Լաուրա Կոնտի
Լաուրա Կոնտի իտալ.՝ Laura Conti | |
---|---|
Ծնվել է | մարտի 31, 1921[1][2] |
Ծննդավայր | Ուդինե, Իտալիա[1] |
Մահացել է | մայիսի 25, 1993[1][2] (72 տարեկան) |
Մահվան վայր | Միլան, Իտալիա |
Քաղաքացիություն | Իտալիա և Իտալիայի թագավորություն |
Կրթություն | Միլանի համալսարան |
Մասնագիտություն | բժիշկ, քաղաքական գործիչ, գիտնական, գրող և պարտիզան |
Պաշտոն | Իտալիայի Պատգամավորների պալատի անդամ |
Կուսակցություն | Իտալական կոմունիստական կուսակցություն |
Լաուրա Կոնտի (իտալ.՝ Laura Conti, մարտի 31, 1921[1][2], Ուդինե, Իտալիա[1] - մայիսի 25, 1993[1][2], Միլան, Իտալիա), իտալացի հակաֆաշիստական կուսակցական, բժիշկ, բնապահպան, սոցիալիստ քաղաքական գործիչ, ֆեմինիստ և վիպասան, համարվում է իտալական բնապահպանության ավանգարդի ներկայացուցիչներից մեկը[3][4]։
Կենսագրություն[խմբագրել | խմբագրել կոդը]
Ծնվել է Ուդինեում, ապրել է Տրիեստում և Վերոնայում, այնուհետև տեղափոխվել է Միլան` Բժշկական ֆակուլտետում ուսանելու համար։ 1944 թվականի հունվարին միացել է Էժենո Կուրիելի ազատության և ազգային անկախության երիտասարդական ճակատին։ Հուլիսի 4-ին ձերբակալվել է, Սան Վիտորերում անցկացրած կարճ ժամանակահատվածից հետո նա տեղափոխվել է Բոլցանո ճամբար։ Հաջողությամբ խուսափել է Գերմանիա արտաքսվելուց։ Այս փորձառությունից ծնվել է «Փորձնական իրավիճակ» (La condizione sperimentale) պատմվածքը։
Ազատ արձակվելուց հետո նա ստացել է բժշկի իր դիպլոմը։ Միլանում նաև ընտրել է իր քաղաքական ուղղությունը. նախ միացել է Իտալիայի սոցիալիստական կուսակցությանը, այնուհետև` Իտալիայի կոմունիստական կուսակցությանը։ 1950-1970 թվականներին եղել է գավառային խորհրդի անդամ, իսկ մինչև 1980 թվականը` Լոմբարդիայի շրջանային խորհդրի նախագահ։ Եղել է Գրամսչի ասոցիացիայի հիմնած և ղեկավարած Մշակույթի տան (Casa della Cultura) քարտուղարը, մասնակցել է նաև Lega per l'ambienteբնապահպանական ասոցիացիայի (այսօր` Legambiente) աշխատանքներին, որտեղ եղել է Գիտական կոմիտեի նախագահը[4]։ 1987 թվականին ընտրվել է որպես խորհրդարանի անդամ։
Բնապահպանություն[խմբագրել | խմբագրել կոդը]
Լաուրա Կոնտիի բնապահպանությունն ունի ուժեղ մարդկային կոմպոնենտ, որի արմատները գալիս են Դիմադրության նրա փորձից։ Այս համոզմունքը կիսել է Միլանի մեկ այլ կրթված գործիչ` Էրկոլ Ֆերրարիոն։ Կոնտին սիրում էր կրկնել. «Ես գիտնական չեմ, այլ` բնապահպանական խնդիրների ուսումնասիրող։ Չնայած որ ուսումնասիրությունը հրապուրիչ եմ համարում, կարծում եմ` նույնչափ կարևոր է գործել և ղեկավարել։ Այս պատճառով ես որոշել եմ քաղաքականությամբ զբաղվել. բավական չէ ուսումնասիրել, մենք պետք է միշտ զբաղված լինենք»։
1976 թվականի հուլիսի 10-ին տեղի է ունեցել Սևեսոյի աղետը։ Միլանի հյուսիսում գտնվող Իկմեսա գործարանից թունավոր ամպ է արտանետվել, որը պարունակել է մեծ քանակությամբ դիօքսին, որը լցվել է քաղաքի վրա. այս նյութն այն ժամանակ գրեթե անհայտ էր։ Կոնտին այդ ժամանակ շրջանային խորհրդական էր և ջանքի չի խնայել` օգնելու Սևեսոյի բնակիչներին։
Visto da Seveso (Նայում են Սևեսոյին) և Una lepre con la faccia di bambina (Երեխայի դեմքով նապաստակ) հրապարակումներով Լաուրա Կոնտիի ճանաչումը դուրս է եկել երկրի սահմաններից։ 1982 թվականի հունիսի 24-ին Բրյուսելը հաստատել է աղետի ուղիղ կապը որոշակի արտադրական գործունեության հետ։
1986 թվականին նա պարգևատրվել է Միներվա մրցանակով` իր գիտական և մշակութային գործունեության համար։
Ընտրված մատենագրություն[խմբագրել | խմբագրել կոդը]
- Cecilia e le streghe - Einaudi, Torino, 1963
- La condizione sperimentale - Mondadori, Milano, 1965
- Sesso ed educazione - Editori Riuniti, Roma, 1971
- Le frontiere della vita - Arnoldo Mondadori Editore, Milano, 1972
- Il dominio sulla materia - Arnoldo Mondadori Editore, Milano, 1973
- Che cos'è l'ecologia. Capitale, lavoro e ambiente. - Ed. Mazzotta, Milano, 1977
- Visto da Seveso - Feltrinelli, Milano, 1977
- Una lepre con la faccia di bambina - Editori Riuniti, Roma, 1978
- Il tormento e lo scudo - Mazzotta, Milano, 1981
- Imparare la salute - Zanichelli, Milano, 1983
- Questo pianeta - Editori Riuniti, Roma, 1983
- Terra a rendere - Ediesse, Roma, 1986
- Ambiente terra - Mondadori, Milano, 1988
- Discorso sulla caccia - Editori Riuniti, Roma, 1992
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 1,6 1,7 http://dati.camera.it/ocd/persona.rdf/p29330
- ↑ 2,0 2,1 2,2 2,3 2,4 Կերպարվեստի արխիվ — 2003.
- ↑ Gaard, Greta (2013). International Perspectives in Feminist Ecocriticism. Routledge. էջեր 38–41.
- ↑ 4,0 4,1 Armiero, Marco (2010). Nature and History in Modern Italy. Ohio University Press. էջեր 204–205.
Վիքիպահեստն ունի նյութեր, որոնք վերաբերում են «Լաուրա Կոնտի» հոդվածին։ |
|