Արթուր Վանեցյան

Վիքիպեդիայից՝ ազատ հանրագիտարանից
Արթուր Գագիկի Վանեցյան
Դրոշ
Դրոշ
 ՀՀ ԱԱԾ տնօրեն
2018 թվականի մայիսի 10 - 2019 սեպտեմբերի 16
Դրոշ
Դրոշ
 ՀՀ ԱԱԾ Երևանի վարչության պետի տեղակալ
- 2018 թվականի մայիսի 10
Հայաստանի ֆուտբոլի ֆեդերացիայի նախագահ
2018 թվականի սեպտեմբերի 22 - 2019 թվականի նոյեմբերի 21
 
Կուսակցություն՝ Հայրենիք կուսակցություն
Մասնագիտություն՝ քաղաքական գործիչ
Ծննդյան օր դեկտեմբերի 8, 1979(1979-12-08) (44 տարեկան)
Ծննդավայր Երևան, Հայկական ԽՍՀ, ԽՍՀՄ
Քաղաքացիություն  Հայաստան
Հայր Գագիկ Վանեցյան
Մայր Մարգարիտ Ազարյան
Զավակներ 2 զավակ
 
Պարգևներ
Մարտական ծառայության մեդալ և «Վազգեն Սարգսյան» մեդալ

Արթուր Գագիկի Վանեցյան (դեկտեմբերի 8, 1979(1979-12-08), Երևան, Հայկական ԽՍՀ, ԽՍՀՄ), հայ ռազմական և պետական գործիչ, Հայաստանի Ազգային անվտանգության ծառայության նախկին տնօրեն[1]։

Զինվորական կոչումը՝ գեներալ-մայոր։

2018 թվականի սեպտեմբերի 22-ից մինչև 2019 թվականի նոյեմբերի 21-ը Հայաստանի ֆուտբոլի ֆեդերացիայի նախագահն էր[2]։

Կենսագրություն[խմբագրել | խմբագրել կոդը]

Կրթություն[խմբագրել | խմբագրել կոդը]

  • 1995 թ. ավարտել է Երևանի թիվ 2 միջնակարգ դպրոցը։
  • 1999 թ. ավարտել է Հայկական գյուղատնտեսական ակադեմիան։
  • 2002 թ. վերապատրաստվել է ՌԴ ԱԴԾ ակադեմիայում։
  • 2003 թ. ավարտել է Սանկտ-Պետերբուրգի արտաքին տնտեսական կապերի, տնտեսագիտության և իրավունքի ինստիտուտը։

Աշխատանքային գործունեություն[խմբագրել | խմբագրել կոդը]

  • 1997-1999 թթ. ծառայել է ՀՀ զինված ուժերում։
  • Արթուր Վանեցյանը ՀՀ ԱԱԾ-ում աշխատում է 2000 թվականից։ Զբաղեցրել է տարբեր պաշտոններ։
  • 2000-2003 թվականներին աշխատել է ՀՀ ԱԱԾ Արարատի մարզային վարչությունում որպես Մասիսի բաժնի օպերլիազոր։
  • 2003-2009 թվականներին աշխատել է ՀՀ ԱԱԾ հակահետախուզության գլխավոր վարչությունում՝ սկզբում որպես ավագ օպերլիազոր, այնուհետև՝ որպես գլխավոր վարչության պետի օգնական, բաժանմունքի պետ։
  • 2009 – 2016 թվականներին աշխատել է Երևանի քաղաքային վարչությունում որպես Էրեբունի և Նուբարաշեն վարչական շրջանների բաժնի պետ։
  • 2016-2018 թվականներին զբաղեցրել է ՀՀ ԱԱԾ Երևանի քաղաքային վարչության պետի տեղակալի պաշտոնը։
  • 2018 թվականի մայիսի 10-ին ՀՀ նախագահի հրամանագրով նշանակվել է ՀՀ Ազգային անվտանգության ծառայության տնօրեն։
  • 2019 թվականի սեպտեմբերի 16-ին ազատվել է ՀՀ Ազգային անվտանգության ծառայության տնօրենի պաշտոնից։

Քաղաքական գործունեություն[խմբագրել | խմբագրել կոդը]

2020 թվականի ապրիլի 29-ին ՀՀ ԱԺ պատգամավոր Հրաչյա Հակոբյանը ակնարկել է այն մասին, որ միգուցե վարչապետ Նիկոլ Փաշինյանի կողմից Արթուր Վանեցյանի ԱԱԾ տնօրենի պաշտոնի հեռացնելու պատճառը նրա օտարերկրա հատուկ ծառայությունների կողմից հավաքագրված լինելն էր, որի մասին «փաստերի ճնշման ներքո» Վանեցյանը ստիպված է եղել խոստովանել վարչապետին[3]։

Զինվորական կոչումներ[խմբագրել | խմբագրել կոդը]

Ստորև ներկայացված են Արթուր Վանցյանի կոչումներն ըստ թվականները՝

Պարգևներ[խմբագրել | խմբագրել կոդը]

Արթուր Վանեցյանը ՀՀ ԱԱԾ-ի տնօրենի կողմից բազմիցս պարգևատրվել է։ ՀՀ պաշտպանության նախարարի կողմից արժանացել է Վազգեն Սարգսյան մեդալի։ ՀՀ նախագահի հրամանով պարգևատրվել է Մարտական ծառայության մեդալով։

Ընտանիք[խմբագրել | խմբագրել կոդը]

Արթուր Վանեցյանն ամուսնացած է, ունի երկու զավակ։

Նախորդող
Գեորգի Կուտոյան 		Հայաստանի ազգային անվտանգության ծառայության տնօրեն
Արթուր Վանեցյան
2018 թվականի մայիսի 10 - 2019 թվականի սեպտեմբերի 16 		Հաջորդող
Էդուարդ Մարտիրոսյան

Ծանոթագրություններ[խմբագրել | խմբագրել կոդը]

  1. ↑ «Արթուր Վանեցյանը Ազգային անվտանգության ծառայության տնօրենի պաշտոնից հրաժարական է տալիս».
  2. ↑ ՀՖՖ նախագահ Արթուր Վանեցյանը հրաժարական ներկայացրեց
  3. ↑ Ես էլ իմ հերթին եմ ուզում հարց տալ Արթուր Վանեցյանին․ Հրաչյա Հակոբյան
Հայաստանի անվտանգության մարմինների ղեկավարները
Հայաստանի առաջին հանրապետություն
1918-1920

Բանակի գլխավոր շտաբի հետախուզության և հակահետախուզության բաժանմունքի պետեր: Արտեմի Հովհաննիսյան (8 օգոստոսի 1918 - ) • Ալեքսանդր Շնեուր • Վահագն Մուրադյան (1919թ. սեպտեմբեր - 1920թ. ապրիլ) • Տիգրան Դևոյան (1920թ. ապրիլ-նոյեմբեր)
Անդրկովկասյան ԽՍՖՀ
կամ Հայկական ԽՍՀ

Արտակարգ հանձնաժողովի նախագահներ: Նիկոլայ Այվազյան (1920 թ. դեկտեմբեր - 1921 թ. հունվար) • Շավարշ Ամիրխանյան (1921 թ. հունվար - 1924) • Սերգեյ Մելիք-Օսիպով (1924-1926)
Պետական քաղաքական վարչության պետեր: Սերգեյ Մելիք-Օսիպով (1926-1929 մարտ) • Սեդրակ Մարգարյան (1929 թ. մարտ - 1929)• Հայկ Պետրոսյան (1930) • Սեդրակ Օթյան (1930-1930թ. հոկտեմբեր)
Ներքին գործերի ժողովրդական կոմիսարներ: Գեորգի Մարտիրոսով (1941-1943թ. ապրիլ)
Պետական անվտանգության ժողովրդական կոմիսարներ: Գեորգի Մարտիրոսով (1943թ. ապրիլ-1945) • Նիկիտա Քրիմյան (1945-1946)
Պետական անվտանգության մինիստրներ: Նիկիտա Քրիմյան (1946-1947) • Սերգեյ Կորխմազյան (1947-1952) • Գեորգի Մարտիրոսով (1952-1953)
Ներքին գործերի մինիստրներ: Գեորգի Մարտիրոսով (1953-1954)
Պետական անվտանգության կոմիտեի նախագահներ: Գեորգի Բադամյանց (1954-1972) • Արկադի Ռագոզին (1972-1977) • Հրայր Միքայելյան (1977-1978) • Մարիուս Արամի Յուզբաշյան (1978-1988) • Վալերի Գեորգիի Բադամյանց (1988-1991)
Հայաստան

Պետական անվտանգության կոմիտեի նախագահ: Հուսիկ Սուրենի Հարությունյան (1991-1992)
Ազգային անվտանգության պետական վարչության պետեր: Վալերի Վաղարշակի Պողոսյան (1992-1993) • Էդուարդ Գրիգորի Սիմոնյանց (1993-1994) • Դավիթ Գուրգենի Շահնազարյան (1994-1995) • Սերժ Ազատի Սարգսյան (1995)
Ազգային անվտանգության նախարար: Սերժ Ազատի Սարգսյան (1995-1996)
Ներքին գործերի և ազգային անվտանգության նախարար: Սերժ Ազատի Սարգսյան (1996-1999)
Ազգային անվտանգության նախարարներ: Սերժ Ազատի Սարգսյան (1999) • Կառլոս Խաչիկի Պետրոսյան (1999-2003)
Ազգային անվտանգության ծառայության տնօրեններ: Կառլոս Խաչիկի Պետրոսյան (2003-2004) • Գորիկ Գուրգենի Հակոբյան (2004-2016) • Գեորգի Կարենի Կուտոյան (2016-2018) • Արթուր Վանեցյան (2018-2019) • Էդուարդ Մարտիրոսյան (2019 - 2020) • Արգիշտի Քյարամյան (2020 հունիս - 2020 հոկտեմբեր)
Ստացված է «https://hy.wikipedia.org/w/index.php?title=Արթուր_Վանեցյան&oldid=9760277» էջից