Շահանե Մեժլումյան

Շահանե Մեժլումյան;
Ծնվել է	հոկտեմբերի 7, 1979 (44 տարեկան)
Ծննդավայր	Գորիս, Հայկական ԽՍՀ, ԽՍՀՄ
Քաղաքացիություն	Հայաստան
Ազգություն	հայ
Կրթություն	ԵՊՀ ժուռնալիստիկայի ֆակուլտետ
Մասնագիտություն	հաղորդավարուհի, լրագրող, մեկնաբան
Աշխատանք	2003-2018 Հայաստանի հանրային հեռուստաընկերություն
Ամուսին	Արթուր Շեգունց
Երեխաներ	Լիլի, Նենսի, Լյուսի

Վիքիպեդիայում կան հոդվածներ Մեժլումյան ազգանունով այլ մարդկանց մասին։

Շահանե Մեժլումյան (հոկտեմբերի 7, 1979(1979-10-07), Գորիս, Հայկական ԽՍՀ, ԽՍՀՄ) հաղորդավարուհի, լրագրող, «Հայլուր» («Առաջին» լրատվական, «Օրակարգ») ծրագրի մեկնաբան։

Կենսագրություն[խմբագրել | խմբագրել կոդը]

Շահանե Մեժլումյանը ծնվել է 1979 թվականի հոկտեմբերի 7-ին, Գորիս քաղաքում^[1]։ 1997 թվականին ավարտել է Գորիսի Սերո Խանզադյանի անվան թիվ 6 միջնակարգ դպրոցը։ Ուսանողական տարիներին թղթակցել է հանրապետական մամուլին, ինչպես նաև տպագրել քաղաքական, սոցիալ-տնտեսական և մշակութային նյութեր։ 2000-2002 թվականներին թղթակցել է՝ Ռադիո իմպուլս FM-106.5 ռադիոկայանին՝ պատրաստել ռադիոռեպորտաժներ, Զարկերակե լրատվական ծրագրի, Ուսանողական միջօրեկանե լրատվական-ժամանցային ծրագրի համար, որտեղ ծավալել է հաղորդավարի գործունեություն։ Նույն թվականին ավարտել է Սուսաննա Ալեքսանյանի ղեկավարած հեռուստառադիոհաղորդավարների դպրոցը՝ ձեռք բերել հաղորդավարի մասնագիտություն։ 2003 թվականին ավարտել է Երևանի պետական համալսարանի ժուռնալիստիկայի ֆակուլտետը՝ ստանալով մագիստրոսի աստիճան։ 2003-2018 թվականներին աշխատել է Հայաստանի հանրային հեռուստաընկերությունում, եղել է լրատվական ծառայության մեկնաբան։