Արտյոմ Ծառուկյան
| Արտյոմ Ծառուկյան | ||
| ||
|---|---|---|
| Կուսակցություն՝ | Բարգավաճ Հայաստան | |
| Կրթություն՝ | ՀԱՊՀ | |
| Մասնագիտություն՝ | քաղաքական գործիչ | |
| Ծննդյան օր | մայիսի 28, 1987 (37 տարեկան) | |
| Ծննդավայր | Երևան, Հայկական ԽՍՀ, ԽՍՀՄ | |
| Քաղաքացիություն |  Հայաստան
| |
Արտյոմ Ռաֆայելի Ծառուկյան (մայիսի 28, 1987, Երևան, Հայկական ԽՍՀ, ԽՍՀՄ), հայ քաղաքական գործիչ, Բարգավաճ Հայաստան կուսակցության անդամ, ՀՀ ԱԺ 7-րդ գումարման պատգամավոր[1][2]։
Կենսագրություն
[խմբագրել | խմբագրել կոդը]Ծնվել է 1987 թվականին մայիսի 28-ին Երևանում։ 2008 թվականին ավարտել է Հայաստանի Պետական Ճարտարագիտական Համալսարանի քոմփյութերային համակարգերի և ինֆորմատիկայի ֆակուլտետը։ 2016 թվականին ընդունվել է Երևանի պետական համալսարանի միջազգային հարաբերությունների ֆակուլտետի մագիստրատուրան։ Ամուսնացած չէ։
Աշխատանքային գործունեություն
[խմբագրել | խմբագրել կոդը]2008 թվականին աշխատել է «ԱրմենՏել» ՓԲԸ խոշոր բիզնեսի հետ զբաղվող բաժնի ավագ մասնագետ։ 2013-2017թ թվական՝ ՀՀ վերահսկիչ պալատի առաջատար մասնագետ։ 2018 թվականի հունվարից մինչև 2019 թվականի հունվարը եղել է «Սոֆթկոնստրակտ» ՍՊԸ-ում ապրանքատեր։ 2017 թվականին եղել է «Հավասարություն» հկ նախագահ։ 2010 թվականից եղել է Հայաստանի հրաձգության ֆեդերացիայի (ՀՀՖ) նախագահության անդամ։ 2018 թվականի դեկտեմբերի 9-ին ընտրվել է ԱԺ պատգամավոր «Բարգավաճ Հայաստան» կուսակցության համապետական ընտրական ցուցակով։ Պարգևատրվել է ՀՀՖ ոսկյա կրծքանշանով (2013 թվական), ՀՀ ՊՆ շնորհակալագրով (2016 թվական)։ Մեկ տասնյակից ավելի գիտական հոդվածների հեղինակ է։
