Ջեյք Լլոյդ
| Ջեյք Լլոյդ | |
|---|---|
 | |
| Ծննդյան թիվ՝ | մարտի 5, 1989 (35 տարեկան) |
| Ծննդավայր՝ | Ֆորթ-Քոլինս, Կոլորադո, ԱՄՆ |
| Քաղաքացիություն՝ |  ԱՄՆ |
| Մասնագիտություն՝ | դերասան, կինոդերասան, հնչյունավորող և հեռուստատեսային դերասան |
| IMDb։ | ID 0005157 |
Ջեյք Լլոյդ (անգլ.՝ Jake Lloyd, մարտի 5, 1989, Ֆորթ-Քոլինս, Կոլորադո, ԱՄՆ), ամերիկացի նախկին դերասան։ Առավել հայտնի է «Աստղային պատերազմներ։ Էպիզոդ I։ Թաքնված սպառնալիք» ֆիլմում խաղացած Էնակին Սքայուոքերի դերով։
Կենսագրություն[խմբագրել | խմբագրել կոդը]
Ջեյք Մեթյու Լլոյդը ծնվել է 1989 թվականի մարտի 5-ին Ֆորտ-Քոլլինսում, Կոլորադո, ԱՄՆ։ Հայրը Ուիլյամ Լլոյդն է, մայրը՝ Լիզա ՌԵյլին, քույրը՝ Մեդիսոնը։ Ջեյքը սովորել է Կարմելի միջնակարգ դպրոցում, իսկ հետո՝ Չիկագոյի Կոլումբիական քոլեջում։
1995-1999 թվականներին նա հաճախ նկարահանվել է գովազդներում, այդ թվում՝ «Ֆորդ», «Kmart», «Պեպսի», «Ջիպ» ընկերությունների համար։
Ֆիլմում իր դեբյուտն արել է 1996 թվականին։ Նկարահանվել է «Շտապ օգնություն» (ռուս.՝ «Скорая помощь») և «Կեղծարարը» (ռուս.՝ «Притворщик») հեռուստասերիալներում, «Ճեղքելով աստղերը» (ռուս.՝ «Срывая звёзды»), «Սուրբ Ծննդյան նվեր» ֆիլմերում (խաղացել է Առնոլդ Շվարցենեգերի որդու դերը)[1] և այլն։ Ավելի հայտնի է «Աստղային պատերազմներ։ Էպիզոդ I։ Թաքնված սպառնալիք» ֆիլմում խաղացած Էնակին Սքայուոքերի կերպարով։ Զբաղվել է «Աստղային պատերազմներ»-ի մոտիվներով[2] յոթ խաղի հնչյունավորմամբ[3]։
2001 թվականին նա ավարտեց իր դերասանական գործունեությունը՝ մեկնաբանելով, որ Էնակին Սքայուոքերի դերը քայքայել է իր կարիերան և սպառել բազմաթիվ հարցազրույցներով[4]։
Ժամանակ առ ժամանակ հյուրի կարգավիճակով հանդես է գալիս գիտաֆանտաստիկ ֆիլմերի փառատոններին։ Որոշ ժամանակ Լլոյդը սովորել է Չիկագոյի Կոլումբիական քոլեջում, որտեղ ուսումնասիրել է ֆիլմ և հոգեբանություն։
2015 թվականի հունիսի 17-ին Ջեյք Լլոյդը ձերբակալվել է ոստիկանության կողմից ավտոմեքենայի արագությունը գերազանցելու համար[5]։ Դերասանը մեղադրվում էր միանգամից մի քանի իրավախախտումների մեջ․ նրան մեղադրում էին արագությունը գերազանցելու, առանց վարորդական իրավունքի և կարմիր լույսի տակ վարելու, ինչպես նաև ձերբակալման ժամանակ ընդդիմանալու համար։ Միևնույն ժամանակ դերասանը ավտովթարի էր ենթարկվել, բայց լուրջ վնասվածքներ չէր ստացել։
Նրա մայրը՝ Լիզան, հայտարարել է, որ Լլոյդը տառապում է շիզոֆրենիայով, և այդ միջադեպի պատճառն այն էր, որ հրաժարվել է դեղորայք ընդունել, ինչի արդյունքում առաջացել է նոպան։ Մայրը նաև հայտարարել է, որ 2015 թվականի մարտի 26-ին Լլոյդը Ինդիանապոլիսի տանը հարձակվել է իր վրա, քանի որ հիվանդության պատճառով գտնվում էր աֆեկտի վիճակում[6]։ 2016 թվականի ապրիլին՝ շիզոֆրենիայի ախտորոշումը հաստատվելուց հետո, Լլոյդը տեղափոխվել է հոգեբուժարան[7]։
Անվանակարգեր և պարգևներ[խմբագրել | խմբագրել կոդը]
| Թվական | Պարգև | Կատեգորիա | Աշխատանք | Արդյունք |
|---|---|---|---|---|
| 1997 | «Երիտասարդ դերասան» | «Գեղարվեստական ֆիլմի լավագույն դերասան 10 տարեկանից փոքր» | «Պայթեցնելով աստղերը» | Առաջադրված |
| 1999 | «YoungStar Award» | «Դրամատիկ ֆիլմի լավագույն դերասան» | Աստղային պատերազմներ։ Էպիզոդ I։ Թաքնված սպառնալիք | Առաջադրված |
| 2000 | «Սատուրն» | «Լավագույն երիտասարդ դերասան կամ դերասանուհի» | Առաջադրված | |
| «Blockbuster Entertainment Awards» | «Մարտաֆիլմի երկրորդ պլանի լավագույն դերասան» | Առաջադրված | ||
| «Ոսկե ազնվամորի» | «Ոսկե ազնվամորու» մրցանակ ամենավատ դերասանի համար | Առաջադրված | ||
| «Երկրորդ պլանի ամենավատ դերակատար» | Առաջադրված | |||
| «Երիտասարդ դերասան» | «Գեղարվեստական ֆիլմի լավագույն դերասան 10 տարեկանից փոքր»[8] | Հաղթանակ |
Ծանոթագրություններ[խմբագրել | խմբագրել կոդը]
- ↑ 'Jingle All the Way' (1996): Jake Lloyd ad Jamie Langston
- ↑ Sega gets the force
- ↑ «Джейк Ллойд». Вукипедия (ռուսերեն). Վերցված է 2017 թ․ օգոստոսի 24-ին.
- ↑ 'Star Wars fame turned my life into a living hell': Former child star Jake 'Anakin Skywalker' Lloyd on why he quit acting
- ↑ «'Star Wars' child star arrested after chase, crash in Colleton County». Արխիվացված է օրիգինալից 2016 թ․ հունիսի 7-ին. Վերցված է 2018 թ․ հուլիսի 20-ին.
- ↑ 'Star Wars' star Jake Lloyd suffers from schizophrenia, once attacked mom: report
- ↑ Parker, Heidi (2016 թ․ ապրիլի 10). «'Star Wars: The Phantom Menace actor Jake Lloyd diagnosed with schizophrenia causing him to be moved from jail to psychiatric facility after June arrest'». Daily Mail.
- ↑ «Twentyfirst Annual Young Artist Awards 1998—1999». Արխիվացված է օրիգինալից 2012 թ․ հուլիսի 19-ին. Վերցված է 2018 թ․ հուլիսի 20-ին.
 | Վիքիպահեստն ունի նյութեր, որոնք վերաբերում են «Ջեյք Լլոյդ» հոդվածին։ |
| ||||||||||
- Մարտի 5 ծնունդներ
- 1989 ծնունդներ
- Ապրող անձինք
- ԱՄՆ-ում ծնվածներ
- Անձինք այբբենական կարգով
- Կինոգործիչներ այբբենական կարգով
- 21-րդ դարի ամերիկացի տղամարդ դերասաններ
- «Երիտասարդ դերասան» մրցանակի դափնեկիրներ
- Ամերիկացի տղա երեխա դերասաններ
- Ամերիկացի տղամարդ կինոդերասաններ
- Ամերիկացի տղամարդ հեռուստատեսային դերասաններ
- Ամերիկացի տղամարդ հնչյունավորողներ