Մոնսերատ Մարտի
| Մոնսերատ Մարտի | |
|---|---|
| Ծնվել է | նոյեմբերի 15, 1972 (51 տարեկան) |
| Ծննդավայր | Բարսելոնա, Իսպանիա |
| Քաղաքացիություն |  Իսպանիա |
| Մասնագիտություն | օպերային երգչուհի |
| Ծնողներ | հայր՝ Բեռնաբե Մարտի, մայր՝ Մոնտսերատ Կաբալիե |
Մոնսերատ Մարտի ի Կաբալյե (կատալոներեն և իսպաներեն՝ Monserrat Martí նոյեմբերի 15, 1972, Բարսելոնա, Իսպանիա), հայտնի է նաև Մոնտսիտա (Montsita) անունով — իսպանացի օպերային երգչուհի (սոպրանո)[1], համբավավոր երգչուհի Մոնսերատ Կաբալյեի և երգիչ Բեռնաբե Մարտիի (Bernabé Martí) դուստրը։
Կենսագրություն[խմբագրել | խմբագրել կոդը]
Պատանեկան տարիներին Մոնսերատ Մարտին երազել ու ջանացել է դառնալ բալետի պարուհի, սակայն ծնկի վնասվածքը հարկադրել է նրան փոխել մասնագիտությունը։
Որպես երգչուհի նա առաջին անգամ բեմ է բարձրացել 1993 թվականին՝ մոր հետ Լոնդոնում հանդես գալով համերգային ծրագրով։ Մարիան համերգներում հաճախ է ելույթ ունենում մոր հետ զույգ կազմած (հանրահայտ է նրանց «Կատվային զուգերգը»)։ Բացի դրանից, մայր ու աղջիկ նաև մի քանի երաժշտական ալբոմ են միասին ձայնագրել[2][3][4]։
1998 թվականին Մարիա Մարտին մեկնել է Գերմանիա և հենց այնտեղ էլ սկսել է իր կարիերան որպես օպերային երգչուհի։ Համբուրգի օպերային թատրոնում բեմադրված մոցարտյան Don Giovanni («Դոն Ժուան») օպերայում նա կատարել է Զերլինայի դերերգը։ Նրա առավել հայտնի դերակատարումներից է Մարիան՝ Լեոնարդ Բեռնստայնի «Վեստսայդյան պատմություն» մյուզիքլում, որը փորձարարական եղանակով բեմադրվել էր Միլանի Լա Սկալայում[5]։
Մոնտսիտան հյուրախաղերով հանդես է եկել բազմաթիվ երկրներում, երգել ոչ միայն Լա Սկալայում, այլև աշխարհահռչակ օպերային այլ թատրոններում՝ Իսպանիայի Gran Teatre del Liceu-ում, Palau de la Música Catalana-ում ու Teatro Real-ում, Ռուսաստանի Մարիինյան (Սանկտ Պետերբուրգ) և Մեծ (Մոսկվա) թատրոններում, Բեռլինի Deutsche Oper-ում, գերմանական ևս մի քանի թատրոններում՝ Alte Oper-ում, Musikhalle-ում, Oper der Stadt Köln-ում,ինչպես նաև Վիեննայի Musikverein-ում (Ավստրիա), Լոնդոնի Royal Albert Hall-ում (Մեծ Բրիտանիա)... Ընդ որում՝ բացի վերոնշյալ դերերգերից, Մարիա Մարտիի խաղացանկում ընդգրկված են դերերակատարումներ Ֆեդերիկո Գարսիա Լորկայի La casa de Bernarda Alba-ում, Մասնեի «Կլեոպատրա»-ում ու La Vierge-ում, Պուչինիի «Էդգար»-ում ու Le Villi-ում և այլն[6]։
Հիշատակման է արժանի նաև այն փաստը, որ երգչուհին մասնակցել է մի շարք բարեգործական համերգների, որոնցից գոյացած գումարները հատկացվել են Ռուանդայի ողբերգական իրադարձություններից տուժածներին, ծանր հիվանդություններից տառապող երեխաների օգնության հիմնադրամներին։
2006 թվականին Մարիան ամուսնացել է տնտեսագետ Կառլոս դե Նավաս Մարի հետ, բայց կարճ ժամանակ անց ամուսիններով բաժանվել են իրարից[7]։ Ներկայումս երգչուհին ամուսնացած է ձեռնարկատեր Դանիել Ֆայդելայի հետ, ումից մի դուստր ունի[8]։
Սկավառակագրություն[խմբագրել | խմբագրել կոդը]
Ստորև ներկայացված է Մոնսերատ Մարտիի մեներգերի, զուգերգերի, ինչպես նաև նրա մասնակցությամբ օպերաների ձայնագրությունների ընտրանին.
- 1995 թ. — Montserrat Caballe, Montserrat Marti. Two Voices, One Heart (հավաքածու, աուդիո CD)
- Los Diamantes De La Corona: Bolero (Ֆրանրեսկո Բարբիերի)
- Don Gil De Alcala: Habanera (Մանուել Պենելյա[9])
- Gianni Schicchi: O Mio Babbino (Ջակոմո Պուչինի)
- Giuditta: Meine Lippen, Sie Kussen So Heiss (Ֆրանց Լեգեր)
- Rigoletto: Caro Nome (Ջուզեպե Վերդի)
- Le Nozze Di Figaro: Sull Aria?... Che Soave Zeffiretto (Մոցարտ)
- Les Contes d'Hoffmann: Bacarole (Ժակ Օֆենբախ)
- 1996 թ. — Montserrat Caballe, Montserrat Marti. Unsere Weihnachtslieder. RCA Victor, SONY BMG).Սուրբծննդյան երգեր (այս սկավառակը բազմիցս վերաթողարկվել է տարբեր երկրներում, այդ թվում՝ «Our Christmas Songs» խորագրով)
- 1998 թ. — Montserrat Caballe. Von Ganzem Herzen (հավաքածու, աուդիո CD)
- Կատվային զուգերգ Duetto Buffo Di Due Gatti]]
- Lakme: Viens Mallika... Dome Epais Le Jasmin (Լեո Դելիբ)
- The Prayer (Վանգելիս)
- 2000 թ. — Christmas at the Duomo (Image Entertainment)[10] (DVD)
- 2007 թ. — Պուչինիի «Էդգար» օպերան, Kultur Video. (DVD)
- 2008 թ. — Merry Christmas From Milan: Caballe & Bruson / Montserrat Caballe, Renato Bruson, Montserrat Marti, Rossana Potenza. (DVD)[11] Սուրբծննդյան երգերի հավաքածու, թողարկող՝ Kultur Video.
Ծանոթագրություններ[խմբագրել | խմբագրել կոդը]
- ↑ “Montserrat Martí bbiography”. IMDB site. Retrieved 17 July 2018
- ↑ “En el mundo de la ópera la crisis está dejando atrás muy buenas voces”. ABC desevilla.es. Retrieved 17 July 2018 (Իսպաներեն)
- ↑ “The Caballé Family Christmas - with Montserrat Caballé and Montserrat Marti” Արխիվացված 2018-07-17 Wayback Machine. Opera Musica.com. Retrieved 17 July 2018
- ↑ “Two voices, One heart”. All Music.com. Retrieved 17 July 2018
- ↑ Культура за неделю // «КоммерсантЪ—Власть», № 10 (563), 15.03.2004.
- ↑ “Montserrat Martí Caballé” Արխիվացված 2018-07-17 Wayback Machine. All Music.com. Retrieved 17 July 2018 (Իսպաներեն)
- ↑ “Montserrat Martí Caballé da el «sí, quiero» en Ripoll”. ABC.es. Retrieved 17 July 2018 (Իսպաներեն)
- ↑ “Montserrat Martí celebra feliz el tercer cumpleaños de su hija Daniela”. Europa Press.es. Retrieved 17 July 2018 (Իսպաներեն)
- ↑ Хабанера из комической оперы «Don Gil de Alcalá» испанского композитора Мануэля Пенелья Морено (իսպ.՝ Manuel Penella)
- ↑ Amazon.com: Christmas at the Duomo: Montserrat Marti: Music
- ↑ Amazon.com: Merry Christmas From Milan- Caballe & Bruson / Montserrat Caballe, Renato Bruson, Montserrat Marti, Rossana Potenza: Renato Bruson, Enrico Castiglione: Music
Արտաքին հղումներ[խմբագրել | խմբագրել կոդը]
- Певица Монтсеррат Марти: «Человек, не знающий любви, не имеет права быть артистом»: Интервью. // «Известия», 2.10.2006.
- Монсеррат Марти (անգլ.) Internet Movie Database կայքում
Աղբյուրներ[խմբագրել | խմբագրել կոդը]
- (EN) Montserrat Martí, su Internet Movie Database, IMDb.com. Modifica su Wikidata
- (EN) Montserrat Martí, su MusicBrainz, MetaBrainz Foundation. Modifica su Wikidata
| ||||||
