Threads (հավելված)
անգլ.՝ Threads | |
|---|---|
_logo.svg){kind=logo} | |
| threads.net | |
| Տեսակ | սոցիալական ցանց, microblogging? և online community? |
| Լեզու | անգլերեն |
| Սեփականատեր | Meta Platforms |
| Հեղինակ | Meta Platforms |
| Բացված | հուլիսի 6, 2023 |
| Փակված | հուլիսի 6, 2023 |
 Threads (app) Վիքիպահեստում | |
Threads (անգլ.՝ thread - «թել»), առցանց սոցիալական մեդիա և սոցիալական ցանցային ծառայություն, որը պատկանում է ամերիկյան Meta Platforms տեխնոլոգիական ընկերությանը՝ Facebook-ի, Instagram-ի և WhatsApp-ի սեփականատերերին։
Այն աշխատում է միկրոբլոգային այլ հարթակների նման, ինչպիսին է Twitter-ը։ Օգտատերերը կարող են հրապարակել և համօգտագործել տեքստեր, պատկերներ և տեսանյութեր, պատասխանել, վերահրապարակել և հավանել ուրիշների գրառումները։ Instagram-ին կից օգտվողները պետք է ունենան Instagram-ի հաշիվ՝ գրանցվելու համար, և պետք է օգտագործեն նույն օգտատիրոջ հաշիվը[1]։ Հավելվածը հասանելի է iOS-ի և Android-ի համար՝ լիարժեք գործառույթներով և առցանց՝ սահմանափակ գործառույթներով։
Իլոն Մասկի կողմից Twitter-ի ձեռքբերումից հետո Meta-ի աշխատակիցներն ի սկզբանե քննարկել են Instagram Notes-ի՝ Instagram-ի տեքստի վրա հիմնված գործառույթի ներդրման մասին։ Աշխատակիցները քննարկել են նաև առանձին և անկախ տեքստի վրա հիմնված հավելված ստեղծելու հարցը, որը առաջացրել է Threads-ը։ Threads-ի մշակումը սկսվել է 2023 թվականի հունվարին, որն այն ժամանակ ներքին անվանումով հայտնի էր որպես «Project 92»: Threads-ի մասին տեղեկատվությունը հրապարակվում է մարտին, իսկ The Verge-ն հրապարակում է հունիսին ընկերության ներքին ժողովի մանրամասները։ Threads-ի մասին մանրամասներ հայտնվեցին հուլիսին, որից հետո՝ հուլիսի 3-ին, հավելվածը հայտնվել է Apple App Store-ում մինչ գործարկումը, հուլիսի 6-ին թողարկվելու ամսաթվով։
Threads-ը պաշտոնապես մեկնարկել է հուլիսի 5-ին հարյուր երկրներում, այդ թվում՝ Միացյալ Նահանգներում, Միացյալ Թագավորությունում, Ավստրալիայում, Նոր Զելանդիայում, Կանադայում, Ճապոնիայում, Հնդկաստանում և Բրազիլիայում[2][3]։ Սոցիալական ցանցն իր առաջին 48 ժամում հասել է 80 միլիոն օգտատերերի՝ դառնալով բոլոր ժամանակների ամենաարագ ներբեռնվող հավելվածը՝ գերազանցելով ChatGPT-ի սահմանած ռեկորդը[4][5][6]։
Ծանոթագրություններ[խմբագրել | խմբագրել կոդը]
- ↑ Isaac Mike (2023-07-05)։ «Threads, Instagram's 'Twitter Killer,' Has Arrived»։ The New York Times (en-US)։ ISSN 0362-4331։ Արխիվացված է օրիգինալից July 6, 2023-ին։ Վերցված է 2023-07-06
- ↑ «Threads launches in NZ: Facebook's new Twitter rival»։ 1 News (անգլերեն)։ Արխիվացված է օրիգինալից 2023-07-07-ին։ Վերցված է 2023-07-07
- ↑ TudoCelular.com (2023-07-07)։ «Threads: Brasil é o 2º país com mais downloads do app rival do Twitter»։ TudoCelular.com (pt-br)։ Վերցված է 2023-07-08
- ↑ «Threads App Reaches 80 Million Users As Twitter Threatens Lawsuit»։ Search Engine Journal (անգլերեն)։ 2023-07-07։ Արխիվացված է օրիգինալից July 8, 2023-ին։ Վերցված է 2023-07-07
- ↑ Roth Emma (2023-07-05)։ «Instagram’s Threads: all the updates on the new Twitter competitor»։ The Verge (en-US)։ Վերցված է 2023-07-07
- ↑ Isaac Mike (July 6, 2023)։ «Threads Becomes Most Rapidly Downloaded App, Raising Twitter's Ire»։ The New York Times։ Արխիվացված է օրիգինալից July 6, 2023-ին։ Վերցված է July 6, 2023