Չյուռլյոնիսի անվան ազգային արվեստի թանգարան

Չյուռլյոնիսի անվան ազգային արվեստի թանգարան
Տեսակ	պատկերասրահ
Երկիր	Լիտվա
Տեղագրություն	Կաունաս
Հիմնադրվել է	դեկտեմբերի 14, 1921
Կայք	ciurlionis.lt

Չյուռլյոնիսի անվան ազգային արվեստի թանգարան (լիտ.՝ Nacionalinis Mikalojaus Konstantino Čiurlionio dailės muziejus), գեղարվեստի հնագույն թանգարան, թանգարանների խումբ Լիտվայի Կաունաս քաղաքում։ Այն հիմնականում նվիրված է լիտվացի կոմպոզիտոր և նկարիչ Միկալոյուս Կոնստանտինաս Չյուռլյոնիսի (1875–1911) աշխատանքները հրապարակելուն։

Պատմություն[խմբագրել | խմբագրել կոդը]

Թանգարանը հիմնադրվել է 1921 թվականի դեկտեմբերի 14-ին։ 1936 թվականին թանգարանն անվանվել է Վիտովտի անունով։ Ներկայիս անվանումը ստացել է 1944 թվականին։ Թանգարանային տարածքն ընդլայնվել է 1969 թվականին^[1]։ 1997 թվականին գեղարվեստի թանգարանին տրվել է ազգային թանգարանի կարգավիճակ։ Այցելուները կարող են տեսնել ցուցանմուշները Լիտվայի ժողովրդական, կիրառական արվեստի 16-րդ դարի նմուշներից։

Ներկայումս Արվեստի ազգային թանգարանն ունի արվեստի տարբեր հավաքածուներ, որոնք գտնվում են 12 մասնաճյուղերում։

Թանգարանը հովանավորում է միջազգային ցուցահանդեսներ, այստեղ կազմակերպվում են դասախոսություններ, համերգներ, համաժողովներ, իրականացվում է հատուկ կրթական գործունեություն երեխաների համար։

Թանգարանի շենքում է գտնվում նաև Վիտովտ Մեծի անվան պատերազմի թանգարանը՝ տեղակայված Կաունաս քաղաքի կենտրոնում։

Ցուցադրություն[խմբագրել | խմբագրել կոդը]

Կաունասի Չյուռլյոնիսի անվան ազգային արվեստի թանգարանն ունի ավելի քան 355,000 ցուցանմուշներ։ Թանգարանի ցուցադրության հավաքածուն կազմված է Միկալոյուս Կոնստանտինաս Չյուռլյոնիսի ժառանգությունից, Լիտվայի ժողովրդական արվեստի, կերպարվեստի և կիրառական արվեստի, անտիկ համաշխարհային արվեստի, արտասահմանյան գեղարվեստի և կիրառական արվեստի նմուշներից, Լիտվայի ժողովրդական արվեստի և գեղարվեստական կյանքի արխիվներից^[2]։

Թանգարանի մասնաճյուղեր[խմբագրել | խմբագրել կոդը]

№	Թանգարանների անվանումներ	Հասցե	Կառույցի ճարտարապետ	Ծանոթություններ
1	Չյուռլյոնիսի անվան ազգային արվեստի թանգարան	Պուտվինսկյո 55	Վլադիմիր Դուբենեցկի, 1926	Թանգարանում ներկայացված են լիտվական արվեստի ժամանակավոր և մշտական ցուցահանդեսներ, հավելյալ մասում ներկայացված են Չյուռլյոնիսի գործունեությանն ու ժառանգությանը նվիրված հավաքածուն
2	Միկոլաս Ժիլիսկու անվան գեղարվեստական պատկերասրահ	Նեպրիկլաուսոմիբեսի 12	Է. Միլյունաս, Կ. Կիսելյուս, Ս Յուշկիս, 1989	Ներկայացված են կոլեկցիոներ Միկոլաս Ժիլիսկու՝ Կաունաս քաղաքին նվիրաբերած հավաքածուն
3	Լիտվական հանրապետության պատմական նախագահություն	Վիլնյաուս 33	2005, հուլիսի 5	Ցուցահանդեսների, կոնֆերանսների, գրքերի շնորհանդեսների վայր
4	Կաունասի պատկերասրահ	Դոնելայչե 16	Լ. Գեդգաուդինե և Ի. Ն. Գրանաուսկաս, 1978	Ներկայացված են լիտվական արվեստի, օտար երկրներում ապրող լիտվացիների գործեր, ժամանակակից Լիտվայի արվեստի ստեղծագործություններ
5	Կերամիկայի թանգարան	Ռոտուշես 15	1978	Ներկայացված է 15-19-րդ դարերի կերամիկական արվեստի հավաքածու, ինչպես նաև ժամանակակից լիտվական կերամիկական արվեստը
6	Անաստաս Ժմույզդինավիչյուսի հիշատակի թանգարան	Պուտվինսկե 64	Վիտաուտաս Լամդսբերգիս-Ժյամկալնիս, 1928	Ցուցադրությունը բացվել է 1966 թվականին, ներկայացված են լիտվացի հասարակական գործիչ, նկարիչ և կոլեկցիոներ Ժմույզդինավիչյուսի աշխատանքները (կտավներ, պլակատներ, գրքերի պատկերազարդումներ) , ինչպես նաև ժողովրդական արվեստի նմուշներ
7	Հրեշների թանգարան	Պուտվինսկե 64 (կից մասնաշենք)	Ա. Մաժեյկա, 1982	Ներկայացված է Ժմույզդինավիչուսի հավաքածուներից մեկը՝ հրեշների հավաքածուն, ֆիգուրներ, կտավներ, սպասք։ Հավաքածուն թանգարանից հանվել է առանձին սրահ ահռելի թվաքանակի պատճառով
8	Ադել և Պաուլյուս Գալաունիսների տուն	Վիդունո ծառուղի 2	Առնաս Ֆունկաս, 1934
9	Լյուդաս Տրույկիսի և Մարիյոն Ռակաուսկայտի հիշատակի թանգարան	Ֆրկո 14		Բացվել է 1994 թվականին
10	Յուոզաս Զիկարասի հիշատակի թանգարան	Զիկարո 3	քանդակագործի սեփական տունը	բացվել է 1999 թվականին, լիտվացի առաջին պրոֆեսիոնալ քանդակագործի տուն-արվեստանոցը
11	Միկալոյուս Կոնստանտինաս Չյուռլյոնիսի հիշատակի թանգարան	Չյուռլյոնե 35, Դրուսկինինկայ		Տունը, որտեղ անցել է Չյուռլյոնիսի մանկությունն ու պատանեկությունը
12	Վիտաուտաս Կազիմերի պատկերասրահ	Չյուռլյոնե 41, Դրուսկինինկայ		Տունը, որտեղ ապրել է լեհական 20-րդ դարի արվեստի վառ ներկայացուցիչը։ Ներկայացված են նրա բազմաթիվ աշխատանքներ
Թանգարանի նախկին մասնաճյուղեր
	Վինցաս Գրիբասի թանգարան	Յուրբարկաս		փոխանցվել է քաղաքի ինքնակառավարմանը
	Կեդայնյան գեղարվեստական ցուցադրություն	Կեդայնյա		փոխանցվել է քաղաքի ինքնակառավարմանը
	Վիտրաժների և քանդակի պատկերասրահ	Նեպրիկլաուսոմիբես 14	Տեղավորված է եղել Միքայել հրեշտակապետի եկեղեցում	1990 թվականին համալիրը հանձնվել է Հռոմի Կաթոլիկ եկեղեցուն
	Պաժայսլյաս համալիր	Մասյուլե 31		1990 թվականին համալիրը հանձնվել է Հռոմի Կաթոլիկ եկեղեցուն
	Կաունասի մզկիթ	Տոտորյու 6		1989 թվականին փոխանցվել է հավատացյալներին

Չյուռլյոնիսի անվան ազգային արվեստի թանգարան

Միկոլաս Ժիլիսկու անվան գեղարվեստական պատկերասրահ

Լիտվական հանրապետության պատմական նախագահություն

Կաունասի պատկերասրահ

Անաստաս Ժմույզդինավիչյուսի հիշատակի թանգարան

Հրեշների թանգարան

Ադել և Պաուլյուս Գալաունիսների տուն

Յուոզաս Զիկարասի հիշատակի

Վիտաուտաս Կազիմերի պատկերասրահ (Դրուսկինինկայ)

Պատկերասրահ[խմբագրել | խմբագրել կոդը]

Թանգարանի վարչական շենքը
Չյուռլյոնիսի անվան ազգային արվեստի թանգարան
Չյուռլյոնիսի անվան ազգային արվեստի թանգարանի աստիճանները

Ծանոթագրություններ[խմբագրել | խմբագրել կոդը]

↑ «MIKALOJUS KONSTANTINAS CIURLIONIS NATIONAL ART MUSEUM». Lithuanian Museum Association. Վերցված է 2008 թ․ դեկտեմբերի 27-ին.
↑ «M.K.CIURLIONIS ART MUSEUM». Արխիվացված է օրիգինալից 2016 թ․ մայիսի 13-ին. Վերցված է 2016 թ․ մայիսի 25-ին.