Միխայիլ Վելլեր

Միխայիլ Վելլեր
Ծնվել է	մայիսի 20, 1948(1948-05-20) (75 տարեկան)
Ծննդավայր	Կամենեց-Պոդոլսկի, Խմելնիցկիի մարզ, Ուկրաինական ԽՍՀ, ԽՍՀՄ
Մասնագիտություն	փիլիսոփա, գրող, լրագրող, գիտաֆանտաստիկ գրող և արձակագիր
Լեզու	ռուսերեն
Քաղաքացիություն	ԽՍՀՄ և  Էստոնիա
Կրթություն	Սանկտ Պետերբուրգի համալսարանի լեզվաբանական ֆակուլտետ (1972)
Ժանրեր	պատմվածք և հրապարակախոսություն
Պարգևներ	և
Mikhail Veller Վիքիպահեստում

Միխայիլ Վելլեր (ռուս.՝ Михаи́л Ио́сифович Ве́ллер, մայիսի 20, 1948(1948-05-20), Կամենեց-Պոդոլսկի, Խմելնիցկիի մարզ, Ուկրաինական ԽՍՀ, ԽՍՀՄ), ռուս գրող, հրապարակախոս։ Ռուսական ՓԵՆ-Կենտրոնի անդամ։

Կենսագրություն

Ծնվել է հրեական ընտանիքում։ Սովորել է Լենինգրադի համալսարանում, եղել է թափառաշրջիկ, ճանապարհորդ, ձկնորսային նավի ծովային։ Բանակում ծառայելուց հետո աշխատել է դպրոցում, թանգարանում, հնագիտական արշավներում։

Գրել սկսել է 1976 թվականին՝ Լենինգրադում, առաջին անգամ տպագրվել է 1978 թ.։ 1979 թ. տեղափոխվել է Տալլին։ 1983 թ. տպագրվում է պատմվածքների առաջին ժողովածուն՝ «Ուզում եմ դռնապան լինել», որը թարգմանվել է հայերեն։

1993 թ. Տալլինում հրատարակվում է «Նևսկի պողոտայի լեգենդները» գիրքը, 2009 թ.` «Արբատի լեգենդները»։ Բնակվում է Մոսկվայում, ելույթ է ունենում ռադիոյով, հեռուստատեսությամբ ու գրական երեկոներում։

Կարծիքը Հայաստանի վերաբերյալ

Առաջին գործը ռուսերեն լույս է տեսել Հայաստանում, ինչից հետո 1980 թ․ այցելել է Հայաստան։ Հաճախ ելույթներ է ունենում Հայաստանի ու Արցախի իրավունքների պաշտպանությամբ։

2020 թ․ Հայ-ադրբեջանական ռազմական բախումների ժամանակ հանդես է եկել Հայաստանի իրավունքների պաշտպանությամբ՝ նշելով, որ իհարկե Ղարաբաղը "հայկական հող է՝ դարեր ու հազարամյակներ շարունակ"։

Պարգևներ

• Էստոնական սպիտակ աստղի շքանշան

Գրքեր

• Վելլեր, Միխայիլ - Ուզում եմ դռնապան լինել։ Եր., 1988

Արտաքին հղումներ

• Պաշտոնական կայքը
• http://www.lib.ru/WELLER/ Գործերը

Վիքիպահեստն ունի նյութեր, որոնք վերաբերում են «Միխայիլ Վելլեր» հոդվածին։