Իբիցա (օդանավակայան)
Իբիցայի օդանավակայան իսպ.՝ Aeropuerto de Ibiza | |||
|---|---|---|---|
| |||
| IATA: IBZ – ԻԿԱՕ: LEIB | |||
| Ամփոփում | |||
| Օդակայանի տեսակ | քաղաքացիական | ||
| Տեղագրություն |  Իսպանիա
| ||
| Կառուցված | 1949 | ||
| Աշխատանքի ժամերը | շուրջօրյա | ||
| Կայք | |||
.jpg)
Իբիցա օդանավակայան (իսպ.՝ Aeropuerto de Ibiza, IBZ, LEIB), Իբիցայի միջազգային գլխավոր օդանավակայան։ Տեղակայված է կղզու հարավային մասում, Սան Խոսե բնակավայրում` Իբիցա քաղաքից 7 կմ հարավ-արևմուտք։ Օդանավակայանը կիրառվում է Իբիցա և Ֆորմենտերա կղզիներ ժամանող ու այն լքող ուղևորների 95 %-ի փոխադրության համարref[1]:
Պատմություն[խմբագրել | խմբագրել կոդը]
Մինչև Իսպանիայի քաղաքացիական պատերազմի սկիզբը Իբիցայի ժամանակակից օդանավակայանի տարածքը հայտնի էր ռազմական ժամանակավոր (վթարային) օդանավակայան։ Պատերազմի ավարտից հետո օդանավակայանը հազվադեպ է օգտագործվել ռազմական նպատակներով։ 1949 թվականի օգոստոսի 13-ին Աեգեոյի կառավարությունը որոշել է օդանավակայանն օգտագործել քաղաքացիական նպատակով` զբոսաշրջիկներ տեղափոխելով ներքին ու միջազգային չվերթերով, սակայն երկու տարի անց օբյեկտը համապատասխան ենթակառուցվածքների բացակայության պատճառով փակվել է[2]։
1954 թվականին որոշում է ընդունվել մոդեռնիզացնել օդանավակայանը։ 1958 թվականի ապրիլի 1-ին Aviaco ընկերությունը կատարել է իր առաջին չվերթերը Իբիցա-Պալմա դե Մալյորկա և Իբիցա-Բարսելոնա ուղղություններով։ Նույն թվականին Iberia ընկերությունը սկսել է թռիչքներ կազմակերպել Բարսելոնա և Վալենսիա։ 1960-ական թվականների առաջին կեսին ընդարձակվել է թռիչքային հրապարակը, անցկացվել լուսավորություն, կառուցվել է ուղևորային տերմինալի նոր շենք։ 1966 թվականի հուլիսի 15-ին օդանավակայանն սկսել է իրականացնել միջազգային չվերթեր, իսկ մեկ տարի անց ստացել է բարձր մակարդակի արտոնագիր[3]։ 1973 թվականին կառուցվել է տերմինալի նոր շենք, իսկ հին շենքը կիրառվել է օդանավակայանի տեխնիկական ու վարչական բլոկի համար[2]։
1980-ական թվականների կեսին օդանավակայանում իրականացվել է հիմնանորոգում։ 2004 թվականին բացվել է ավտոկայանատեղի։ 21-րդ դարի սկզբին Իբիցայի օդանավակայանը չվերթերի կայուն զարգացում է ցուցաբերել` այս ցուցանիշով մտնելով Իսպանիայի խոշորագույն տասը օդանավակայանների մեջ[2]։
Ենթակառուցվածք[խմբագրել | խմբագրել կոդը]
Իբիցայի օդանավակայանն ունի միայն մեկ տերմինալ։ Նրա տարածքում կան խանութներ, ռեստորաններ, ավտոմոբիլի վարձակալման գործակալություն, դեղատուն։ Պայմաններ են ստեղծվել հաշմանդամ ուղևորների ազատ տեղաշարժի համար։ Կան մոր ու մանկան սենյակներ, խաղահրապարակներ երեխաների համար։
Վիճակագրություն[խմբագրել | խմբագրել կոդը]
 |
| 2014 թվականի մարտի 6-ի դրությամբ[4] |
| Ուղևորներ | Թռիչքներ և վայրէջքներ | Բեռներ (տոննա) | |
|---|---|---|---|
| 1997 | 3 556 828 | ||
| 1998 | 3 780 181 | ||
| 1999 | 4 185 633 | 45 959 | |
| 2000 | 4 475 708 | 52 544 | 4 985 |
| 2001 | 4 472 279 | 52 079 | 4 531 |
| 2002 | 4 094 446 | 48 344 | 4 426 |
| 2003 | 4 157 291 | 47 990 | 4 232 |
| 2004 | 4 171 580 | 48 798 | 4 510 |
| 2005 | 4 164 703 | 49 603 | 4 350 |
| 2006 | 4 460 141 | 54 146 | 4 427 |
| 2007 | 4 765 625 | 57 855 | 4 308 |
| 2008 | 4 647 487 | 57 235 | 3 928 |
| 2009 | 4 572 819 | 53 552 | 3 143 |
| 2010 | 5 040 800 | 56 988 | 3 196 |
| 2011 | 5 643 180 | 61 768 | 2 755 |
| 2012 | 5 555 048 | 57 738 | 2 316 |
| 2013 | 5 726 581 | 56 305 | 2 190 |
| Աղբյուր։ Aena[5] | |||
Պատահարներ[խմբագրել | խմբագրել կոդը]
1972 թվականի հունվարի 7-ին Իբիցայից ոչ հեռու Sud Aviation Caravelle SE 210 ինքնաթիռը, որ չվերթ էր կատարում Վալենսիայից, բախվել է 462 մ բարձրությամբ Ատալայաս լեռանը գագաթից 30 մ ցածր հատվածում։ Բոլոր 104 ուղևորները (անձնակազմի վեց անդամներ և 98 ուղևորներ) մահացել են[6]։ Ինքնաթիռին մոտ 10 կմ էր մնում Իբիցայի օադանավակայան հասնելու համար։
Ծանոթագրություններ[խմբագրել | խմբագրել կոդը]
- ↑ «AIP (AENA)». Արխիվացված է օրիգինալից 2014 թ․ մարտի 7-ին. Վերցված է 2018 թ․ սեպտեմբերի 6-ին.
- ↑ 2,0 2,1 2,2 «Aeropuerto de Ibiza. Historia» (իսպաներեն). aena-aeropuertos.es. Արխիվացված է օրիգինալից 2014 թ․ մարտի 7-ին. Վերցված է 2014 թ․ մարտի 7-ին.
- ↑ Pilot calls for beer, then boom
- ↑ Falcon | Holidays | Book amazing value package holiday deals online with Falcon
- ↑ AENA passenger statistics and aircraft movements
- ↑ Pilot calls for beer, then boom
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Իբիցա (օդանավակայան)» հոդվածին։ |
| ||||||
