Warped Tour

Վիքիպեդիայից՝ ազատ հանրագիտարանից
Jump to navigation Jump to search

Warped Tour, երաժշտության և փորձարարական սպորտի շրջագայող փառատոն, անցկացվում է այնպիսի վայրերում, ինչպիսիք են դաշտերն ու ավտոկանգառները, որտեղ հավաքում են բեմը և մնացյալ շինությունները։ Սքեյթբորդի համար կոշիկ արտադրող Vans ընկերությունը փառատոնի հովանավորն է՝ սկսած 1995 թվականից, և փառատոնը հաճախ անվանում են Vans Warped Tour: Սկզբում փառատոնը փանք-ռոք երաժշտության ցուցասրահ էր, բայց ավելի ուշ՝ սկսեցին ներկայացնել երաժշտության տարատեսակ ժանրեր։

Ակնարկ[խմբագրել | խմբագրել կոդը]

2010 թվականի օգոստոսի 10-ին Chula Vista, California-ում ելույթների ժամանակացույցը յուրաքանչյուր գործողության համար ժամանակով և բովանդակությամբ: Ելույթների ժամանակացույցը որոշվում է ելույթների անցկացման օրը և տեղակայվում է այցելուների համար մեծ փչովի «տախտակի» վրա:
Alternative Press/Advent (աջից) և Glamour Kills (ձախից) 2010 թվականին: Խմբերի 30-րոպեանոց ելույթները հերթագայում են երկու բեմերում:

2000-ական թվականների կեսերին Warped Tour-ը շոուի ժամանակ ներկայանում է գրեթե 100 խումբ։ Խմբերը նվագում են յուրաքանչյուրը 30 րոպե 10 բեմերի վրա, իսկ ամենագլխավոր խմբերը սովորաբար նվագում են երկու հիմնական բեմերի վրա։ Խմբերը սովորաբար սկսում են նվագել 11:00-ին և ավարտում են երեկոյան 9:00-ին մոտ՝ նվագելով միաժամանակ։ Խմբերի ելույթների ժամանակացույցը սովորաբար գտնվում է անցկացման վայրի կենտրոնում մեծ տախտակի վրա։ Բեմերը տեղադրվում են տարբեր վայրերում այնպես, որ մի խմբի նվագած երաժշտությունը չխանգարի մյուսներին։

Յուրաքանչյուր տարի գոյություն ունի այսպես կոչված «խորոված խումբ», որը շրջագայության ժամանակ ելույթ ունենալու իրավունքի փոխարեն պետք է խորոված պատրաստի խմբերի համար երեկոների մեծամասնության ընթացքում։ «Խորոված խմբերի» շրջանում եղել են Dropkick Murphys-ը և The Fabulous Rudies[1]։ Բացի այդ՝ Animo (ավելի վաղ՝ DORK) խմբին թույլ է տրվել վերջին չորս տարիների ընթացքում նվագել շրջագայության ժամանակ՝ դրան զուգահեռ աշխատելով նաև տեխնիկական խմբում։

Փառատոնը սկսվել է որպես սքեյթ-փանքի և սքայ երրորդ ալիքի շրջագայություն, սակայն հետո սկսել են ցուցադրել հիմնականում փոփ-փանքի և մետալքորիկատարողների։ Որոշ հարդքոր և սթրիթ-փանք խմբեր, այնպիսիք, ինչպիսիք են Casualties-ը, The Unseen-ը և Anti-Flag-ը, մինչ օրս հանդես են գալիս փառատոնի ժամանակ։ Որոշ խմբեր էլ հանդես են գալիս փառատոնի հիմնադրման օրերից մինչև այսօր (Bad Religion, NOFX և այլն)։

Փառատոնի յուրաքանչյուր վայր (անցկացման յուրաքանչյուր տեղ) ունի իր սեփական տեղադրությունը։

2013 թվականին Քևին Լիմանը որոշեց, որ տրանսպորտային խնդիրների և լսարանի անդամների տարիքի նվազման պատճառով նրանց ծնողները հնարավորություն կունենան մուտք գործել փառատոնի անցկացման վայր անվճար։ Նրանք մեծահասակների հատուկ օր ունեն[2]։

Պատմություն[խմբագրել | խմբագրել կոդը]

Warped Tour-ը ստեղծվել է 1994 թվականին Քևին Լիմանի կողմից, ում մոտ գաղափարը ծնվել էր Vision Skate Escape և Holiday Havoc սքեյթբորդինգի շոուի աշխատանքները կատարելու ժամանակ, որոնք երաժշտությունն ընդգրկում էին սքեյթբորդինգի մրցույթների մեջ։ Ձևափոխված անունը ծագում է Warp Magazine ամսագրի անունից, որ թողարկվում էր Transworld-ի կողմից և ներկայացնում էր սերֆինգը, սքեյթբորդինգը և երաժշտությունը։

Շրջագայությունը գրեթե միշտ անցկացվում է բաց հրապարակներում՝ հազվադեպ բացառություններով։ 1996 թվականին անցկացման վայրի խնդիրների եհտ կապված՝ շոուն հարկադրաբար տեղափոխվեց Վաշինգտոնի The Capitol Ballroom գիշերային ակումբ[3]։

1998 թվականին թվականին անցկացվեց միջազգային շրջագայություն, այդ թվում՝ Ավստրալիայում, Ճապոնիայում, Եվրոպայում, Կանադայում և ԱՄՆ-ում։

1999 թվականին շրջագայությունը սկսվեց Նոր Զելանդիայում և Ավստրալիայում Ամանորին։ Ապա այն կրկին սկսվեց Միացյալ Նահանգներում ամռանը՝ Եվրոպայի շրջագայության ավարտից հետո։

Բացի երաժշտությունից՝ այդ փառատոնում կան բազում հետաքրքիր վայրեր՝ ներառյալ հաֆփայփները սթեյքբորդինգի համար և հեծանվավազքը։ Տարածքում վաճառում են անկախ երաժշտական լեյբլների, ոչ առևտրային կազմակերպությունների, ինչպես նաև իրենց արտադրանքը վաճառել ցանկացող հովանավորների ապրանքները։ Շատ խմբեր մոտենում են այնտեղ տեղակայված վրաններին՝ շփվելու երկրպագուների հետ և ստորագրություններ բաժանելու։

2006 թվականին շրջագայությունը սկսեց «Warped Eco Initiative»-ը (WEI)։Փոփոխությունները սկսած 2006 թվականից. բիոդիզելի օգտագործումը ավտոբուսների վառելիքի համար, նավթի օգտագործման սահմանափակում մինչև 30 %։ Փառատոնն ունի արևային բեմ, որն աշխատում է բացառապես արևի էներգիայով՝ ապահովելով 8-10 խմբերի ելույթ։ Սնունդի կազմակերպումը ուղղվել է դեպի լվացվող ամաններն ու արծաթե ափսեները։ Անվճար նվերներ են տրվում երեխաներին, որոնք կամավոր կերպով օգնում են աղբը վերամշակելիս։

Սկսած 2009 թվականից՝ երկու հիմնական բեմերը միացվեցին և խմբերին տրվեց ելույթների 40 րոպե ժամանակ՝ ի տարբերություն ավանդական 30 րոպեների երկու բեմերում։ Չնայած դրան՝ որոշվեց երկու հիմնական բեմերի մոտեցումը 35 րոպե ելույթներով վերադարձնել 2012 թվականի շրջագայության համար. այդ մոտեցումը շարունակական բնույթ կրեց։

2012 թվականին Warped Tour-ը ուղևորվեց Լոնդոն՝ 1998 թվականից հետո առաջին անգամ թողնելով Հյուսիսային Ամերիկան[4]։ Մեծ Բրիտանիայում և Եվրոպայում Warped Tour-ը կառավարվում է անգլիացի փրոմոութեր Kilimanjaro Live-ի կողմից[5]։

2012 թվականի հոկտեմբերին սկսվեց նոր շոու, որը կոչվեց Roadies, որտեղ ղեկավար թիմը՝ Քևին Լիմանի հետ միասին, ներկայացրեց շրջագայության արտադրական կողմը[6]։

2013 թվականին Warped Tour-ը վերադարձավ Ավստրալիա երկար բացակայությունից հետո[7][8]։

Տարաձայնություններ խմբերի հետ[խմբագրել | խմբագրել կոդը]

Մարզիկների ելույթը սքեյթբորդերի, հեծանիվների վրա և այլ սպորտաձևերում շրջագայության ընթացքում։ Այցելուները ևս կարող են մասնակցություն ունենալ։

Մի քանի խմբեր լքել են շրջագայությունը կազմակերպիչների կամ այլ խմբերի հետ տարաձայնությունների պատճառով.

  • Ե՛վ D12-ը, և՛ Esham 2001 թվականին վռնդվել են շրջագայությունից։ D12-ը ենթադրաբար հարձակվել էր Esham-ի վրա Էմինեմի դստեր մասին «Chemical Imbalance» երգում հիշատակելու համար։ Էմինեմը ներկա չէր[9]։
  • The Lawrence Arms-ից Բրենդան Քելին հայտարարում է, որ խումբը ցմահ հեռացված է փառատոնից այն բանից հետո, ինչ 2004 թվականին աճող հիասթափության պատճառով նրանք ելույթի ժամանակ բարձրաձայն քննադատել էին Warped Tour-ի էթիկան և էֆեկտները, իսկ կազմակերպիչները գտնվում էին լսելիության սահմաններում։ Քելին նաև հայտարարեց, որ Warped Tour-ը «վատագույնն է, որ պատահել է փանք-ռոքի հետ, կամ DIY երաժշտության հետ ընդհանրապես» և մեղադրեց փառատոնին ողջ երկրով ոչ մեծ փանք-ակումբների զանգվածային փակման համար[10]։
  • Guttermouth խումբը Warped Tour 2004-ից հեռացվել է My Chemical Romance-ին վիրավորելու պատճառով։ Ավելի ուշ խումբը հայտարարեց, որ իրենք սեփական որոշմամբ են հեռացել այն պատճառով[11]։
  • 2006 թվականին NOFX խմբի առաջատար Ֆեթ Մայքը ծաղրեց Underoath-ին և նրանց կրոնական համոզմունքները և քննադատեց նրանց համոզմունքները միասեռ ամուսնությունների վերաբերյալ, սակայն ընդգծեց, որ նա ընկերացել է Underoath խբի անդամների հետ շրջագայության սկզբում, շատ քաղաքակիրթ զրույցներ է ունեցել տարբեր անդամների հետ մինչև Underoath-ի հեռանալը[12]։ Խմբի հայտարարությունը հաստատում էր, որ անդամները նրանք «անհրաժեշտ համարեցին զբաղեցնել որոշակի անհապաղ ժամանակ, որպեսզի կենտրոնանային մեր ընկերության վրա, քանի որ դա ավելի կարևոր է, քան դրանց փոխարեն հյուրախաղերի մասին մտածելը»։ Չնայած դրան՝ երկու խմբերն էլ ընդգրկվեցին Warped Tour 2009-ի ելույթ ունեցողների կազմում[13]։
  • Քևին Լիմանը խոստովանեց, որ 2007 թվականի շրջագայության ժամանակ որոշ փորձառու խմբեր զայրացած էին նոր խմբերի առկայությամբ նրանց ռոք աստղերի հետ հարաբերությունների, ինչպես նաև փանք խմբերի և քրիստոնեական խմբերի միջև լարվածության պատճառով։

Պաշտոնական հավաքածուներ[խմբագրել | խմբագրել կոդը]

Warped Tour-ի պաշտոնական հավաքածուն թողարկվում է ամեն տարի CD SideOneDummy Records-ով, որպեսզի համընկնի շրջագայության սկզբի հետ։ Մինչև 1998 թվականը պաշտոնական թողարկումները կատարվել են Vans-ի օգնությամբ Uni Distribution-ի և Epitaph Records-ի միջոցով համապատասխանաբար 1996 և 1997 թվականներին։ Հավաքածուն ընդգրկում է շատ կատարողների երգեր, որ այդ տարի հանդես են գալիս շրջագայության ընթացքում։ Առաջին մի քանի հավաքածուները ունեին տարբեր անվանումներ, սակայն սկսած 2001 թվականից՝ շարքն օգտագործում է «Warped Tour <տարեթիվ> Tour Compilation» ձևաչափով վերնագիր։ 2002 թվականին հավաքածուն թողարկվում է 2 CD-ով՝ ներառելով 50 կատարող։ Այդ ձևաչափը կրկնվել է հաջորդող տարիներին ևս։

Տարեթիվ Անվանում
1996 Vans Warped Music Sampler 1996
1997 Vans Warped Tour '97 Presents Punk-O-Rama Vol. 2.1
1998 A Compilation of Warped Music
1999 A Compilation of Warped Music II
2000 World Warped III Live
2001 Warped Tour 2001 Tour Compilation
2002 Warped Tour 2002 Tour Compilation
2003 Warped Tour 2003 Tour Compilation
2004 Warped Tour 2004 Tour Compilation
2005 Warped Tour 2005 Tour Compilation
2006 Warped Tour 2006 Tour Compilation
2007 Warped Tour 2007 Tour Compilation
2008 Warped Tour 2008 Tour Compilation
2009 Warped Tour 2009 Tour Compilation
2010 Warped Tour 2010 Tour Compilation
2011 Warped Tour 2011 Tour Compilation
2012 Warped Tour 2012 Tour Compilation
2013 Warped Tour 2013 Tour Compilation

Բացի այդ՝ Rhapsody.com թվային երաժշտության ծառայությունը թողարկում է «Warped Tour Bootleg Series» հավաքածուն՝ յուրաքանչյուր ձայնագրությամբ կենտրոնանալով եկ կատարողի վրա, ով հանդես է գալիս շրջագայության շրջանակներում։ Bootleg Series նախկին կատարողներն են. Matchbook Romance, My Chemical Romance, Bedouin Soundclash, MxPx, The Starting Line, Millencolin, Avenged Sevenfold, Gogol Bordello, Motion City Soundtrack, The Casualties, Anti-Flag, Less Than Jake, Rise Against, Joan Jett & The Blackhearts, Helmet և The Academy Is...:

Ծանոթագրություններ[խմբագրել | խմբագրել կոդը]

  1. Charleston.net(չաշխատող հղում). Charleston.net. (անգլ.)
  2. http://www.punknews.org/article/52019/warped-tour-offering-free-admission-for-parents (անգլ.)
  3. http://www.freewebs.com/44blinkingangels/tourarchives.htm (անգլ.)
  4. Name * (March 30, 2012)։ «Vans Warped Tour Coming to the UK»։ Media Blasphemy։ Արխիվացված է օրիգինալից 2015-10-16-ին։ Վերցված է 2012-07-26  (անգլ.)
  5. LickLibrary «Vans Warped Tour to return to the UK for the first time since 1999» Archived 2016-10-09 at the Wayback Machine., LickLibrary, Fri, 30 March 2012 (անգլ.)
  6. http://www.imdb.com/title/tt2195454/ (անգլ.)
  7. Name * (February 23, 2013)։ «Vans Warped Tour Returning to Australia»։ Triple M։ Վերցված է 2013-02-23  (անգլ.)
  8. Name * (February 2013)։ «'Vans Warped Tour' Returning To Australia 2013»։ Australian Recording Industry Association։ Արխիվացված է օրիգինալից 2013-03-21-ին։ Վերցված է 2013-04-27  (անգլ.)
  9. «Rappers Esham, D12 kicked off Warped Tour after alleged attack»  (անգլ.)
  10. Gorman Bobby (2006-05-12)։ «Interview with Brendan Kelly»։ thepunksite.com։ Արխիվացված է օրիգինալից 2012-02-04-ին։ Վերցված է 2007-07-17  (անգլ.)
  11. Guttermouth Quits Warped Tour — Aversion.com (անգլ.)
  12. Fat Mike addresses Underoath rumours: Punknews.org. (անգլ.)
  13. Sutherland, Sam. (July 11, 2009) Warped Tour 2009 — Video Interview. Exclaim.ca. (անգլ.)

Արտաքին հղումներ[խմբագրել | խմբագրել կոդը]