Բերնարդիցա Յուրետիչ
| Բերնարդիցա Յուրետիչ | |
|---|---|
 | |
| Ծնվել է | օգոստոսի 18, 1963 (60 տարեկան) |
| Ծննդավայր | Srijane |
| Քաղաքացիություն |  Խորվաթիա |
| Կրոն | Հռոմի Կաթոլիկ եկեղեցի |
| Կրթություն | Salesian Pontifical University? |
| Մասնագիտություն | հոգեբան, քաղաքական գործիչ և վանական |
| Կուսակցություն | Խորվաթիայի ժողովրդավարական միության |
 Bernardica Juretić Վիքիպահեստում | |
Բերնարդիցա Յուրետիչ (խորվ.՝ Bernardica Juretić, օգոստոսի 18, 1963, Srijane), խորվաթ հոգեբան, հումանիտար գործիչ, սոցիալական քաղաքականության և երիտասարդության նախարար Տիխոմիր Օրեշկովիչի կառավարությունում[1][2]։
Կրթություն[խմբագրել | խմբագրել կոդը]
Ծնվել է 1963 թվականի օգոստոսի 18-ին, Օմիշի մոտ գտնվող Դալմաթիայի փոքրիկ Սրիյանե գյուղում։ 1978 թվականին իր հայրենի քաղաքում ավարտել է Մայիսի 23-ի անվան տարրական դպրոցը, այնուհետև ավարտել է Դուբրովնիկի բժշկական ուսումնարանը, որն ավարտել է 1982 թվականին։ 1984 թվականին, 21 տարեկան հասակում, դարձավ «Բարեգործության սպասուհի» (իտալ.՝ Ancelle Della CaritàAncelle Della Carità) իտալական միաբանության միանձնուհի[3]։ 1990 թվականին, 27 տարեկանում, նա վերջնականապես դուրս է եկել միաբանությունից՝ կապված այլ պարտավորությունների հետ, որոնք նա ուներ՝ կապված թմրամոլների նկատմամբ մտահոգությունների հետ[4]։ Նա շարունակում է իր կրթությունը Հռոմի Պապական Սալեզիանական համալսարանում, որն ավարտել է 1988 թվականին։ Թեզը պաշտպանել է հոգեբանության բնագավառում «Մարդկային տառապանքի նպատակը Ֆրանկլի լոգոթերապիայի լույսի ներքո» թեմայով։ 1990 թվականին նույն համալսարանում ստացել է մագիստրոսի աստիճան՝ պաշտպանելով «ՁԻԱՀ-ով ապրող մարդիկ հոգեբանական տեսանկյունից» թեմայով գիտական աշխատանք։ 1995 թվականին ընդունվել է դոկտորանտուրա[5][6]։
Գործունեություն[խմբագրել | խմբագրել կոդը]
1984-1986 թվականներին աշխատել է Բավարիայի Ֆրեյունգ քաղաքի (Գերմանիա) «Ծերանոցում» որպես բուժքույր։ 1990 թվականին հիմնադրել է նախկին Հարավսլավիայում առաջին ոչ կառավարական մարդասիրական կազմակերպությունը թմրամոլության կանխարգելման և թմրամոլների բուժման համար՝ Zajednica susret[6]:
1992-1996 թվականներին նա Պաուչեում, Ինովացում և Չիովոյում բացեց երեք հոգեբուժական կլինիկա, ինչպես նաև երեք խորհրդատվական կենտրոններ։ 1991 թվականին նշանակվել է Խորվաթիայի կառավարության թմրամոլության դեմ պայքարի ազգային կոմիտեի անդամ։ 1994 թվականին դարձել է թմրամոլության կանխարգելման և բուժման ոլորտում ոչ կառավարական կազմակերպությունների ազգային համակարգող։ 2000 թվականին Բանիա Լուկայում թմրամոլների բուժման համար բացեց հոգեթերապիայի կլինիկա, որը Բոսնիա և Հերցեգովինայում էր։ 2001-2003 թվականներին եղել է Չիովոյի թերապևտիկ կենտրոնի ղեկավարը։ 2002 թվականին նա դարձել է Խորվաթիայի կառավարության թմրամոլության դեմ պայքարի գրասենյակի փորձագիտական խորհրդի նախագահ, իսկ 2003 թվականին ղեկավարել է թմրամոլության դեմ պայքարի գրասենյակը։ Այս պաշտոնը զբաղեցրեց մինչև 2008 թվականը։ 2004 թվականից սոցիալական բժշկության ֆակուլտետում աշխատել է մասնագիտական հիվանդությունների բուժման ամբիոնի դասախոս։ 2008-2011 թվականներին աշխատել է Institut IGH d.d. բաժնետիրական ընկերության տնօրենի օգնական և կադրային քաղաքականության բաժնի պետ։ 2012 թվականին նշանակվել է Խորվաթիայի խորհրդարանի առողջապահության և սոցիալական հարցերի խորհրդի արտաքին անդամ և Zajednica susret ոչ կառավարական մարդասիրական կազմակերպության տնօրեն։ 2016 թվականի հունվարի 22-ին դարձել է Սոցիալական քաղաքականության և երիտասարդության նախարար։
Անձնական կյանք[խմբագրել | խմբագրել կոդը]
Յուրետիչը 2016 թվականին ապրիլին ամուսնացավ խորվաթ գործարար Վլադո Ռոմանի հետ[7][8]։ Բերնարդիցա Յուրետիչը հայտարարեց, որ մի անգամ մտածել է երեխա որդեգրել, սակայն վերջ ի վերջո փոխել է իր միտքը, քանի որ կարծում է, որ «յուրաքանչյուր երեխա հոր և մոր կարիք են զգում, նույնիսկ եթե նրանք վերջապես բաժանվել են»[9]։
Համոզված հռոմեա-կաթոլիկ է։ Նախարար դառնալուց մեկ օր առաջ նա ֆեյսբուքյան իր էջում շնորհակալություն է հայտնել իր ընկերներին շնորհավորելու համար և հորդորեց իր ընկերներին, ովքեր հավատում են, աղոթել իր և ամբողջ կառավարության համար, որպեսզի Սուրբ Հոգին լուսավորի նրանց այնպես, որ նրանք կարողանան աշխատել միայն Աստծո փառավորության համար[10]։
2016 թվականի փետրվարի 5-ին նա հարցազրույց տվեց Զագրեբի կոմերցիոն RTL Televizija հեռուստաընկերությանը, որում, ի թիվս այլ բաների, հայտարարեց, որ «միայն Աստծո զորությունը և Նրա օգնությունը կարող են մեզ դուրս բերել այս խնդիրներից։ Իհարկե, մեր ջանքերով, բայց, իհարկե, մենք չենք կարող դա անել միայնակ»։
Բերնարդիցան հրաժարվում է խոսել Խորվաթիայում աբորտների, արհեստական բեղմնավորման և նույնասեռ ամուսնությունների օրենսդրական ճանաչման մասին, քանի որ նա այդ խնդիրները համարում է գաղափարախոսական[11]։
Ծանոթագրություններ[խմբագրել | խմբագրել կոդը]
- ↑ «Naslovna». mdomsp.gov.hr. Վերցված է 2018 թ․ մայիսի 14-ին.
- ↑ «Днес+ :: Кариера: Монахиня стана министър в Хърватия». www.dnesplus.bg. Արխիվացված է օրիգինալից 2019 թ․ մարտի 21-ին. Վերցված է 2018 թ․ մայիսի 14-ին.
- ↑ «Хърватска министърка: Молете се, само Бог ще ни измъкне! | Dnes.bg» (բուլղարերեն). Վերցված է 2018 թ․ մայիսի 14-ին.
- ↑ «Šest stvari koje trebate znati o bivšoj časnoj sestri i novoj ministrici socijalne politike Bernardici Juretić». Telegram.hr (խորվաթերեն). 2016 թ․ հունվարի 21. Վերցված է 2018 թ․ մայիսի 14-ին.
- ↑ «PRVA ISPOVIJEST BERNARDICE JURETIĆ, MINISTRICE SOCIJALNE SKRBI 'Sad kreće moja najveća bitka za istinsku socijalnu državu'». jutarnji.hr (անգլերեն). Վերցված է 2018 թ․ մայիսի 14-ին.
- ↑ 6,0 6,1 «Tko je Bernardica Juretić - nova ministrica socijalne politike i mladih». Dnevnik.hr (խորվաթերեն). Վերցված է 2018 թ․ մայիսի 14-ին.
- ↑ «INTIMNA SVEČANOST U SHERATONU Prvi brak u novoj Vladi: Bernardica Juretić se udala za poduzetnika Vladu Rožmana». jutarnji.hr (անգլերեն). Վերցված է 2018 թ․ մայիսի 14-ին.
- ↑ «Udala se Bernardica». N1 HR (խորվաթերեն). Վերցված է 2018 թ․ մայիսի 14-ին.(չաշխատող հղում)
- ↑ «Potpuna suprotnost Opačićki: "Sestra Bernardica" sama ne bi posvojila dijete, a pomogla je mnogima» (խորվաթերեն). Վերցված է 2018 թ․ մայիսի 14-ին.
- ↑ «Bernardica Juretić: Neka nas Duh sv. prosvijetli da radimo samo na slavu Božju». N1 HR (խորվաթերեն). Արխիվացված է օրիգինալից 2016 թ․ փետրվարի 25-ին. Վերցված է 2018 թ․ մայիսի 14-ին.
- ↑ «Ministrica Juretić pozvala ljude da mole: Samo nas Bog može izvući, sami ne možemo nikako» (խորվաթերեն). Վերցված է 2018 թ․ մայիսի 14-ին.