Կրյոզո

Քաղաք
Կրյոզո, Լը Կրյոզո
Le Creusot
Զինանշան
Երկիր	Ֆրանսիա
Ղեկավար	Անդրե Բիլարդոն
Մակերես	18,11 կմ²
ԲԾՄ	355 մ
Բնակչություն	23 207 մարդ (2008)
Խտություն	1281 մարդ/կմ²
Ժամային գոտի	UTC+1, ամառը UTC+2
Փոստային ինդեքս	71200
Փոստային դասիչ	71200
Պաշտոնական կայք	le-creusot.fr
Կրյոզո (Ֆրանսիա)
Կրյոզո Վիքիպահեստում

Կրյոզո կամ Լը Կրյոզո (ֆր.՝ Le Creusot), քաղաք կենտրոնական Ֆրանսիայում, Բուրգունդիայի պատմական շրջանի Սոն և Լուար դեպարտամենտում։ Հիմնադրվել է XVIII դարի վերջին։

Աշխարհագրություն

Կրյոզոն գտնվում է Փարիզից 280 կմ դեպի հարավ-արևելք, Դիժոնից 75 կմ դեպի հարավ-արևմուտք, Մակոնից 65 կմ դեպի հարավ-արևմուտք։ Կրյոզոն դեպարտամենտի երրորդ խոշոր քաղաքն է Շալոն-սյուր-Սոն, Մակոն քաղաքներից հետո։ Բնակչության թիվը կազմում է 23, 207 մարդ (2008 թվականի դրությամբ)։

Տնտեսություն

Նախկին հանքարդյունաբերական քաղաքն այժմ համարվում է հատուկ պողպատների արտադրության, մեքենաշինական (ArcelorMittal, Schneider Electric, Alstom մետաղագործական ընկերություններ) և ռազմական արդյունաբերության կենտրոն։ Կրյոզոյի մոտ արդյունահանվում է քարածուխ։

1990-ական թվականներին զարգանում է տուրիստական ուղղվածությունը։ Գլխավոր տեսարժան վայր է համարվում «Parc des Combes» զբոսայգին։

Կրյոզոն նաև համարվում է Բուրգունդիայի երկրորդ կրթական կենտրոնը (Դիժոնից հետո) իր համալսարանական թաղամասերով՝ կամպուսով։

Քույր-քաղաքներ

• Բոր, Սերբիա
• Բլիսկաստել, Գերմանիա, 1959 թվականից
• Ռումիա, Լեհաստան
• Մայդանպեկ, Սերբիա

Ծանոթագրություններ

Վիքիպահեստն ունի նյութեր, որոնք վերաբերում են «Կրյոզո» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 696)։