Ռիչարդ Սերրա

Ռիչարդ Սերրա; անգլ.՝ Richard Serra
Ծնվել է	նոյեմբերի 2, 1938[…]
Ծննդավայր	Սան Ֆրանցիսկո, Կալիֆոռնիա, ԱՄՆ
Մահացել է	մարտի 26, 2024 (85 տարեկան)
Վախճանի վայրը	Orient, Սաֆոլկ շրջան, Նյու Յորք, ԱՄՆ
Քաղաքացիություն	ԱՄՆ
Կրթություն	Կալիֆոռնիայի համալսարան, Բերքլի, Կալիֆորնիայի համալսարան Սանտա Բարբարայում (1961) և Եյլի համալսարան (1964)
Ստեղծագործություն(ներ)	Philibert and Margaret?, Slat?, The Hedgehog and the Fox? և Fulcrum?
Ոճ	process art? և մինիմալիզմ
Ժանր	աբստրակցիոնիզմ և Վիդեոարտ
Մասնագիտություն	քանդակագործ, նկարիչ, գծանկարիչ, հեռուստատեսային պրոդյուսեր և վիդեոնկարիչ
Ամուսին	Nancy Graves?
Պարգևներ և ; մրցանակներ	Գուգենհայմի կրթաթոշակ Գոսլար քաղաքի «Կայզերինգ» մրցանակ Կայսերական մրցանակ և Վիլհելմ Լեմբրուկի մրցանակ
Անդամություն	Արվեստի և գրականության ամերիկյան ակադեմիա, Եվրոպական գիտությունների և արվեստների ակադեմիա, Բեռլինի գեղարվեստի ակադեմիա, Գեղարվեստի թագավորական ակադեմիա, Արվեստների և գիտությունների ամերիկյան ակադեմիա, Սուրբ Ղուկասի ակադեմիա և 8-րդ փողոցի ակումբ
	Richard Serra Վիքիպահեստում

Ռիչարդ Սերրա (անգլ.՝ Richard Serra, նոյեմբերի 2, 1938(1938-11-02)^[1]^[2]^[3]^[…], Սան Ֆրանցիսկո, Կալիֆոռնիա, ԱՄՆ^[4] - մարտի 26, 2024(2024-03-26)^[5], Orient, Սաֆոլկ շրջան, Նյու Յորք, ԱՄՆ^[6]), ամերիկացի ժամանակակից քանդակագործ։ Աշխատել է նաև կինոյի ու վիդեոարտի բնագավառներում։

Կյանք և ստեղծագործություն[խմբագրել | խմբագրել կոդը]

Ռիչարդ Սերրան ծնվել է 1939 թվականին Սան Ֆրանցիսկոյում։ Նախ սովորել է Կալիֆոռնիայի համալսարանում Բերքլիում և Սանտա Բարբարայում (1957-1961) անգլիական գրականության բաժնում և ավարտել ուսումը գրականության բակալավրի աստիճանով։ Այնուհետև որոշ ժամանակ աշխատել է մետաղաձուլական գործարանում, որտեղ ծանոթացել է պողպատի մետաղական առանձնահատկություններին։ 1961-1964 թվականներին սովորել է Յեյլի համալսարանում Նյու Հեյվենում, որտեղ ուսումնասիրել է արվեստ և աշխատել գերմանացի նկարիչ Յոզեֆ Ալբերսի օգնական։ Նրա համակուրսեցիներից են եղել նկարիչներ Ռոբերտ Մանգոլդն ու Բրայս Մարդենը։ Սերրան համալսարանն ավարտել է արվեստի մագիստրոսի աստիճանով։

Ռիչարդ Սերրան իր ստեղծագործական կարիերան սկսել է որպես քանդակագործ մինիմալիստ։ Հիմնական նյութը, որով աշխատում էին իր ժամանակակից քանդակագործները, արտադրական հումքն էր, օրինակ` պողպատը, արճիճը, ռեզինը, պլաստիկը։ 1964 թվականին Սերրան ստացել է Յեյլի համալսարանի կրթաթոշակ և մեկ տարի անցկացրել Փարիզում, որտեղ ծանոթացել է երաժիշտ, կոմպոզիտոր Վուդի Գերմանի հետ։ 1960-ական թվականների վերջին նա սկսել է աշխատել մետաղով։ Նյու Յորք վերադառնալուց հետո Սերրան վաստակ ունենալու համար աշխատել է կահույքի փաթեթավորող։ Հենց այս ժամանակ է նա ծանոթացել մինիմալիզմի այնպիսի վարպետների հետ, ինչպիսիք են Ռոբերտ Սմիթսոնը, Դոնալդ Ջադը, Կառլ Անդրեն։ Ստեղծագործական այս շրջանին է պատկանում ռեզինից ու նեոնային լամպերից աշխատանքների շարքը։

1966 թվականին Հռոմում կայացել է Ռիչարդ Սերրայի անհատական առաջին ցուցահանդեսը, իսկ 1968 թվականին նրա աշխատանքները ցուցադրվել են Քյոլնում։ 1977 թվականին նա Կասելում մասնակցել է ժամանակակից արվեստի «documenta» ցուցահանդեսին։

1970-ական թվականների սկզբից վարպետը սկսել է աշխատել տպագրական գրաֆիկայի ոլորտում, որը դարձել է նրա երկրորդ տարերքը։ 1960-1970-ական թվականներին Սերրան տարվել է կինոյով, հանդես եկել որպես ֆիլմի բեմադրիչ։ Գերմանիայում եղած ժամանակ Հաթինգենում իր ապագա կնոջ` Կլարա Վեյերգրաֆի հետ (ամուսնացել են 1981 թվականին) նկարահանել է «Պողպատաձուլարան» ֆիլմը։

1970 թվականին Սերրան ապրել ու աշխատել է Ճապոնիայում։ 1970-ական թվականների սկզբին նա կերտում է իր առաջին խոշոր գործերը պողպատից։ 2005 թվականին Բիլբաոյի Գուգենհայմի թանգարանի պատվերով նա ստեղծել է «Ժամանակի մատերիա» (անգլ.՝ The Matter of Time) կոմպոզիցիան, որ բաղկացած է մետաղական ութ հսկա քանդակներից։

Պատկերասրահ[խմբագրել | խմբագրել կոդը]

Քանդակներ
Ֆուլկրում 1987, պողպատյա 17-մետրանոց քանդակ Լոնդոնի Լիվերպուլ սթրիթ կայարանի մոտակայքում
Բեռլինի ոլորաններ, պողպատ, 1986
Բրամե, Էսսեն

Գրականություն[խմբագրել | խմբագրել կոդը]

Kunibert Bering: Richard Serra. Skulptur, Zeichnung, Film, 1998, Reimer. ISBN 3-496-01188-2

Արտաքին հղումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

↑ ^1,0 ^1,1 Richard Serra (նիդերլ.)
↑ ^2,0 ^2,1 Benezit Dictionary of Artists — OUP, 2006. — ISBN 978-0-19-977378-7
↑ ^3,0 ^3,1 filmportal.de — 2005.
↑ ^4,0 ^4,1 ^4,2 RKDartists (նիդերլ.)
↑ ^5,0 ^5,1 ^5,2 Richard Serra, Who Recast Sculpture on a Massive Scale, Dies at 85 — The New York Times.
↑ ^6,0 ^6,1 ^6,2 Richard Serra, sculpteur américain maître de l’acier, est mort à 85 ans — Le Monde.
↑ Ժամանակակից արվեստի թանգարանի առցանց հավաքածու
↑ ^8,0 ^8,1 Wainwright L. S. Encyclopædia Britannica
↑ Guggenheim Fellows-ի տվյալների բազա
↑ Richard Serra: Premio Príncipe de Asturias de las Artes 2010
↑ All Laureates
↑ RICHARD SERRA — Accademia di San Luca.

Վիքիպահեստն ունի նյութեր, որոնք վերաբերում են «Ռիչարդ Սերրա» հոդվածին։

[_68cd6211bb2e5fee-1] 1,0 ^1,1 Richard Serra (նիդերլ.)

[_4b6e3cbf289feaa9-2] 2,0 ^2,1 Benezit Dictionary of Artists — OUP, 2006. — ISBN 978-0-19-977378-7

[_691db3602e6dc104-3] 3,0 ^3,1 filmportal.de — 2005.

[_46eb786ebb2d5623-4] 4,0 ^4,1 ^4,2 RKDartists (նիդերլ.)

[_8a00b3084eb2a341-5] 5,0 ^5,1 ^5,2 Richard Serra, Who Recast Sculpture on a Massive Scale, Dies at 85 — The New York Times.

[_b047be133f57186b-6] 6,0 ^6,1 ^6,2 Richard Serra, sculpteur américain maître de l’acier, est mort à 85 ans — Le Monde.

[_dc0e1681fcb72ca8-7] Ժամանակակից արվեստի թանգարանի առցանց հավաքածու

[_9ede4ff09439792c-8] 8,0 ^8,1 Wainwright L. S. Encyclopædia Britannica

[_3deecdf550c937ef-9] Guggenheim Fellows-ի տվյալների բազա

[_52f69283d701d17f-10] Richard Serra: Premio Príncipe de Asturias de las Artes 2010

[_219e29b93afa2097-11] All Laureates

[_f3730e2b3f56ffb9-12] RICHARD SERRA — Accademia di San Luca.

[1]

[2]

[3]

[4]

[5]

[6]

[7]

[8]

[9]

[10]

[11]

[12]