Լեյլա Ադամյան

Լեյլա Ադամյան
Ծնվել է	հունվարի 20, 1949 (75 տարեկան)
Ծննդավայր	Թբիլիսի, Վրացական ԽՍՀ, ԽՍՀՄ
Քաղաքացիություն	ԽՍՀՄ և Ռուսաստան
Կրթություն	Մոսկվայի Ի. Սեչենովի անվան առաջին պետական բժշկական համալսարան
Մասնագիտություն	գինեկոլոգ, բժիշկ և մանկաբարձ
Կոչում	պրոֆեսոր
Գիտական աստիճան	բժշկական գիտությունների դոկտոր
Աշխատավայր	Q16679867? և V.I. Kulakov National Medical Research Center for Obstetrics, Gynecology and Perinatology?
Անդամակցություն	Ռուսաստանի գիտությունների ակադեմիա
Ամուսին	Առնոլդ Ադամյան
Պարգևներ	; և Լև Նիկոլաևի անվան ոսկե մեդալ

Վիքիպեդիայում կան հոդվածներ Ադամյան ազգանունով այլ մարդկանց մասին։

Լեյլա Վլադիմիրի Ադամյան (հունվարի 20, 1949(1949-01-20), Թբիլիսի, Վրացական ԽՍՀ, ԽՍՀՄ), հայ մանկաբարձ-գինեկոլոգ, մանկավարժ։ Բժշկական գիտությունների դոկտոր, պրոֆեսոր, ՌԴ ԲԳԱ անդամ (2004), (թղթակից անդամ 1999 թվականից)։ ՌԴ գիտության վաստակավոր գործիչ (2002)։ Վ․Ի․ Կուլակովի անվան Մանկաբարձության, գինեկոլոգիայի և պերինատոլոգիայի գիտական կենտրոնի օպերատիվ գինեկոլոգիայի բաժնի վարիչ։ Ռուսաստանի գիտությունների ակադեմիայի ակադեմիկոս (2013)։

Կենսագրություն[խմբագրել | խմբագրել կոդը]

Լեյլա Ադամյանը ծնվել է Թբիլիսիում Վաղո (Վլադիմիր) Խաչատուրովիչի (1925) և Երանուհի Սարգիսի Սահակյանի (1925) ընտանիքում։ 1972 թվականին ավարտել է Մոսկվայի առաջին բժշկական ինստիտուտը, այնուհետև սովորել է ԽՍՀՄ Առողջապահության նախարարության Գինեկոլոգիայի և մանկաբարձության համամիութենական գիտահետազոտական ինստիտուտի ասպիրանտուրայում։ 1977 թվականից աշխատում է ՌԴ ԲԳԱ մանկաբարձության, գինեկոլոգիայի և պերինատոլոգիայի գիտական կենտրոնում, 1977-1980 թվականներին եղել է կրտսեր գիտաշխատող, 1980-1989 թվականներին՝ ավագ գիտաշխատող, 1989 թվականից՝ վիրահատական գինեկոլոգիայի բաժանմունքի վարիչ, 2002 թվականին Մոսկվայի պետական բժշկական ստոմատոլոգիական ինստիտուտի հետդիպլոմային կրթության ֆակուլտետում հիմնադրել ու ղեկավարում է վերարտադրողական բժշկության և վիրաբուժության ամբիոնը։

Կոնքի օրգանների վիրաբույժների ընկերության պատվավոր, Գինեկոլոգիական, ընդերադիտման միջազգային դաշնության և եվրոպական ընկերակցության նախագահությունների անդամ, Ամերիկյան լապարոսկոպիստների, էնդոմետրիոզի ռուսաստանյան ընկերակցությունների նախագահ, Ռուսաստանի գինեկոլոգ-ընդերոդիտողների ազգային ընկերակցության փոխնախագահ^[1]^[2]։

Ստեղծագործություններ և ճանաչում[խմբագրել | խմբագրել կոդը]

Աշխատանքները վերաբերում են էնդոմետրիոզի, սեռական օրգանների զարգացման արատների, բարորակ ուռուցքների ու գերաճական շարժընթացների ընդերադիտական պլաստիկ-վերակառուցողական վիրահատությունների տեխնիկայի կատարելագործմանը։ Մշակել և ներդրել է էնդոմետրիոզի նախավիրահատական հետազոտման համակարգչային շերտագրական, վիրաբուժական և հորմոնային եղանակներ։

Հեղինակ է ուսումնա-մեթոդական ձեռնարկների և գյուտերի։

Պարգևներ[խմբագրել | խմբագրել կոդը]

ՌԴ գիտության վաստակավոր գործիչ (2002)
ՌԴ կառավարության գիտության և տեխնիկայի բնագավառի մրցանակ (2001)^[3]
Հայրենիքին մատուցած ծառայությունների համար IV աստիճանի (2009) և III աստիճանի (2014) շքանշաններ^[4]

2014 թվականի դեկտեմբերի 22-ին «Հայրենիքին մատուցած ծառայությունների համար III աստիճանի շքանշանով» պարգևատրվելիս

Ընտանիք[խմբագրել | խմբագրել կոդը]

Ամուսնացել է վիրաբույժ Առնոլդ Արամի Ադամյանի (1935-2012) հետ։ Ունի երկու դուստր՝ Ասյա Առնոլդի Ստեփանյան (1970)^[5] և Ագնեսա Առնոլդի Օսիպովա (1971), երկուսն էլ մանկաբարձներ են։ Ունի 5 թոռ՝ Միխայիլ, Եկատիրինա, Լեյլա, Էդուարդ, Նատաշա։

Երկեր[խմբագրել | խմբագրել կոդը]

Послеоперационные спайки, М., 1998 (համահեղինակ);
Пороки матки и влагалища, М., 1998 (համահեղինակ);
Генетические аспекты гинекологических заболеваний, М., 1999 (համահեղինակ);
Гистерэктомия и здоровье женщины, М., 1999.

Ծանոթագրություններ[խմբագրել | խմբագրել կոդը]

↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
↑ «Leila V. Adamyan». Արխիվացված է օրիգինալից 2017 թ․ հոկտեմբերի 24-ին. Վերցված է 2016 թ․ մարտի 13-ին.
↑ Постановление Правительства Российской Федерации от 21 марта 2002 N 175 «О присуждении премий Правительства Российской Федерации 2001 года в области науки и техники»
↑ Указ Президента Российской Федерации от 23 июня 2014 N 447 «О награждении государственными наградами Российской Федерации»
↑ «It's as if she was born to care for women». Արխիվացված է օրիգինալից 2016 թ․ մարտի 7-ին. Վերցված է 2016 թ․ մարտի 13-ին.

Արտաքին հղումներ[խմբագրել | խմբագրել կոդը]

Ուժեղ կանայք. Լեյլա Ադամյան

Վիքիպահեստն ունի նյութեր, որոնք վերաբերում են «Լեյլա Ադամյան» հոդվածին։

[1] Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

[2] «Leila V. Adamyan». Արխիվացված է օրիգինալից 2017 թ․ հոկտեմբերի 24-ին. Վերցված է 2016 թ․ մարտի 13-ին.

[3] Постановление Правительства Российской Федерации от 21 марта 2002 N 175 «О присуждении премий Правительства Российской Федерации 2001 года в области науки и техники»

[4] Указ Президента Российской Федерации от 23 июня 2014 N 447 «О награждении государственными наградами Российской Федерации»

[5] «It's as if she was born to care for women». Արխիվացված է օրիգինալից 2016 թ․ մարտի 7-ին. Վերցված է 2016 թ․ մարտի 13-ին.

[1]

[2]

[3]

[4]

[5]