The Platters
| The Platters | |
|---|---|
 | |
| Պարգևներ և մրցանակներ | |
| Կայք | theplatters.com |
 The Platters Վիքիպահեստում | |
The Platters (անգլ.՝ The Platters), ամերիկյան վոկալ խումբ, ձևավորվել է 1952 թվականին։ Նրանք համարվում են վաղ ռոքնռոլի դարաշրջանի ամենահաջողակ վոկալ խմբերից մեկը։ Տարիների ընթացքում խումբը բազմաթիվ կազմափոխություններ է ունեցել՝ վաստակելով «Բազմաթիվ ձայներ, մեկ անուն» կարգախոսը։ Ամենահաջողակ կազմը ներառում էր հիմնական տենոր Տոնի Ուիլյամսին, Դեյվիդ Լինչին, Փոլ Ռոբիին, հիմնադիր և անդամ Հերբ Ռիդին ու Զոլա Թեյլորին։ Խումբը 1955-1967 թվականներին «Billboard Hot 100»-ի հիթ շքերթում ուներ 40 երգ։ 1990 թվականին The Platters-ը ընդգրկվեցին «Ռոքնռոլի փառքի սրահ»-ում։ Խումբը մինչ օրս շարունակում է ելույթներ ունենալ ամբողջ աշխարհում՝ «Herb Reed Enterprises» ընկերության (սահմանված Ռիդի կողմից՝ կեղծ «Platters» խմբերի դեմ պայքարելու համար) անունով և իրավական իրավունքներով։
Խմբի ձևավորում և վաղ տարիների
[խմբագրել | խմբագրել կոդը]The Platters խումբը ձևավորվել է Լոս Անջելեսում 1951 թվականին և ի սկզբանե կառավարվում էր «Federal Records»-ի բաժնի ղեկավար Ռալֆ Բասի կողմից[1]: Սկզբնական կազմը ներառում էր դեռահասներ՝ Ալեքս Հոջ, նրա եղբայր Գեյնելը, Քերթիս Ուիլյամս, Ջո Ջեֆերսոն և Քորնել Գանթեր: Ռալֆ Բասը փոխարինեց Քորնել Գանթերին Տոնի Ուիլյամսով, իսկ Հերբ Ռիդը միացավ խմբին 1953 թվականին՝ բանակից զորացրվելուց հետո՝ որպես Ջո Ջեֆերսոնին փոխարինող[2][3]: Ռիդն է առաջարկել խմբի անունը, երբ նստած էր Հոջի տան խոհանոցում: Երբ տիկին Հոջը խոհանոցում դնում է բլիթների ափսեն սեղանին, որտեղ խումբը քննարկում էր իրենց նոր անունը, մի քանի 78 պտույտ արագությամբ ձայնապնակներ կային սեղանին: Երբ նա մի կողմ է հրում դրանք, ասում է՝ «Դրանք շատ նման են ափսեների»: Հերբն ասում է՝ «Ահա՛, մենք մեզ կանվանենք The Platters»:
1953 թվականի հունիսին Գանթերը լքեց խումբը և միացավ «The Flairs»-ին, իսկ նրա փոխարեն խմբի առաջատար վոկալիստ դարձավ Տոնի Ուիլյամսը: Խումբը այնուհետև թողարկեց երկու սինգլ «Federal Records»-ի հետ՝ Բասի ղեկավարությամբ, բայց առանձնապես հաջողություն չունեցավ: Բասը դիմեց իր ընկերոջը՝ երաժշտական գործարար Բաք Ռամին, որպեսզի վերջինս աջակցի խմբին հիթային ձայնագրություն ունենալու հարցում: Ռամը կատարեց մի շարք փոփոխություններ կազմի մեջ, ներառյալ՝ վոկալիստ կնոջ Զոլա Թեյլորի ավելացումը և, 1954 թվականի աշնանը, Ալեքս Հոջի փոխարինումը Փոլ Ռոբիով:
Ռամի ղեկավարությամբ «The Platters»-ը ձայնագրեց ութ երգ «Federal»-ի համար՝ «R&B/գոսպել» ոճում՝ ունենալով որոշ հաջողություններ Արևմտյան ափում և աջակցելով Ուիլյամսի քրոջ՝ Լինդա Հեյսի ձայնագրություններին: «Federal»-ում ձայնագրված երգերից մեկը՝ «Only You (And You Alone)»-ը, որը սկզբնապես գրվել էր Ռամի կողմից «Ink Spots» խմբի համար, ձայնագրման ընկերությունը մերժել էր որպես ոչ թողարկելի, թեև այդ վաղ տարբերակի որոշ օրինակներ պահպանվել են[4][5]:
Չնայած չարթերում հաջողության բացակայությանը՝ «The Platters» խումբը բավականին շահութաբեր էր՝ որպես շրջագայող խումբ: Նրանք այնքան հաջողակ էին, որ «The Penguins» խումբը, իր «Earth Angel» սինգլի #8 հաջողությունից հետո, դիմեց Ռամին՝ իրենց նույնպես կառավարելու համար: Այս երկու խմբերի առկայությամբ՝ Ռամը կարողացավ «Mercury Records»-ի հետ կնքել պայմանագիր: Ռամը պահանջեց, որ «The Penguins»-ի հետ պայմանագիր կնքելու համար «Mercury»-ն պետք է վերցներ նաև «The Platters» խմբին[4]: «The Penguins»-ը, սակայն, այդ լեյբլի հետ հիթային երգեր չարձանագրեց[6]:
Հիթեր՝ չարթերում
[խմբագրել | խմբագրել կոդը]
Համոզված լինելով Ժան Բենեթի և Տոնի Ուիլյամսի խոսքորից, որ «Only You» երգն ունի մեծ պոտենցիալ՝ Բաք Ռամը կազմակերպեց «The Platters»-ի նոր ձայնագրումը «Mercury»-ի առաջին սեսիայի ժամանակ։ Երգը թողարկվեց 1955 թվականի ամռանը և դարձավ խմբի առաջին թոփ 10 հիթը փոփ չարթերում՝ R&B չարթերի գագաթնակետում մնալով յոթ շաբաթ։ Հաջորդող «The Great Pretender»-ը, որի բառերը Բաք Ռամը գրել էր Լաս Վեգասի Ֆլամինգո հյուրանոցի լոգարանում, գերազանցեց իրենց դեբյուտային հիթի հաջողությունը՝ դառնալով խմբի առաջին ազգային #1 հիթը[4]։ Այս երգը դարձավ խմբի ամենամեծ հիթը R&B չարթերում՝ մնալով այնտեղ 11 շաբաթ։ 1956 թվականին The Platters խումբը մասնակցեց առաջին խոշոր ռոքնռոլ կինոնկարին՝ «Rock Around the Clock»-ին, որտեղ կատարեցին ինչպես «Only You», այնպես էլ «The Great Pretender»[7]։
The Platters-ի յուրահատուկ վոկալ ոճը մեծ ազդեցություն ունեցավ երաժշտասեր հասարակության վրա։ Խումբը թողարկեց մի շարք հիթեր, ներառյալ ևս երեք ազգային #1 հիթեր և ավելի համեստ հաջողություններ, ինչպիսիք են՝ «I'm Sorry» (#11) և «He's Mine» (#23)՝ 1957 թվականին, «Enchanted» (#12)՝ 1959 թվականին, և «(You've Got) The Magic Touch» (#4)՝ 1956 թվականին։ Խումբը շուտով սկսեց վերականգնել հին ստանդարտները, ինչպիսիք են՝ «My Prayer», «Twilight Time», «Harbor Lights», «To Each His Own», «If I Didn't Care» և Ջերոմ Քերնի «Smoke Gets in Your Eyes»[4][8]։ Վերջին երգը որոշակի վեճ առաջացրեց, քանի որ Քերնի այրին անհանգստացած էր, որ իր ամուսնու ստեղծագործությունը կդառնա «ռոքնռոլ» ձայնագրություն։ Այն, սակայն, հասավ ինչպես ամերիկյան, այնպես էլ բրիտանական չարթերի գագաթնակետին՝ «Platters»-ի ոճով կատարմամբ։
The Platters-ը տարբերվում էր դարաշրջանի շատ խմբերից, քանի որ Ռամը խումբը դարձրել էր «Five Platters»՝ 1956 թվականին։ Խմբի յուրաքանչյուր անդամ ստանում էր բաժնեմասի 20%-ը, ամբողջական հոնորարները և սոցիալական ապահովագրություն։ Խմբի անդամները մեկը մյուսի հետևից լքելուց հետո Ռամը և նրա բիզնես գործընկեր Ժան Բենեթը գնեցին նրանց բաժնեմասերը՝ պնդելով, որ իրենք են «Platters»-ի իրավատերերը։ Սակայն դատարանը որոշեց, որ «FPI»-ն Ռամի կողմից օգտագործվել է՝ խմբի անվան իրավունքները ձեռք բերելու նպատակով», և բաժնետոմսերի տրամադրումը խմբի անդամներին «անօրինական էր՝ Կալիֆոռնիայի կորպորատիվ արժեթղթերի օրենքի խախտման տեսանկյունից»[9]։
Խումբը 1990 թվականին ընդունվեց «Ռոքնռոլի Փառքի սրահ» և 1998 թվականին՝ «Վոկալ խմբերի Փառքի սրահ»։ The Platters-ը դարձավ ռոքնռոլ դարաշրջանի առաջին խումբը, որն ԱՄՆ-ում ունեցավ «Թոփ 10» ալբոմ։ Նրանք նաև միակ խումբն էին, որի երեք երգ ներառված էր «American Graffiti» սաունդթրեքում՝ «Smoke Gets in Your Eyes», «The Great Pretender» և «Only You (and You Alone)», որը խթանեց 1970-ականների կեսերին հին երգերի նոր ալիքի վերածնունդը։ Խումբը 1975-1986 թվականներին ուներ չորս ալբոմ՝ ընդգրկված Ավստրալիայի լավագույն 100 չարթերում[10]։
Փոփոխվող կազմ
[խմբագրել | խմբագրել կոդը]1952 թվականի կազմը ներառում էր գլխավոր վոկալիստ Քորնել Գանտերին, Հերբ Ռիդին, Ալեքս Հոջին, Ջո Ջեֆերսոնին և Դևիդ Լինչին։ Շուտով Գանտերին փոխարինեց տենոր Տոնի Ուիլյամսը։
Խմբի երկրորդ մենեջեր Ռամը որոշեց խմբի գործունեությունը կառուցել Ուիլյամսի յուրահատուկ և բազմազան ձայնի շուրջ՝ կարևորելով նրա կարողությունը կենդանություն հաղորդել Ռամի երգերին[8]։ Մեկ տարվա ընթացքում Ալեքս Հոջն ու Ջեֆերսոնը լքեցին խումբը, նրանց փոխարինեցին Փոլ Ռոբին և մի կին՝ Զոլա Թեյլորը։ Հոջի հեռանալու մանրամասները մնում են անորոշ. գրող Փիթեր Ա․ Գրենդիսան նշում է, որ Ռամը հեռացրել է Հոջին 1954 թվականի հոկտեմբերին՝ մարիխուանա պահելու մեղադրանքով[11]։ Գրասենյակները և ձայնագրման ընկերությունը տեղեկացվել էին, որ Հոջին հեռացրել են 15 դոլարանոց չեկի չեղարկման համար[12]։ Ստացված կազմը, որը հայտնի դարձավ խմբի անմոռանալի հիթերով, գոյատևեց մինչև 1960 թվականը։
1959 թվականին խումբը սկսեց դժվարություններ ունենալ հանրության հետ, երբ չորս տղամարդկանց կալանավորեցին Ցինցինատիում` թմրանյութերի և մարմնավաճառության մեղադրանքներով[13]։ Չնայած ոչ ոք մեղավոր չճանաչվեց, նրանց մասնագիտական հեղինակությունը լրջորեն տուժեց, և ամերիկյան ռադիոկայանները սկսեցին հանել նրանց երգերը իրենց երգացանկերից՝ ստիպելով խմբին ավելի շատ եվրոպական համերգներ կազմակերպել[14]։
1960 թվականին գլխավոր վոկալիստ Ուիլյամսը լքեց խումբը՝ սոլո կարիերա սկսելու նպատակով, նրան փոխարինեց տենոր Սոնի Թըրները։ «Mercury»-ն հրաժարվեց թողարկել նոր երգեր՝ առանց Ուիլյամսի վոկալի, ինչը հանգեցրեց դատական հայցի Ռամի և ձայնագրման ընկերության միջև։ Արդյունքում ընկերությունը երկու տարի շարունակ թողարկում էր Ուիլյամսի մասնակցությամբ հին երգեր՝ մինչև խմբի պայմանագրի ավարտը։
Խմբի կազմը հետագայում էլ ավելի մասնատվեց. 1964 թվականին Թեյլորը հեռացավ, նրան փոխարինեցին Բևերլի Հանսեն Հարիսը, Բարբարա Ռենդոլֆը, և 1965 թվականին՝ Սանդրա Դաունը[15][16]։ 1965-ին Ռոբին նույնպես լքեց խումբը, նրան փոխարինեց Նեյթ Նելսոնը՝ նախկինում «The Flamingos»-ի գլխավոր վոկալիստը։ 1967 թվականին բարիտոն Բոբ Ուայթը հանդես եկավ խմբի հետ՝ մինչև 1971 թվականը։
Այս մասնատումը հանգեցրեց «The Platters» անվան շուրջ վեճերի, դատական հայցերի և մի քանի տարբեր խմբերի միաժամանակյա ելույթների։ Ուիլյամսը, Ռոբին և Թեյլորը ստեղծեցին իրենց խմբերը, իսկ որոշ ժամանակ Թեյլորը, Ռոբին և Լինչը միացան՝ ելույթ ունենալով որպես «The Original Platters»՝ Ուիլյամսի կրկնօրինակ Ջոնի Բարնսի գլխավորությամբ։
Իր խումբը տարբերակելու համար Ռամը խումբը վերանվանեց՝ ավելացնելով իր անունը։ «The Buck Ram Platters»-ը, որը նպատակ ուներ ներկայացնել Ռամի երգերը, պայմանագիր կնքեց «Musicor Records»-ի հետ և ունեցավ կարճատև հաջողություն 1966- 1967 թվականներին՝ «I Love You 1000 Times», «With This Ring» և «Washed Ashore» երգերով։ Այս երգերում գլխավոր վոկալիստն էր Սոնի Թըրները, իսկ Ռիդը, Լինչը, Նելսոնը և Դաունը լրացնում էին խումբը[17]։ Նելսոնը հեռացավ 1967 թվականին։ Դաունը, ով հեռացավ 1969 թվականին, փոխարինվեց Ռեջինա Կոկոյով, ով խմբի հետ մնաց մինչև 1983 թվականը[17]։
1969 թվականին Ռիդը, խմբի վերջին հիմնական անդամը, լքեց խումբը՝ ստեղծելով իր խումբը՝ «Herb Reed and Sweet River» անվամբ։ Նրա խմբի լուծարումից հետո Ռիդն սկսեց ելույթ ունենալ որպես «Herb Reed and The Platters»։ Նելսոնը նույնպես հանդես եկավ այս խմբի հետ՝ մինչև 1984 թվականին մահանալը՝ սրտի կաթվածից։
Ռիդի հեռանալուց հետո Ռամը անօրինական կերպով շարունակեց գովազդել իր խումբը[18]։ Թըրները լքեց խումբը 1970 թվականին, նրան փոխարինեց Մոնրո Փաուելը, ով խմբում մնաց մինչև 1995 թվականը՝ մի շարք այլ կազմի փոփոխությունների ընթացքում[19]։ Տոնի Ուիլյամսը 1971 թվականին ստեղծեց իր խումբը՝ «The Platters» անունով, և հայտարարեց համաշխարհային շրջագայություն։ 1995 թվականին Փաուելի և մենեջեր Ժան Բենեթի միջև վեճ առաջացավ, ինչի հետևանքով նրանք բաժանվեցին։ Այդ պահին խմբի կազմը տատանվում էր, իսկ Քեն Ջոնսոնը մնում էր խմբի միակ անդամը։ Փաուելն ու Ջոնսոնը շարունակեցին շրջագայությունները «The Platters» անվամբ, մինչդեռ Բենեթը վարձեց հինգ նոր երգիչների՝ ստեղծելով «The Buck Ram Platters» խումբը[20]։
Չնայած Ռամի և Բենեթի պնդումներին՝ հետագայում պարզվեց, որ «Five Platters Inc.»-ը և Ժան Բենեթը չունեին «The Platters» անվան օրինական իրավունքները[21][22]։
Իրավական մարտեր
[խմբագրել | խմբագրել կոդը]The Platters խմբի անվան շուրջ բազմաթիվ իրավական վեճեր ծագեցին տարիների ընթացքում: Խմբի դասական երգացանկը լսելու ցանկություն ունեցողները հնարավորություն ունեին ընտրելու մի քանի խմբերից, որոնցից շատերը ներկայացվում էին որպես օրինական, վիճարկվող կամ փոխարինող կազմեր: Դրանց թվում էին Սոնի Թերների, Զոլա Թեյլորի, Ռիչի Ջոնսի (մասնակից 1984–85), Միլթոն Բուլոքի (մասնակից 1967–70), Փոլ Ռոբիի (նրա կնոջ ղեկավարությամբ), Ժան Բենետի «Բաք Ռեմ Պլատերսը», Մոնրո Փաուելի, Հերբ Ռիդի և մի շարք այլ խմբեր, որոնք ոչ մի կապ չունեին բնօրինակ խմբի հետ: Շատ խմբեր ունեցել էին նախկին անդամներ, ովքեր արդեն կա՛մ թոշակի էին անցել, կա՛մ մահացել էին:
Մոնրո Փաուելը, ով շրջագայում էր The Plattersi-ի անվան տակ, դատի էր տրվել Ժան Բենետի կողմից՝ աշխատանքի պայմանագրի խախտման համար: Նրանց միջև համաձայնություն ձեռք բերվեց, ըստ որի՝ Փաուելը կարող էր հանդես գալ միայն «The Platters՝ Մոնրո Փաուելի մասնակցությամբ» անվան տակ[23]։ 1994 թվականին Բենետը խարդախորեն օգտագործեց խմբի անունը` Լաս Վեգասի Սահարա կազինոյում ներկայացման համար, որը շարունակվեց 15 տարի:
1989 թվականի փետրվարի 1-ին՝ իր կյանքը քաղցկեղից կորցնելուց անմիջապես առաջ, Փոլ Ռոբին հաղթեց երկարատև դատական գործը և ձեռք բերեց խմբի անվան օգտագործման իրավունքները։ Սակայն 1997 թվականին այդ իրավունքները զրկվեցին Ռոբիի կնոջից, և նրան պարտադրվեց ոչնչացնել The Platters- ի բոլոր գովազդային նյութերը: Հեղինակային բացառիկ իրավունքները տրվեցին Հերբ Ռիդին։ 1999, 2002 և 2004 թվականների մի շարք վճիռներով «The Five Platters, Inc.»-ը և Ժան Բենետը ստացան խմբի անվան ընդհանուր իրավունքը: 2002 թվականի գործը իրավաբանորեն չեղարկեց Ռիդի բացառիկ իրավունքները և վերադարձրեց դրանք «Five Platters, Inc.»-ին և Բենետին:
2006 թվականի հունվարին Լաս Վեգասում հիմնված «G.E.M. Group, Inc.»-ը պայմանագիր ներկայացրեց Բենետին՝ The Platters խմբի երգերը գնելու համար։ «G.E.M.»-ը փորձեց վերցնել Բենետի առանձին «Personality Productions, Inc.» ընկերության փաստաթղթերը և հեռախոսահամարները։ Տեղի ունեցավ վեճ, որը բերեց դատական գործընթացի, սակայն գործը մերժվեց «G.E.M.»-ի կողմից անհապաղ գործողությունների բացակայության պատճառով։ Հունիսին «G.E.M.»-ը պայմանագիր կնքեց Սոնի Թըրների հետ, ով եղել էր խմբի մենակատար 1960-1970 թվականներին։ Թըրները 1972 թվականից ի վեր չէր կարողանում օգտագործել Platters անվանումը՝ իրավական արգելքի պատճառով, սակայն հետագայում նա ևս դատի տվեց «G.E.M.»-ին:
2007 թվականին Հերբ Ռիդը մեկնաբանեց խմբի անվան օգտագործման վեճերը. «Ես ստիպված ծիծաղում եմ, որովհետև հարցնում եք, թե ինչ եմ ես զգում սրա վերաբերյալ․ ես զայրացած եմ, ես կատաղած եմ։ … Ես կորցրել եմ տարեկան 25 շաբաթ աշխատանք»։
Հերբ Ռիդը մահացավ 2012 թվականի հունիսին՝ 83 տարեկանում։ Նա խմբի միակ անդամն էր, ով մասնակցել էր խմբի բոլոր բնօրինակ ձայնագրություններին մինչև 1969 թվականը։ Սոնի Թըրները, ով փոխարինել էր Թոնի Ուիլյամսին 1959 թվականի վերջում, մահացավ 2022 թվականի հունվարի 13-ին[24]։
2011 թվականին Հերբ Ռիդը և իր ընկերությունները դատական վճիռներ ունեցան, որոնք հաստատում էին նրա գերակայությունը խմբի անվան նկատմամբ՝ ներառյալ «Five Platters Inc.»-ն և Ժան Բենետը[25]։ 2014 թվականի մարտին Ռիդի ընկերությունները հաղթեցին ևս մեկ գործ Լարի Մարշակի և նրա ընկերությունների դեմ, որոնք պնդում էին, թե իրավունքներ են ստացել «FPI»-ից և/կամ Թոնի Ուիլյամսից[26]։ Ապրիլին Ռիդի ընկերությունները ևս մեկ դատական գործ շահեցին «World Famous Platters» խմբի դեմ՝ նրանց պարտադրելով իրենց ներկայացնել որպես «Հարգանքի տուրք Պլատերսին» կամ «Ողջույն Պլատերսին»[27]։
2014 թվականի հունիսին Ռիդի ընկերությունները ևս մեկ դատական հաղթանակ տարան Մոնրո Փաուելի դեմ՝ ապրանքային նշանի խախտման համար։ Նևադայի շրջանային դատարանը Ռիդին պարգևատրեց ավելի քան 59,000 դոլար վնասի հատուցմամբ և մշտական արգելքով, որը պարտադրում էր Փաուելին օգտագործել «հարգանքի տուրք» կամ «ողջույն» արտահայտությունները Platters անվան կողքին։
2016 թվականին «Herb Reed Enterprises» ՍՊԸ-ն ստացավ ապրանքային նշան «Platters» անվան բացառիկ օգտագործման համար։ Ռիդի ժառանգությունը պահպանվում է Ֆրեդերիկ Ջ․ Բալբոնի կրտսերի կողմից՝ Ռիդի մենեջերի և «Herb Reed Enterprises» ՍՊԸ-ի սեփականատիրոջ կողմից։
Անձնակազմ
[խմբագրել | խմբագրել կոդը]
Հիմնական կազմ (1952-1953)[խմբագրել | խմբագրել կոդը]
|
Հակադիր կազմ (1953-1954)[խմբագրել | խմբագրել կոդը]
|
«Mercury»-իի անդամներ (1955-1959)[խմբագրել | խմբագրել կոդը]
|
«Mercury»՝ կազմ (1959-1965)
[խմբագրել | խմբագրել կոդը]- Սոնի Թըրներ՝ գլխավոր երգիչ
- Հերբ Ռիդ
- Փոլ Ռոբի
- Զոլա Թեյլոր
- Դեյվիդ Լինչ
- Բարբարա Ռենդոլֆ
Երաժշտական կազմ (1966-1970)
[խմբագրել | խմբագրել կոդը]- Սոնի Թըրներ՝ գլխավոր երգիչ
- Հերբ Ռիդ
- Փոլ Ռոբի
- Դեյվիդ Լինչ
- Նեյթ Նելսոն
- Սանդրա Դաուն
- Բոբ Ուայթ
Գլխավոր կազմ
[խմբագրել | խմբագրել կոդը]2023
- Լենս Բերնարդ Բրայանտ
- Ջովիան Ֆորդ
- Քենդիս Սի. Քալքլեշըր
- Օմար Ռոս
2024 թվականին Քենդիս Սի Քալքլեշըրը փոխարինվեց Բրիթնի Նիքոլ Բելամիով[28]:
Սկավառակագիտություն
[խմբագրել | խմբագրել կոդը]| Վերնագիր | Տարի | Հիթ չարթեր | Ալբոմ | ||||
|---|---|---|---|---|---|---|---|
| ԱՄՆ | BEL | BEL | NL | ՄեծԲրիտանիա | |||
| "Hey Now"
b/w "Give Thanks" |
Հունվար,1953 | — | — | — | — | — | The Platters (Federal LP) |
| "Voo-Vee-Ah-Bee"
b/w "Shake It Up Mambo" |
Նոյեմբեր,1954 | — | — | — | — | — | |
| "Maggie Doesn't Work Here Anymore
b/w "Take Me Back, Take Me Back" |
Հունվար,1955 | — | — | — | — | — | |
| "Only You (And You Alone)"
b/w "Bark, Battle and Ball" (non-album track) |
Հուլիս,1955 | 5 | 4 | 5 | — | 5 | Encore of Golden Hits |
| "The Great Pretender"
b/w "I'm Just a Dancing Partner" (non-album track) |
Նոյեմբեր, 1955 | 1 | 5 | 3 | 1 | 5 | |
| "I Need You All the Time
b/w "Tell the World" |
Դեկտեմբեր, 1955 | — | — | — | — | — | The Platters (Federal LP) |
| "(You've Got) The Magic Touch"
b/w "Winner Take All" (non-album track) |
Փետրվար,1956 | 4 | — | — | — | — | Encore of Golden Hits |
| "My Prayer" | Հունիս, 1956 | 1 | 10 | 18 | — | 4 | The Platters (Mercury LP) |
| "Heaven on Earth" | 39 | — | — | — | — | ||
| "You'll Never Never Know" | Օգոստոս,1956 | 11 | — | — | — | 23 | Non-album singles |
| "It Isn't Right" | 13 | — | — | — | 23 | ||
| "On My Word of Honor" | Նոյեմբեր,1956 | 27 | — | — | — | — | The Platters (Mercury LP) |
| "One in a Million" | 31 | — | — | — | — | Encore of Golden Hits | |
| "I'm Sorry" | Փետրվար, 1957 | 11 | 3 | 7 | — | 18 | The Platters (Mercury LP) |
| "He's Mine" | 16 | — | — | — | — | Non-album single | |
| "My Dream"
b/w "I Wanna" (from The Platters (Mercury LP)) |
24 | — | — | — | — | Encore of Golden Hits | |
| "Only Because"
b/w "The Mystery of You" (non-album track) |
Օգոստոս, 1957 | 65 | 12 | 24 | — | — | The Flying Platters |
| "Helpless"
b/w "Indiff'rent" |
Դեկտեմբեր, 1957 | 56 | — | — | — | — | Non-album single |
| "Twilight Time"
b/w "Out of My Mind" (non-album track) |
Ապրիլ, 1958 | 1 | 20 | — | — | 3 | The Flying Platters Around the World |
| "You're Making a Mistake"
b/w "My Old Flame" (from The Flying Platters Around the World) |
Հունիս, 1958 | 51 | — | — | — | — | Non-album single |
| "I Wish" | Սեպտեմբեր, 1958 | 42 | — | — | — | — | More Encore of Golden Hits |
| "It's Raining Outside" | 93 | — | — | — | — | The Flying Platters Around the World | |
| "Smoke Gets in Your Eyes"
b/w "No Matter What You Are" (non-album track) |
Հոկտեմբեր, 1958 | 1 | 5 | 8 | 4 | 1 | Remember When? |
| "Enchanted"
b/w "The Sound and the Fury" (from More Encore of Golden Hits) |
Փետրվար, 1959 | 12 | — | — | — | — | Encore of Golden Hits |
| "Remember When"
b/w "Love of a Lifetime" (non-album track) |
Մայիս, 1959 | 41 | 10 | 23 | — | 25 | Remember When? |
| "Where" | Սեպտեմբեր,1959 | 44 | — | — | — | — | More Encore of Golden Hits |
| "Wish It Were Me" | 61 | — | — | — | — | ||
| "Harbor Lights" | Հունվար, 1960 | 8 | — | — | — | 11 | Reflections |
| "Sleepy Lagoon" | 65 | 18 | 45 | — | — | ||
| "Ebb Tide" | Մայիս,1960 | 56 | — | — | — | — | |
| "(I'll Be with You) In Apple Blossom Time" | 102 | — | — | — | — | Life Is Just a Bowl Of Cherries | |
| "Red Sails in the Sunset"
b/w "Sad River" |
Օգոստոս, 1960 | 36 | — | — | — | — | Reflections |
| "To Each His Own"
b/w "Down the River of Golden Dreams" (from Reflections) |
Հոկտեմբեր, 1960 | 21 | — | — | — | — | More Encore of Golden Hits |
| "If I Didn't Care"
b/w "True Lover" (from Song for the Lonely) |
Հունվար, 1961 | 30 | — | — | — | — | Remember When? |
| "Trees"
b/w "Immortal Love" (from Song for the Lonely) |
1961 | 62 | — | — | — | — | Life Is Just a Bowl of Cherries |
| "I'll Never Smile Again"
b/w "You Don't Say" (non-album track) |
Հուլիս, 1961 | 25 | — | — | — | — | Remember When? |
| "You'll Never Know" | Դեկտեմբեր, 1961 | 109 | — | — | — | — | Song for the Lonely |
| "Song for the Lonely" | Նոյեմբեր, 1961 | 115 | — | — | — | — | |
| "It's Magic"
b/w "Reaching for a Star" |
Հունվար, 1962 | 91 | — | — | — | — | |
| "More Than You Know"
"b/w"Every Little Movement (Has Meaning All Its Own)" |
Մայիս, 1962 | — | — | — | — | — | Encore of Golden Broadway Hits |
| "Heartbreak"
b/w "Memories" (from The Platters Sing of Your Moonlight Memories) |
Նոյեմբեր, 1962 | — | — | — | — | — | Non-album single |
| "Once In A While"
"b/w"I'll See You in My Dreams" |
Մարտ, 1963 | — | — | — | — | — | The Platters Sing of Your Moonlight Memories |
| "Here Comes Heaven Again"
b/w "Strangers" |
Հունիս, 1963 | — | — | — | — | — | Non-album single |
| "P.S. I Love You"
"b/w"Sincerely" |
Հունիս,1964 | — | — | — | — | — | Encore of Golden Hits of the Groups |
| "I Love You 1,000 Times"
b/w "Hear No Evil, Speak No Evil, See No Evil" (from Double Gold: The Best of The Platters) |
Ապրիլ, 1966 | 31 | — | — | — | — | I Love You 1,000 Times |
| "Devri"
b/w "Alone in the Night (Without You)" |
Սեպտեմբեր, 1966 | 11 | — | — | — | — | The Platters Have The Magic Touch |
| "I'll Be Home"
b/w "(You've Got) The Magic Touch" (from The Platters Have the Magic Touch) |
Նոյեմբեր, 1966 | 97 | — | — | — | — | I Love You 1,000 Times |
| "With This Ring"
b/w "If I Had a Love" (from I Love You 1,000 Times) |
Փետրվար, 1967 | 14 | — | — | — | — | Going Back to Detroit |
| "Washed Ashore"
b/w "What Name Shall I Give You My Love" (early copies) "One in a Million" (later copies) (Both B-sides from The Platters Have the Magic Touch) |
Հունիս, 1967 | 56 | — | — | — | — | New Golden Hits |
| "Sweet, Sweet Lovin'"
b/w "Sonata" |
Հոկտեմբեր, 1967 | 70 | — | — | — | — | Sweet, Sweet Lovin' |
| "Love Must Go On"
b/w "How Beautiful Our Love Is" (from Sweet, Sweet Lovin') |
Դեկտեմբեր, 1967 | — | — | — | — | — | Going Back to Detroit |
| "Think Before You Walk Away"
b/w "So Many Tears" |
Փետրվար, 1968 | — | — | — | — | — | I Get the Sweetest Feeling |
| "Hard to Get a Thing Called Love"
b/w "Why" |
Օգոստոս, 1968 | 125 | — | — | — | — | |
| "Fear of Losing You"
b/w "Sonata" |
Դեկտեմբեր, 1968 | — | — | — | — | — | |
Ծանոթագրություններ
[խմբագրել | խմբագրել կոդը]- ↑ «The Platters». Rock & Roll Hall of Fame. Վերցված է August 26, 2014-ին.
- ↑ The Platters biography & discography by Marv Goldberg. Uncamarvy.com, Retrieved 4 April 2019
- ↑ «Herb Reed of vocal group The Platters dead at 83». Reuters. June 5, 2012. Վերցված է June 5, 2012-ին.
- ↑ 4,0 4,1 4,2 4,3 Gilliland, John (1969). «Show 5 - Hail, Hail, Rock 'n' Roll: The rock revolution gets underway. [Part 1]» (audio). Pop Chronicles. Digital.library.unt.edu.
- ↑ «The Platters Biography». hotshotdigital.com. Վերցված է April 23, 2012-ին.
- ↑ «The Platters - Inductees - The Vocal Group Hall of Fame Foundation». Vocalgroup.org. Արխիվացված է օրիգինալից March 7, 2012-ին. Վերցված է March 26, 2012-ին.
- ↑ DVD release, 2007
- ↑ 8,0 8,1 Gilliland, John (1969). «Show 14 - Big Rock Candy Mountain: Rock 'n' roll in the late fifties. [Part 4]: UNT Digital Library» (audio). Pop Chronicles. Digital.library.unt.edu.
- ↑ «Herb Reed Enterprises, LLC v. Florida Entertainment Management, Inc., et al». Վերցված է August 26, 2014-ին. U.S. Dist. Nev. Case No. 2:12-cv-00560-MMD–GWF, Docket No. 43, July 24, 2012
{{cite web}}: CS1 սպաս․ postscript (link) - ↑ Kent, David (1993). Australian Chart Book 1970–1992 (illustrated ed.). St Ives, N.S.W.: Australian Chart Book. էջ 234. ISBN 0-646-11917-6.
- ↑ Peter A. Grendysa, Four Platters And One Lovely Dish, p. 10.
- ↑ Jean L. Bennett
- ↑ Zola Taylor (May 1, 2007). «Zola Taylor of The Platters dies at 69». USA Today. Վերցված է November 12, 2012-ին.
- ↑ Zola Taylor. «Obituary». The Independent. London. Արխիվացված է օրիգինալից March 10, 2009-ին. Վերցված է November 12, 2012-ին.
- ↑ «Marv Goldberg's R&B Notebooks - PLATTERS». Uncamarvy.com. Վերցված է November 12, 2012-ին.
- ↑ «Paul Robi, 57; Original Singer With Platters». Los Angeles Times.
- ↑ 17,0 17,1 «The Platters Information Site». Celebrity Direct Entertainment. Վերցված է November 12, 2012-ին.
- ↑ «Herb Reed Enters Inc, v. Monroe Powell Platters LLC». Case Text. Վերցված է August 25, 2014-ին.
- ↑ Billboard, April 17, 1971
- ↑ «The Buck Ram Platters 2004». Արխիվացված է օրիգինալից May 29, 2004-ին.
- ↑ «Truth in Music». www.vocalgroup.org. Արխիվացված է օրիգինալից April 8, 2008-ին. Վերցված է August 25, 2014-ին.
- ↑ «Herb Reed v. FPI et al». justia.com. Արխիվացված է օրիգինալից January 27, 2022-ին. Վերցված է August 25, 2014-ին.
- ↑ «Herb Reed Enterprises, Inc. et al v. Monroe Powell's Platters, LLC et al». Justia. Վերցված է August 26, 2014-ին. U.S. Dist. Nev. Case No. 2:11-cv-02010-PMP–RJJ, Docket No. 26, February 1, 2012,
{{cite web}}: CS1 սպաս․ postscript (link) - ↑ «The Platters». February 26, 2000. Արխիվացված է օրիգինալից 2000-02-26-ին. Վերցված է October 4, 2021-ին.
- ↑ «Herb Reed Enterprises, Inc. et al v. Bennett et al». Justia Dockets & Filings. Վերցված է September 30, 2014-ին.
- ↑ «ORDER Granting 99 Plaintiff Herb Reed Enterprises, LLC's Motion for Summary Judgment for Herb Reed Enterprises, LLC v. Florida Entertainment Management, Inc. et al :: Justia Dockets & Filings». Justia Dockets & Filings. Վերցված է September 30, 2014-ին.
- ↑ «ORDER granting 47 Motion for Default Judgment for Herb Reed Enterprises, LLC v. The World Famous Platters Road Shows I LLC et al :: Justia Dockets & Filings». Justia Dockets & Filings. Վերցված է September 30, 2014-ին.
- ↑ https://theplatters.com/
- ↑ «The Platters Chart History - Hot 100». Billboard. Վերցված է April 10, 2020-ին.
- ↑ «Discographie The Platters». Ultratop Vlaanderen (Dutch). Hung Medien. Վերցված է April 10, 2020-ին.
{{cite web}}: CS1 սպաս․ չճանաչված լեզու (link) - ↑ «Discographie The Platters». Ultratop Wallonie (French). Hung Medien. Վերցված է April 10, 2020-ին.
{{cite web}}: CS1 սպաս․ չճանաչված լեզու (link) - ↑ «Discografie The Platters». Dutch Charts (Dutch). Hung Medien. Վերցված է April 10, 2020-ին.
{{cite web}}: CS1 սպաս․ չճանաչված լեզու (link) - ↑ «Platters». Official Charts. Official Charts Company. Վերցված է April 10, 2020-ին.
Արտաքին հղումներ
[խմբագրել | խմբագրել կոդը]- The Platters US Singles Discography
- The Platters US Albums Discography
- The Platters Information Site
- Herb Reed and The Platters web site
- Sonny Turner, Legendary Former Lead Singer of the Platters
- List of hundreds of singers who have appeared with the various Platters groups Արխիվացված Օգոստոս 22, 2019 Wayback Machine
- "The Platters" Vocal Group Hall of Fame Page
- The Platters - by Dr. Frank Hoffmann
- The Platters - Biography
- History of Rock - The Platters
- The Platters Internet Movie Database կայքում
 | Վիքիպահեստն ունի նյութեր, որոնք վերաբերում են «The Platters» հոդվածին։ |
| ||||||||||||||||||||||||
