Լուիզ Ֆով-Հովհաննիսյան
Ծնվել է | սեպտեմբերի 18, 1930 (93 տարեկան) |
---|---|
Ծննդավայր | Փարիզ, Ֆրանսիա |
Ազգություն | հայ |
Կրթություն | Փարիզի համալսարանի բժշկական ֆակուլտետ |
Մասնագիտություն | հոգեբույժ |
Գիտական աստիճան | բժշկական գիտությունների դոկտոր |
Լուիզ Ֆով-Հովհաննիսյան (սեպտեմբերի 18, 1930, Փարիզ), հայ հոգեբույժ։ Բժշկական գիտությունների դոկտոր (1991)։
Կենսագրություն[խմբագրել | խմբագրել կոդը]
1954 թվականին ավարտել է Փարիզի համալսարանի բժշկական ֆակուլտետը։ 1958-1978 թվականներին եղել է նույն ֆակուլտետի անեսթեզիոլոգիայի և ռեանիմատոլոգիայի բաժանմունքի վարիչ, 1982 թվականից՝ Փարիզի Սուրբ Աննա հոգեբուժական հիվանդանոցի հոգեբույժ [1]:
1985-1991 թվականներին Վազգեն Ա Պալճյանի միջնորդագրով զբաղվել է Փարիզի Վիլժյուֆի հոգեբուժական հիվանդանոցի տնօրինության տակ գտնվող՝ Կոմիտասի հոգեկան հիվանդությանը վերաբերող արխիվային նյութերի ուսումնասիրությամբ և նրա հոգեկան հիվանդության ախտորոշման ճշտման խնդիրներով[2], որոնց մասին գիտական զեկուցումներով հանդես է եկել Սորբոնում, Փարիզում, Տորոնտոյում (2001), Երևանում (2001)։
1989-1990 թվականներին Սպիտակում, Գյումրիում, Երևանում, Ստեփանակերտում մասնագիտական օգնություն է ցույց տվել երկրաշարժից ու պատերազմից տուժած բնակչությանը, նվիրաբերել մեծ քանակությամբ դեղորայք։
Ծանոթագրություններ[խմբագրել | խմբագրել կոդը]
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
- ↑ Կոմիտասի հիվանդությունը իրականություն և պատրանք