Ռիտա Պողոսովա
| Ռիտա Պողոսովա | ||
|---|---|---|
 | ||
| Անձնական տեղեկություն | ||
| Սեռ՝ | իգական | |
| Մասնագիտացում՝ | սեղանի թենիսիստ | |
| Երկիր՝ |  Ռուսաստան | |
| Ծննդյան ամսաթիվ՝ | դեկտեմբերի 6, 1948 (75 տարեկան) | |
| Ծննդավայր՝ | Բաքու, Ադրբեջանական ԽՍՀ, ԽՍՀՄ | |
Պարգևներ  | ||
Ռիտա Լևոնի Պողոսովա (դեկտեմբերի 6, 1948, Բաքու, Ադրբեջանական ԽՍՀ, ԽՍՀՄ), հայ խորհրդային սեղանի թենիսիստուհի, մենախաղի (1969), զուգախաղի (1968-1970) և խառը զուգախաղի (1967, 1968, 1970, 1975) ԽՍՀՄ ութակի չեմպիոն, թիմային մրցումներում սեղանի թենիսի Եվրոպայի չեմպիոն (1970) և աշխարհի չեմպիոն (1969)։ ԽՍՀՄ միջազգային կարգի սպորտի վարպետ (1969)[1]։
Կենսագրություն[խմբագրել | խմբագրել կոդը]
Ռիտա Պողոսովան ծնվել է 1948 թվականի դեկտեմբերի 6-ին Բաքվում։ Սեղանի թենիս սկսել է խաղալ 10 տարեկանում՝ Ռուսլան Կոտևի ղեկավարությամբ։ ԽՍՀՄ ազգային հավաքականի անդամ էր 1966 թվականից։ Ռիտա Պողոսովայի կարիերայում առավել հաջողակ էր 1969 թվականը, երբ նա դարձավ ԽՍՀՄ չեմպիոն մենախաղում և զուգախաղում, ինչպես նաև ԽՍՀՄ հավաքականի կազմում նվաճեց աշխարհի չեմպիոնի տիտղոսը։ Այս հաջողությունը Մյունխենի աշխարհի առաջնությունում եղավ ԽՍՀՄ սեղանի թենիսի պատմության մեջ առաջին և միակ հաղթանակը աշխարհի թիմային առաջնություններում (ինչպես կանանց, այնպես էլ տղամարդկանց)։ 1970 թվականին Մոսկվայում կայացած Եվրոպայի առաջնությունում Ռիտա Պողոսովան նվաճեց բոլոր արժողության մեդալները. թիմային մրցումներում՝ ոսկե, խառը զուգախաղում՝ արծաթե և մենախաղում՝ բրոնզե։
1971 թվականին Պողոսովան տեղափոխվել է Երևան, որտեղ նրա մարզիչը դարձել է Յուրի Ղազարյանը։ 1972 թվականին Պողոսովան ավարտել է Երևանի պետական համալսարանը[1]։ 1976 թվականին որդու ծնվելուց հետո նա ավարտել է կարիերան։ 1978-1990 թվականներին մարզչական գործունեություն է ծավալել «Սպարտակ» մարզական ընկերությունում[1]։ 2001-2007 թվականներին եղել է Իտալիայի Մեսինա քաղաքի համալսարանական թիմի խաղացող մարզիչը։ 2007 թվականից Ռիտա Պողոսովան աշխատում է որպես մանկական մարզիչ Բինասկո քաղաքի մարզական ակումբում[2]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 «Ով ով է. հայեր» (կենսագրական հանրագիտարան 2 հատորով, 2005-2007 թթ.), «Հայկական հանրագիտարան» հրատ., Երևան, 2007, էջ 348, ISBN 978-5-89700-030-2
- ↑ Diventa internazionale lo stage estivo di ping pong(իտալ.)
Աղբյուրներ[խմբագրել | խմբագրել կոդը]
- Фримерман Э. Я. Настольный теннис. — М.: Олимпия-Пресс, 2005. — 80 с. — (Краткая энциклопедия спорта). — ISBN 5-94299-029-8
- Статистика выступлений Риты Погосовой на сайте Международной федерации настольного тенниса Արխիվացված 2016-03-07 Wayback Machine