Գրադարանս
| Գրադարանս | |
|---|---|
| Ժանր | բանաստեղծություն |
| Հեղինակ | Հովհաննես Թումանյան |
| Բնագիր լեզու | հայերեն |
| Գրվել է | 1917 |
| Հրատարակվել է | 1929 |
| Վիքիդարան | Գրադարանս |
«Գրադարանս», Հովհաննես Թումանյանի բանաստեղծություններից` գրված 1917 թվականին[1]։
Պատմություն
[խմբագրել | խմբագրել կոդը]Հովհաննես Թումանյանն այս բանաստեղծությունը գրել է 1917 թվականի հունվարի 20-ին, ինչպես թվագրված են ինքնագրերում։
Մեկ սևագիր-ինքնագիր, որի վրա ուղղումներ է կատարել Թումանյանը, այսօր պահվում է Եղիշե Չարենցի անվան գրականության և արվեստի թանգարանի Թումանյանի ֆոնդում։ Նաև նույն տեղում պահվում է երկրորդ ինքնագիրը, մաքուր գրված (№ 76)[1]:
Բանաստեղծությունն առաջին անգամ տպագրվել է 1929 թվականին «Նոր ուղի» ամսագրում (№ 1, էջ 8), այնուհետև Երևանում՝ 1940-1959 թվականներին լույս տեսած Հովհաննես Թումանյանի երկերի ժողովածուի գիտական հրատարակության առաջին հատորում (էջ 530)։
Հովհաննես Թումանյանի երկերի լիակատար ժողովածուի 1-ին հատորում արտատպվել է «Բ» ինքնագրից[1]։
