Կառլեն Ադամյան (ճարտարագետ)

Անվան այլ կիրառումների համար տե՛ս՝ Կառլեն Ադամյան (այլ կիրառումներ)

Վիքիպեդիայում կան հոդվածներ Ադամյան ազգանունով այլ մարդկանց մասին։

Կառլեն Ադամյան
Ի ծնե	Կառլեն Նիկոլայի Ադամյան
Ծնվել է	նոյեմբերի 12, 1934 (89 տարեկան)
Ծննդավայր	Ներքին Հոռաթաղ, ԼՂՀ
Ազգություն	հայ
Գործունեություն	Ճարտարագետ

Կառլեն Նիկոլայի Ադամյան (1934, նոյեմբերի 12, Ներքին Հոռաթաղ, ԼՂՀ), հայ ճարտարագետ, էներգետիկ-մեխանիկոս։ Տեխնիկական գիտությունների դոկտոր, պրոֆեսոր (1997)։ ՀՃԱ ակադեմիկոս (1997)։

Կենսագրություն

1957 թվականին ավարտել է Մոսկվայի տեքստիլ ինստիտուտը։ 1965-1969 թվականներին եղել է Երևանի մահուդի և բրդյա նուրբ գործվաքների գործարանի տնօրեն, 1969-1974 թվականներին՝ ՀԽՍՀ թեթև արդյունաբերության բյուրոյի տնօրեն, 1974 թվականից՝ փոխնախարար։ 1979-2000 թվականներին եղել է ԽՍՀՄ Պետստանդարտների կոմիտեի հայկական վարչության պետի տեղակալը, 2000-2004 թվականներին՝ «Արցախ» համալսարանի ռեկտոր, ապա՝ պրոռեկտոր, 1998 թվականին՝ ՌԴ որակի հիմնախնդիրների ակադեմիայի անդամ, 1999 թվականին՝ ՌԴ չափագիտության ակադեմիայի անդամ։

Աշխատանքները վերաբերում են չափագիտության, քվազիմետրային և ստանդարտացման խնդիրներին։ Հեղինակ է ուսումնական մեթոդների և ձեռնարկների։

Մրցանակներ

• ԼՂՀ Եղիշեի անվան մրցանակ, 2002

Երկեր

• Չափագիտական ապահովման կառավարումը, Ե., 2002:
• Արտադրանքի որակի ընտրանքային վերահսկողություն։ Ուսումնական ձեռնարկ, Ադամյան Կառլեն Նիկոլայի, Բաղդասարյան Ա. Գ., Հայաստանի ազգային պոլիտեխնիկական համալսարան Երևան, Ա. հ., 1999:
• Տեխնոլոգիական գործընթացների կառավարման վիճակագրական մեթոդներ։ Ուսումնական ձեռնարկ, Ադամյան Կառլեն Նիկոլայի, Բաղդասարյան Ա. Գ., Հայաստանի ազգային պոլիտեխնիկական համալսարան, Երևան, Ա. հ., 1999:
• Որակի կառավարման վիճակագրական մեթոդներ։ Ադամյան Կառլեն Նիկոլայի, Հայաստանի Հանրապետության ստանդարտացման, չափագիտության և սերտիֆիկացման վարչություն, Հայաստանի ազգային պոլիտեխնիկական համալսարան, Երևան, Ա. հ., 1997:

Ծանոթագրություններ

Վիքիդարանն ունի նյութեր, որոնք վերաբերում են «Կառլեն Ադամյան (ճարտարագետ)» հոդվածին։