Նովա Գորիցա

Նովա Գորիցա
Բնակավայր
	Նովա Գորիցա
	սլովեն.՝ Nova Gorica
Երկիր	Սլովենիա
Մակերես	309 կմ²
ԲԾՄ	92 մետր
Բնակչություն	▼13 031 մարդ (հունվարի 1, 2020)
Ժամային գոտի	UTC+1 և UTC+2
Փոստային դասիչ	5000
Ավտոմոբիլային կոդ	GO
Պաշտոնական կայք	nova-gorica.si(սլովեն.)
	Նովա Գորիցա (Սլովենիա)
	Նովա Գորիցա (Սլովենիա)
	Նովա Գորիցա Վիքիպահեստում

Նովա Գորիցա (սլովեներեն՝ Nova Gorica^[2]), քաղաք Սլովենիայի արևմտյան մասում, Իտալիայի հետ սահմանի մոտ։ Նույնանուն համայնքի վարչական կենտրոնն է։ Բուն քաղաքն զբաղեցնում է 3,5 քառակուսի կիլոմետր տարածք^[3], որտեղ 2007 թվականի դեկտեմբերի 31-ի տվյալներով՝ բնակվում էր 13 290 մարդ։ Իսկ ամբողջ համայնքի բնակչության թվաքանակը կազմում էր 32 385^[4]։

Պատմություն[խմբագրել | խմբագրել կոդը]

Նովա Գորիցան հատակագծվել, պլանավորվել ու կառուցվել է ժամանակակից՝ մոդեռնիստական ճարտարապետության սկզբունքների հիման վրա, 1947 թվականից հետո, երբ Փարիզում կնքված խաղաղության դաշնագրով նոր սահմաններ հաստատվեցին նորաստեղծ Հարավսլավիայի Դաշնային Սոցիալիստական Հանրապետության և Իտալիայի միջև, ու Գորիցիա քաղաքը մնաց Հարավսլավիայի տարածքից դուրս, այդպիսով՝ Սոչա, Վիպավա հովիտները, Գորիցիա սարերը ընդգրկող տարածաշրջանը մնաց առանց ավանդական վարչական կենտրոն-քաղաքի։ 1948 թվականից Նովա Գորիցան փոխարինեց Գորիցիային այդ դերում՝ դառնալով Գորիշկա շրջանի (այդպես են անվանում սլովեններն իրենց երկրի արևմտյան հատվածը) վարչական կենտրոն-քաղաքը^[5]։

2011 թվականի մայիսից Նովա Գորիցան միացել է Գորիցիային ու Շեմպետեր-Վրտոյբային՝ մաս կազմելով անդրսահմանային մետրոպոլիսային մի գոտու, որը կառավարվում է համատեղ ձևավորված վարչակազմի կողմից^[6]։

Պատկերասրահ[խմբագրել | խմբագրել կոդը]

Սահմանագծի նշանը Իտալիայի ու Սլովենիայի, սլովենական Նովա Գորիցայի և իտալական Գորիցիայի միջև, Նովա Գորիցայի Եվրոպայի հրապարակում
Նովա Գորիցայի կենտրոնը
Գլխավոր հրապարակը
Երկաթուղային կայարանը
Ավտոմայրուղին և կամուրջը Նովա Գորիցայի մերձակայքում
Նովա Գորիցան 1969 թվականի փոստային բացիկին