai ad amare le donne	Իռենե
1967	Արևի տակ	Nel sole	Լորենա Վիվալդի
1968	Աշխարհի ոսկին	L'oro del mondo	Լորենա Վիվալդի
1968	24 ժամ կնոջ կյանքից	Vingt-quatre heures de la vie d'une femme	Մարիետա
1969	Մարքիզ դը Սադի Ժյուստինան	Marquis de Sade: Justine	Ժյուստինա
1969	Անկուշտները	Femmine insaziabili	Գլորիա Բրիգհտոն
1970	Հրեշտակներն առանց դրախտի	Angeli senza paradiso	Աննա Ռոսկոֆ
1983	Շամպայն դրախտում	Champagne in paradiso	-
1996	Սանդոկանի վերադարձը	Il ritorno di Sandokan	Մահառանի Սուրամա
2007	Սթրիփ - ակումբի հեքիաթները	Go Go Tales	Յոլանդա Վեգա

Սկավառակագրություն[խմբագրել | խմբագրել կոդը]

Ալ Բանոյի հետ

Տարեթիվը	Անվանումը
1975	Atto I
1978	1978
1979	Aria pura
1981	Sharazan (իսպաներեն)
1982	Felicità
1982	Felicidad (իսպաներեն)
1982	Che angelo sei
1983	Que ángel será (իսպաներեն)
1984	The Golden Orpheus Festival 1984
1984	Effetto amore
1986	Sempre sempre
1986	Siempre siempre (իսպաներեն)
1987	Libertà!
1987	Libertad (իսպաներեն)
1988	Fragile
1988	Fragile (իսպաներեն)
1990	Fotografia di un momento
1990	Fotografía de un momento (իսպաներեն)
1990	Weihnachten bei uns zu Hause (also known as Corriere di Natale)
1991	Navidad ha llegado (իսպաներեն)
1991	Vincerai
1991	Vencerás (իսպաներեն)
1993	Notte e giorno
1993	El tiempo de amarse (իսպաներեն)
1995	Emozionale
1995	Amor sagrado (իսպաներեն)
1996	Ancora... Zugabe
2015	The Very Best – Live aus Verona

Սոլո

Տարեթիվը	Անվանումը
1969	12 canzoni e una poesia
1974	Ascolta, ti racconto di un amore
1974	Con un paio di Blue-Jeans
2012	Da lontano

Ծանոթագրություններ[խմբագրել | խմբագրել կոդը]

↑ ^1,0 ^1,1 Discogs — 2000.
↑ ^2,0 ^2,1 filmportal.de — 2005.
↑ ^3,0 ^3,1 GeneaStar
↑ ^4,0 ^4,1 ^4,2 Deutsche Nationalbibliothek Record #140501703 // Gemeinsame Normdatei (գերմ.) — 2012—2016.

Վիքիպահեստն ունի նյութեր, որոնք վերաբերում են «Ռոմինա Փաուեր» հոդվածին։

[_9178a05d0b374059-1] 1,0 ^1,1 Discogs — 2000.

[_ecd9749dc54a14c7-2] 2,0 ^2,1 filmportal.de — 2005.

[_8da8fca71fd6d286-3] 3,0 ^3,1 GeneaStar

[_fbb5154206a7f5bb-4] 4,0 ^4,1 ^4,2 Deutsche Nationalbibliothek Record #140501703 // Gemeinsame Normdatei (գերմ.) — 2012—2016.

[1]

[2]

[3]

[4]