Բադի Հոլի կենտրոն
Բադի Հոլի կենտրոն | |
|---|---|
 | |
| Տեսակ | թանգարան |
| Երկիր |  ԱՄՆ |
| Տեղագրություն | Լաբոք |
| Վայր | Լաբոք |
| Հիմնադրվել է | 1999 |
| Կայք | ci.lubbock.tx.us/departments/buddy-holly-center(անգլ.) |
 | |
 | |
Բադի Հոլի կենտրոն, Բադի Հոլիի, նաև լայն իմաստով Արևմտյան Տեխասի երաժշտությանը նվիրված կատարողական և տեսողական արվեստի թանգարան, որը գտնվում է Տեխաս նահանգի Լաբոկ քաղաքում։
Պատմություն[խմբագրել | խմբագրել կոդը]
Շինությունը, որտեղ գտնվում է Բադի Հոլի կենտրոնը, կառուցվել է 1928 թվականին որպես Fort Worth and Denver South Plains Railway երկաթուղային ճանապարհի դեպո։ Նրա նախագիծը նորվերածննդյան ոճով մշակել է Ֆորտ-Ուերտ քաղաքի ճարտարապետ Ուայաթ Սիֆուս Հեդրիքը[1]։ Ապա շենքն օգտագործվել է որպես երկաթուղային կայարան (մինչև 1953 թվականը), երբ այն փակվել է, ծառայել է որպես պահեստ։ 1976 թվականին շենքը կրկին բացվել է որպես ռեստորան։ 1979 թվականին այն դարձել է առաջին օբյեկտը Լաբոկ քաղաքի պատմական հուշարձանների ցանկում, իսկ 1990 թվականին մտել է ԱՄՆ-ի պատմական վայրերի ազգային գրանցամատյան։ Ռեստորանը փակվել է 1997 թվականին և շինությունն անցել է քաղաքին[2]։
1984 թվականին քաղաքը հիմնադրել է Կերպարվեստի (Fine Arts Center) սեփական կենտրոնը։ 1996 թվականին Լաբոկում կուտակվել է մեծ քանակությամբ իրեր՝ կապված Բադի Հոլիի և նրա գույքի հետ։ 1997 թվականին նախկին դեպոյի շենքի ձեռքբերումից հետո քաղաքային իշխանությունները որոշել են այն վերածել օբյեկտի, որը կարող է դառնալ կերպարվեստի կենտրոն, ինչպես նաև ծառայել Բադի Հոլիի գտածոների հավաքածուի համար։ Դեպոյի շենքը վերանորոգվել է և վերականգնել իր բնօրինակ տեսքը։
Նոր քաղաքային կենտրոնը, որը մտածված էր որպես կերպարվեստի մշակութային կենտրոն, նվիրված է ամերիկացի երգիչ և երգերի հեղինակ Բադի Հոլին, ինչպես նաև Արևմտյան Տեխասի երաժշտությանը։ Բացվել է 1999 թվականի սեպտեմբերի 3-ին՝ Հոլիի ծննդյան օրվանից չորս օր առաջ։ Այստեղ կա Բադի Հոլիի իրերի հավաքածուի ամենօրյա պատկերասրահ, տեխասյան երաժշտության փառքի սրահ՝ Արևմտյան Տեխասի երաժիշտներին նվիրված ցուցանմուշներով, կերպարվեստի քաղաքային պատկերասրահ և շարժական ցուցանմուշների ցուցահանդեսի երեք լրացուցիչ պատկերասրահ[3]։ 2002 թվականի մայիսին կենտրոնի գլխավոր մուտքի մոտ տեղադրվել է Բադի Հոլիի հատուկ եղջյուրե ակնոցների մեծածավալ քանդակը, որը ստեղծել է Սթիվ Թիթերսը (անգլ.՝ Steve Teeters): 2010 թվականին կենտրոնի արևմտյան թևում անցկացվել է հիմնանորոգում, որն էականորեն բարեփոխել է թանգարանի տարածքը։ 2013 թվականին այստեղ է տեղակայվել Ջերի Էլիսոնի՝ The Crickets խմբի նախկին թմբկահարի, որի հետ հանդես է եկել Բադի Հոլին, վերանորոգված տունը (հասարակության համար բացվել է նույն թվականի սեպտեմբերի 7-ին)։
2014 թվականի հոկտեմբերին Փոլ ՄաքՔարթնին կենտրոնում անցկացրել է համերգ, որի ընթացքում պատմել է Հոլիի ազդեցության մասին The Beatles-ի երաժշտության վրա[4]։ 2015 թվականի օգոստոսին այստեղ ելույթ է ունեցել ամերիկացի երգչուհի և դերասանուհի Պատրիսիա Վոնեն[5]։
Պատկերասրահ[խմբագրել | խմբագրել կոդը]
-
Դեպոյի շենքը 2013 թվականին -
Բադի Հոլիի ակնոցը, քանդակ -
Բադդի Հոլիի կիթառը՝ Fender Stratocaster
Ծանոթագրություններ[խմբագրել | խմբագրել կոդը]
- ↑ «Buddy Holly Center: History». City of Lubbock. Արխիվացված է օրիգինալից 2015 թ․ մարտի 25-ին. Վերցված է 2015 թ․ դեկտեմբերի 5-ին.(անգլ.)
- ↑ Wilkinson, Andy (2015 թ․ սեպտեմբերի 16). «Buddy Holly Center». Handbook of Texas Online. Texas State Historical Association. Վերցված է 2015 թ․ դեկտեմբերի 5-ին.(անգլ.)
- ↑ «Lubbock: Buddy Holly Center». Plains Trail Region. Texas Historical Commission. Վերցված է 2015 թ․ դեկտեմբերի 5-ին.(անգլ.)
- ↑ «McCartney concert drives large crowds to Buddy Holly Center». KCBD. 2014 թ․ հոկտեմբերի 3. Վերցված է 2015 թ․ դեկտեմբերի 10-ին.(անգլ.)
- ↑ «Popular roots rocker in Summer Showcase». Lubbock Avalanche-Journal. 2015 թ․ օգոստոսի 14. Արխիվացված է օրիգինալից 2017 թ․ հոկտեմբերի 18-ին. Վերցված է 2015 թ․ դեկտեմբերի 10-ին.(անգլ.)
 | Վիքիպահեստն ունի նյութեր, որոնք վերաբերում են «Բադի Հոլի կենտրոն» հոդվածին։ |