Գառնիկ Չուխաջյան

Գառնիկ Չուխաջյան
Ծնվել է	փետրվարի 28, 1935(1935-02-28) Լենինական, Հայկական ԽՍՀ, ԱԽՖՍՀ, ԽՍՀՄ
Մահացել է	փետրվարի 28, 2021(2021-02-28) (86 տարեկան)
Բնակության վայր(եր)	Մոսկվա
Քաղաքացիություն	Հայաստան
Մասնագիտություն	քիմիկոս
Հաստատություն(ներ)	Երևանի Մխիթար Հերացու անվան Պետական Բժշկական Համալսարան
Գործունեության ոլորտ	օրգանական քիմիա
Անդամակցություն	ՀՀ ԳԱԱ
Ալմա մատեր	Երևանի պետական համալսարան (1957)
Գիտական աստիճան	քիմիական գիտությունների դոկտոր (1972) և պրոֆեսոր (1979)

Գառնիկ Ալեքսանի Չուխաջյան (փետրվարի 28, 1935(1935-02-28), Լենինական, Հայկական ԽՍՀ, ԱԽՖՍՀ, ԽՍՀՄ - փետրվարի 28, 2021(2021-02-28)), հայ քիմիկոս-օրգանիկ։ Քիմիական գիտությունների դոկտոր (1972), պրոֆեսոր (1979), ՀՀ ԳԱԱ ակադեմիկոս (1996, թղթակից անդամ՝ 1990 թվականից)։

Կենսագրություն

1957 թվականին ավարտել է Երևանի պետական համալսարանը։ 1964-1982 թվականներին եղել է Պոլիմերների համամիութենական ԳՀ և նախագծային ինստիտուտի մոնոմերների քիմիայի լաբորատորիայի, 1982-1993 թվականներին՝ Երևանի բժշկական ինստիտուտի ընդհանուր և կենսաօրգանական քիմիայի ամբիոնի վարիչ։ 1994 թվականից ապրում է Մոսկվայում։

Գործունեություն

Աշխատանքները վերաբերում են համասեռ և միջֆազային կատալիզի պայմաններում չհագեցած միացությունների ստացման ու փոխակերպման ռեակցիաներին։ Մշակել և բժշկության մեջ ներդրել է երկշերտ, ինքնակպչող կենսահամատեղելի թաղանթներ, սպունգներ, սոսինձներ, հակաայրվածքային քսուքներ և այլ միջոցներ։

Մամուլ

• Հոդվածների մատենագիտություն։