Մինու Մոհրազ
Մինու Մոհրազ պարս.՝ مينو محرز | |
---|---|
Ծնվել է | հունվարի 19, 1946 (78 տարեկան) |
Ծննդավայր | Թեհրան, Իրան |
Քաղաքացիություն | Իրան |
Կրթություն | Թեհրանի բժշկական համալսարան |
Մասնագիտություն | բժիշկ և հետազոտող |
Minoo Mohraz Վիքիպահեստում |
Մինու Մոհրազ (պարս.՝ مينو محرز, հունվարի 19, 1946, Թեհրան, Իրան), իրանցի բժիշկ, հետազոտող և ՄԻԱՎ/ՁԻԱՀի մասնագետ։ Թեհրանի բժշկական գիտությունների համալսարանի Վարակիչ հիվանդությունների պրոֆեսոր և ՄԻԱՎ/ՁԻԱՀ-ի իրանական կենտրոնի ղեկավարը։
Կենսագրություն[խմբագրել | խմբագրել կոդը]
Մոհրազը ծնվել է 1946 թվականի հունվարի 19-ին Իրանի Թեհրան քաղաքում։ 1970 թվականին ավարտել է Թեհրանի բժշկական դպրոցի հանրային առողջապահության ոլորտում ուսումը և 1973 թվականին մասնագիտացել է վարակիչ հիվանդությունների բնագավառում[1][2]։ Նույն թվականին դարձել է Թեհրանի բժշկական գիտությունների համալսարանի վարակիչ հիվանդությունների պրոֆեսոր։
Մահրազը Իրանում ՄԻԱՎ/ՁԻԱՀ-ի համայնքի անունից բուռն քարոզչություն է իրականացնում, լոբբինգ է անում քաղաքական գործիչներին և հոգևորականներին՝ հիվանդության վերաբերյալ իրազեկման արշավներին աջակցելու համար։ 2001 թվականին Մոհրազին հրավիրել են հարցազրույցի Իրանի Իսլամական Հանրապետության Ձայնում՝ սեռական վարքի և ՄԻԱՎ/ՁԻԱՀ-ի վերաբերյալ տեղեկացվածություն տարածելու համար։ Սակայն նրա նախապայմանն այն էր, որ նրա ելույթը չպետք է գրաքննության ենթարկվի։ Իր ելույթի ժամանակ Մոհրազը ուղիղ եթերում օգտագործել է «պահպանակ» բառը, չնայած այն հանգամանքին, որ այդ բառն արգելված է ԶԼՄ-ներում[3]։
2007 թվականին Մոհրազը համարվել է ՄԻԱՎ/ՁԻԱՀ-ի ոլորտում Իրանի գլխավոր բժշկական փորձագետը։
Իրանում COVID-19 համավարակի ընթացքում Մինուն նշանակվել է կորոնավիրուսների դեմ պայքարի հանձնաժողովի անդամ։ Մարտի 14-ին իրանական ԶԼՄ-ները հայտնում էին, որ Մոհրազը վարակվել է SARS-CoV-2ով[4]։
Հետազոտություն[խմբագրել | խմբագրել կոդը]
Մինու Մոհրազը պարզել է, որ իրանական բանտերում շատ հաճախ տղամարդ կալանավորները սեքսով են զբաղվում այլ տղամարդ կալանավորների հետ, ինչը զգալիորեն մեծացնում է ՄԻԱՎ-ի փոխանցման վտանգը։ Մոհրազի ղեկավարությամբ Իրանի ՄԻԱՎ/ՁԻԱՀ-ի հետազոտական կենտրոնը մշակել է իմունոմոդուլացնող դեղամիջոց (IMOD), որը բաղկացած է յոթ իրանական դեղաբույսերից, ՄԻԱՎ-ով վարակված հիվանդների մոտ որպես օժանդակ դեղամիջոց օգտագործելու համար[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 «50 Iranian Women you Should Know: Minoo Mohraz». IranWire. 2015 թ․ սեպտեմբերի 23. Վերցված է 2018 թ․ հուլիսի 9-ին.
- ↑ «Iranian Women you Should Know: Minoo Mohraz». IranWire | خانه (անգլերեն). Վերցված է 2020 թ․ օգոստոսի 25-ին.
- ↑ Macfarquhar, Neil (Ապրիլի 4 2002). «Condom as a Problem Word: Iran Grapples With a Surge in AIDS». The New York Times. Վերցված է Հուլիսի 14 2018-ին.
- ↑ «Iran: Member of committee to combat Coronavirus tests positive for the virus». Al Arabiya English (անգլերեն). 2020 թ․ մարտի 14. Վերցված է 2020 թ․ օգոստոսի 25-ին.
|