Մերսեդես Ելլինեկ
Մերսեդես Ելլինեկ | |
---|---|
Ծնվել է | սեպտեմբերի 16, 1889[1] |
Ծննդավայր | Վիեննա, Ավստրո-Հունգարիա[1] |
Մահացել է | փետրվարի 23, 1929[1] (39 տարեկան) |
Մահվան վայր | Վիեննա, Առաջին Ավստրիական Հանրապետություն[1] |
Գերեզման | Վիենայի կենտրոնական գերեզմանատուն |
Քաղաքացիություն | Ավստրիա |
Մասնագիտություն | երգչուհի |
Ծնողներ | հայր՝ Էմիլ Ելինեկ |
Mercédès Jellinek Վիքիպահեստում |
Ադրիանա Մանուելա Ռամոնա Ելլինեկ (գերմ.՝ Adriana Manuela Ramona Jellinek), մականունը՝ Մերսեդես (իսպ.՝ Mercédes; սեպտեմբերի 16, 1889[1], Վիեննա, Ավստրո-Հունգարիա[1] - փետրվարի 23, 1929[1], Վիեննա, Առաջին Ավստրիական Հանրապետություն[1]), ավստրիացի ձեռնարկատեր Էմիլ Ելլինեկի դուստրը, ում անունով էլ կոչվել է «Mercedes-Benz» ավտոմոբիլային ապրանքանիշը[2]։
Մերսեդեսը եղել է Էմիլ Ելլինեկի և Ռախել Գոգման Ցենտրոբերտի (գերմ.՝ Rachel Goggmann Cenrobert, 1854—1893): Եղել է Վիեննայի գլխավոր ռաբբի Ադոլֆ Ելլինեկի թոռնուհին։ Մայրը եղել է սեֆարդական ծագմամբ հրեա, ով ծնունդով Ալժիրից էր։ Տանը նրան կոչել են «Մերսեդես» (սեֆարդերեն՝ «փափկասրտություն» բառից։ Նրա հայրը և ավստրիացի բանկիր և ավտոապրանքանիշի համասեփականատեր Գոթլիբ Դայմլերը, աղջկա անունով են անվանել թողարկվելիք ապրանքանիշը։ «Մերսեդեսը» հանդիսանում էր «Դայմլերի» նախկին մոդելների և այնպիսի տեխնիկական նորարարությունների համադրություն, ինչպիսիք են կնիքված շրջանակը և ներթող կափարիչների մեխանիկական շարժակը, որից հետագայում ստիպված են եղեկ հրաժարվել։ Պարզվել է, որ մեքենան բավականին կառավարելի է և, գլխավորը, հուսալի շահագործման մեջ։ Այդ օրվանից, «Մերսեդես» անվանումը դարձել է «Դայմլերի» ֆիրմայի այցեքարտը։ Ֆիրմայի մնացած բոլոր մոդելները թողարկվել են այս ապրանքանիշի ներքո։ Սերիայի առաջին ավտոմեքենան եղել «Mercedes 35 PS» մոդելի մեքենան, որը թողարկվել է 1901 թվականին։ 1902 թվականի փետրվարի 23-ին «Mercedes» անվանումը գրանցվել է որպես ապրանքանիշի պաշտոնական անվանում։ Նույն տարում, Փարիզի ավտոմոբիլային ցուցադրության ժամանակ ապրանքանիշի տաղավարի մոտ փակցվել է աղջկա լուսանկարը։ 1903 թվականի հունիսի Էմիլ Ելլինեկին թույլատրել են պաշտոնապես փոխել իր ազգանունը «Ելլինեկից» «Ելլինեկ- Մերսեդեսի»։
Մերսեդեսը ապրել է Վիեննայում և հայտնի է եղել սկանդալային երկու բաժանումներով։ Ունենալով լավ ձայն՝ զբաղվել է երգեցողությամբ, սակայն չի կիսել ավտոմեքենաների նկատմամբ հոր սերը։ Մահացել է 1929 թվականին՝ քաղցկեղից։
Նրա եղբայրը եղել է ավստրիացի գրականագետ Ռաուլ Ֆերդինանդ Ելլինեկը (1888—1939):
Ծանոթագրություններ[խմբագրել | խմբագրել կոդը]
|