Գալատովի փողոց (Կրասնի Սուլին)

Գալատովի փողոց
Երկիր	Ռուսաստան
Գտնվում է	Կրասնի Սուլին
Երկարություն	2500 մետր
Անվանվել է	Ալեքսանդր Գալատով
Փոստային ինդեքս	346357

Գալատովի փողոց (ռուս.՝ Улица Галатова), փողոց Ռուսաստանի Ռոստովի մարզի Կրասնի Սուլինի շրջանի և Կրասնոսուլինսկի քաղաքային շրջանի վարչական կենտրոն Կրասնի Սուլին քաղաքի Սոցպոսյոլոկ և Կազաչի միկրոշրջաններում։ Անվանվել է Հայրենական մեծ պատերազմի մասնակից, Խորհրդային Միության հերոս, Կրասնի Սուլինի շրջանի Զայցևկա խուտորում ծնված Ալեքսանդր Միրոնովիչ Գալատովի (1923-1944) պատվին։ Սկիզբ է առնում Ազատության փողոցից և ավարտվում Մետալիստների փողոցի հետ հատվելով։ Երկարությունը 2500 մետր է։

Նկարագրություն

Կրասնի Սուլին քաղաքի Գալատովի փողոցը գտնվում է Սոցպոսյոլոկ և Կազաչի միկրոշրջաններում։ Սոցպոսյոլոկը մասնավոր հատվածի տեղում սկսել է կառուցապատվել 1950-ական թվականներին։ Այն սկսվում է Ազատության փողոցից, հատում է Մոկրոուսովի փողոցը, Նովոչերկասկի նրբանցքը, Տիեզերագնացների նրբանցքը, Մատրոսովի փողոցը, Կոմունալնի նրբանցքը, 2-րդ Պերեեզդնի, Թամանյան նրբանցքները, Չելյուսկինցիների փողոցը, այստեղ ընդհատվում է և շարունակվում Չելյուսկինցիների նրբանցքի հետ խաչմերուկից, հատում Դեպովսկի, 1-ին Կարյերնի նրբանցքները, Բաքվի 26 կոմիսարների փողոցը և ավարտվում Մետալիստների փողոցի հետ հատվելով։ Զուգահեռ է Օկտյաբրսկայա և Կարբիշևի փողոցներին։ Փողոցի երկարությունը 2,5 կիլոմետր է։

Գալատովի փողոցի փոստային դասիչն է՝ 346357։

Փողոցն անվանվել է Հայրենական մեծ պատերազմի մասնակից, Խորհրդային Միության հերոս Ալեքսանդր Միրոնովիչ Գալատովի (1923-1944) պատվին։ Նա ծնվել է Կրասնի Սուլինի շրջանի Զայցևկա խուտորում, 10 տարի ապրել է Կրասնի Սուլին քաղաքում, սովորել երկաթուղային դպրոցում։ 1942 թվականին զորակոչվել է Կարմիր բանակ, մասնակցել Ստալինգրադի պաշտպանությանը, ազատագրել հայրենի հողերը։ 1943 թվականին Բալիկո-Շչուչինկա գյուղի համար մարտում 5 օր հետ է մղել թշնամու հարձակումները։ Ոչնչացրել է թշնամու մեկ տանկ, 2 զրահամեքենա, վերացրել մի քանի գերմանացու։ ԽՍՀՄ Գերագույն խորհրդի նախագահության 1943 թվականի հոկտեմբերի 23-ի հրամանագրով արժանացել է ԽՍՀՄ հերոսի կոչման։ Զոհվել է 1944 թվականին։ Ալեքսանդր Գալատովի խորաքանդակը տեղադրված է «Հաղթանակ» հուշահամալիրում։

Աղբյուրներ

• Улица Галатова в Красном Сулине
• Подробная карта Улица Галатова, город Красный Сулин со спутника с номерами домов, индекс и маршруты, Яндекс, Гугл карты

Արտաքին հղումներ

• г. Красный Сулин, улица Галатова Արխիվացված 2019-04-02 Wayback Machine