The Jimi Hendrix Experience

Վիքիպեդիայից՝ ազատ հանրագիտարանից
The Jimi Hendrix Experience
ժանր
տարիներ1966–1969, 1970[6]
երկիրՄԹ/ԱՄՆ
քաղաքԼոնդոն
երգի լեզուանգլերեն
լեյբլ
  • Track (Միացյալ Թագավորություն)
  • Reprise (Հյուսիսային Ամերիկա)
  • Barclay (Ֆրանսիա)
  • Polydor (այլ երկրներ)
  • MCA
նախկին
մասնակիցներ
պարգևներՌոքնռոլի փառքի սրահ
jimihendrix.com
 The Jimi Hendrix Experience Վիքիպահեստում

The Jimi Hendrix Experience, բրիտանաամերիկյան ռոք խումբ, որը ստեղծվել է 1966 թվականի սեպտեմբերին Լոնդոնում։ Խմբի կազմի մեջ էին երգիչ, երգերի հեղինակ և կիթառահար Ջիմի Հենդրիքսը, թմբկահար Միթչ Միթչելը և բասիստ Նոել Ռեդինգը։ The Jimi Hendrix Experience խումբը գոյություն է ունեցել մինչև 1969 թվականի հունիս։ Այդ ժամանակի ընթացքում նրանք թողարկել են 3 ստուդիական ալբոմ և դարձել ռոք երաժշտության ամենահայտնի իրադարձություններից մեկը։

Նրանք մեծ դեր են ունեցել հարդ ռոքի և փսիխոդելիկ ռոքի մասսայականացման մեջ[7]։ The Experience-ը շատ հայտնի էր խմբի ֆրոնտմեն Ջիմի Հենդրիքսի խարիզմայի, հմտությունների և ոճի շնորհիվ[8]։ Խմբի բոլոր երեք ալբոմները՝ Are You Experienced-ը (1967), Axis: Bold as Love-ը (1967) և Electric Ladyland-ը (1968) ընդգրկվել են Rolling Stone ամսագրի «Բոլոր ժամանակների 500 մեծագույն ալբոմներ» ցանկում՝ 15-րդ, 82-րդ և 54-րդ հորիզոնականներին համապատասխանաբար։ 1992 թվականին The Jimi Hendrix Experience-ը ավելացվել է Ռոքնռոլի փառքի սրահ։

1969 թվականի հունիսին The Experience-ի փլուզումից հետո, Հենդրիքսը փորձարկում էր տարբեր խմբերի կազմերի հետ։ Սակայն 1970 թվականի ապրիլին նա ևս մեկ անգամ միացել է Միթչելի և բասիստ Բիլի Քոքսի հետ։ Տրիոն սկսել է իր Cry of Love շրջագայությունը։ Չունենալով նոր անվանում խմբի համար, տրիոն հաճախ գովազդվում էր որպես «Jimi Hendrix Experience»։ Անվանումն երբեք պաշտոնապես չի ձևակերպվել, սակայն մի քանի անգամ հայտնվել է խմբի ձայնագրությունների մեջ, որոնք թողարկվել են առանց Ռեդինգի մասնակցության[9]։

Պատմություն[խմբագրել | խմբագրել կոդը]

Ջիմի Հենդրիքսը ժամանել է Անգլիա 1966 թվականի սեպտեմբերի 24-ին[10] և իր նոր մենեջեր և Animals խմբի հիմնադիր և բասիստ Չես Չենդլերի, բասիստ Նոել Ռեդինգի և թմբկահար Միթչ Միթչելի հետ ստեղծել է վերադաշնակող խումբ[11]։ Միթչելը փորձառու թմբկահար էր Լոնդոնից, ով նախկինում եղել է Georgie Fame and the Blue Flames խմբի կազմում։ Հենդրիքսն ընտրել է Ռեդինգին երաժշտության հանդեպ իր վերաբերմունքի և սանրվածքի համար։ Ռեդինգը մինչ այդ կիթառ էր նվագում, սակայն խմբում սկսել է բաս կիթառ նվագել։ «The Jimi Hendrix Experience» անվանումը մտածել է խմբի բիզնես մենեջեր Մայքլ Ջեֆերին[12]։ «The Jimi Hendrix Experience»-ի առաջին պաշտոնական հայտնումը տեղի է ունեցել 1966 թվականի հոկտեմբերի 13-ին Ֆրանսիայի Էվրե քաղաքում։ Վեց օր անց խումբը նվագել է իր առաջին բրիտանակն համերգը Scotch of St James-ում կայացած փակ ցուցահանդեսի ժամանակ։

Սկզբում Հենդրիքսի համար որպես վերդաշնակող խումբ ստեղծված The Experience-ը հռչակի և քննադատների կողմից բարձր գնահատականների է արժանացել։ Հետևելով Cream խմբի օրինակին, The Jimi Hendrix Experience առաջին խմբերից էր, որոնք մասսայականացրել են «power trio» ձևաչափը, որը սահմանափակում էր ռոք խմբերի կազմը կիթառով, բասով և հարվածայիններով[13]։ Հենդրիքսը զուգակցում էր հիմնական և ռիթմ կիթառների ոճերը[14][15], օգտագործելով fuzz և wah-wah պեդալները տոնը փոխելու համար։ Միթչելն երբեմն օգտագործում էր ջազային գրուվներ, այն ժամանակ, երբ Ռեդինգը նվագում էր հասարակ բասային գծեր, որոնք օգնում էին ամրապնդել խմբի ձայնը։

Խմբի լուսանկարը 1969 թվականին

Խումբը փսիխոդելիկ հագուստների և սանրվածքների թրենդ է առաջացրել։ Նրանց վաղ ելույթները, ինչպիսին է օրինակ The Bag O'Nails-ը Լոնդոնում, հաճախվում էին անգլիական ռոք բեմի ամենախոշոր աստղերի կողմից, ներառյալ The Beatles, The Rolling Stones խմբի անդամներին և կիթառահարներ Ջեֆ Բեքին և Էրիկ Կլեպտոնին։ The Who խմբի անդամ Փիթ Թաունսենդը խոստովանել է․ «Ջիմին փոխել է էլեկտրակիթառի ամբողջ ձայնը և տակնուվրա արել ռոքի աշխարհը»։ Կլեպտոնը համաձայնվել է․ «Այն բանից հետո, երբ ես Փիթ Թաունսենդի հետ որոշել եմ տեսնել, թե ինչպես է նա նվագում, ես մտածել եմ, որ վերջ՝ մեր համար խաղն ավարտված է»[16]։

Խումբը հայտնի է դարձել ԱՄՆ-ում 1967 թվականի Monterey Pop փառատոնից հետո[17], որն առաջին խոշորագույն ռոք երաժշտական փառատոններից էր[11]։ Ելույթն ավարտվել է այն բանով, որ Հենդրիքսը այրել է իր փսիխոդելիկ ներկված Fender Stratocaster-ը[12]։ Փառատոնից հետո նրանք գաստրոլներով հանդես են եկել The Monkees-ի հետ, սակայն լքել են շրջագայությունը լսարանի ռեակցիայի բացակայության պատճառով[12]։

«Are You Experienced» ալբոմի ամերիկյան տարբերակի շապիկը

Experience-ի հետ Հենդրիքսը ձայնագրել է մի շարք հիթ սինգլներ, ինչպիսիք են «Hey Joe», «Purple Haze»[17], «The Wind Cries Mary», «Burning of the Midnight Lamp» և «All Along the Watchtower» երգերը, և երեք հաջող ալբոմներ՝ «Are You Experienced», «Axis: Bold as Love» և «Electric Ladyland»։ 1969 թվականի ապրիլին, սակայն, Հենդրիքսի և Ռեդինգի հարաբերությունների վատացումը հասել է իր գագաթնակետին, և Հենդրիքսը զգացել է, որ տրիոյի ձևաչափը դանդաղեցնում է իր կարիերայի զարգացումը[18]։

Սկզբնական կազմով խումբը հանդես է եկել բավականին երկար, որպեսզի կատարի բոլոր պարտականությունները, որոնցից վերջինը 1969 թվականի հունիսի 29-ի Denver Pop փառատոնն էր։ Իմանալով, որ Հենդրիքսը պլանավորում է լայնեցնել Experience-ի գիծը առանց նրա հետ խորհրդակցելու, Ռեդինգը լքել է խումբը և վերադարձել Անգլիա։

Հենդրիքսը և Միթչելը փորձարկել են մեծ նվագախմբի հետ, որը ներառում էր բասիստ Բիլի Քոքսին։ Երբեմն նրանց անվանում են գնչուական Արև և Ծիածան։ Նրանք ելույթ են ունեցել Վուդստոք փառատոնին 1969 թվականի օգոստոսին։ Նոյեմբերին, խումբը բաժանվել է և Հենդրիքսը վերադարձել է տրիոյի ձևաչափին Քոքսի և թմբկահար Բադի Մայլսի հետ։ «Band of Gypsys» ալբոմի ձայնագրումից և 1970 թվականի հունվարին ընդհատված ելույթից հետո Մայլսը հեռացվել է խմբից։ Մայքլ Ջեֆերին (հիմա Հենդրիքսի միակ մենեջերը) զանգել է Ռեդինգին ու Միթչելին և հայտնել Experience-ի վերաստեղծման մասին։ Երկուսն էլ համաձայնվել մասնակցել շրջագայությանը։ Հենդրիքսը պատրաստ էր տեսնել խմբի կազմում Միթչելին, բայց դեմ էր, որ Ռեդինգի վերադարձին։

1970 թվականի փետրվարի սկզբին Ջեֆերին հարցազրույց է տվել Rolling Stone ամսագրին, որպեսզի հայտնի խմբի վերադարձի մասին։ Հարցարզրույցը հրատարակվել է 1970 թվականի մարտի 19-ին Rolling Stone ամսագրում «J.H.: The End of a Beginning Մայիսիbe» վերնագրով։ Ռեդինգը մի քանի շաբաթ սպասում էր, որ նրան հայտնեն սպասվող շրջագայության համար փորձերի մասին, և երբ նա ի վերջո խոսել է Միթչելի ընկերուհու հետ, Նոելը իմացել է, որ նրան փոխարինել է Քոքսը։ Շրջագայության սկզբից մի քիչ հետո Հենդրիքսը անվանել է այն «The Cry of Love Tour»։ Խումբն էլ անվանվել է «Jimi Hendrix», իսկ երբեմն՝ «Jimi Hendrix Experience»։

Տրիոն ձայնագրվել և գաստրոլներով հանդես է եկել ԱՄՆ-ով 1970 թվականի ապրիլից մինչև օգոստոս։ Օգոստոսի վերջին սկսել է շրջագայության եվրոպական մասը, որի հեդլայնը եղել է Isle of Wight Festival 1970-ը։ 1970 թվականի սեպտեմբերի 18-ին՝ շրջագայության դադարի ժամանակ, Ջիմի Հենդրիքսը մահացել է[11]։ 1992 թվականին, նրա խումբը ընդգրկվել է Ռոքնռոլի փառքի սրահ[10]։ 2003 թվականի մայիսի 11-ի Ռեդինգը մահացած է գտնվել Իռլանդիայում՝ իր տանը[19]։ ԱՄՆ-ով իր շրջագայության ժամանակ Միթչ Միթչելը նույնպես մահացած է գտնվել 2008 թվականի նոյեմբերի 12-ին, Օրեգոնի Փորթլենդ քաղաքի Benson Hotel-ի իր սենյակում[20]։

Միչիգանի Ֆլինտ քաղաքում Industrial Mutual Association Auditorium համերգի պաստառը

Ժառանգություն[խմբագրել | խմբագրել կոդը]

Նրանք մեծ դեր են ունեցել հարդ ռոքի և փսիխոդելիկ ռոքի մասսայականացման մեջ[7]։ The Experience-ը շատ հայտնի էր խմբի ֆրոնտմենի՝ Ջիմի Հենդրիքսի խարիզմայի, հմտությունների և ոճի շնորհիվ։ Խմբի բոլոր երեք ալբոմները՝ Are You Experienced-ը (1967), Axis։ Bold as Love-ը (1967) և Electric Ladyland-ը (1968) ընդգրկվել են Rolling Stone ամսագրի «Բոլոր ժամանակների 500 մեծագույն ալբոմներ» ցանկում՝ 15-րդ, 82-րդ և 54-րդ հորիզոնականներին համապատասխանաբար։ 1992 թվականին The Jimi Hendrix Experience-ը ընդգրկվել է Ռոքնռոլի փառքի սրահ։

Քննադատություն[խմբագրել | խմբագրել կոդը]

Երաժշտությունն, որը կատարում էր խումբը բոլորի համար չէր հասկանալի և մոտ։ Բրիտանիայում շատերը չէին ընդունում խմբի արտաքին տեսքը։ Քննադատությունը կարող էր լինել և նրանց կողմից, ովքեր չէին ընդունում ընդհանրապես ռոք երաժշտությունը, այլ նաև նրանց կողմից, ովքեր լսում էին ավելի «դասական» ռոքնռոլ։ Այսպես Ջոն Դիքինը գրել է «New Musical Express» հրատարակությանը (1967 թվականի մայիս)՝

Աստված իմ, ինչպե՞ս է Ջիմի Հենդրիքսի «Purple Haze»-ը հայտնվել վարկանիշի աղյուսակներում։ Հենդրիքսը և նրա խումբը վիրավորանք են ռոք երաժշտության համար, և ինչքան ավելի շուտ հասկանան նրանք, ովքեր սկավառկաներ են գնում, այդքան ավելի լավ կլինի։ Նրա ձայնագրությունները ընդամենը աղմուկ են, որոնք երաժշտական արժեք չեն ներկայացնում։

Քննադատության էին ենթարկվում ինչպես խմբի արտաքին տեսքը, այդպես էլ Հենդրիքսի պահվածքը բեմի վրա։ Այսպես Ջինջեր Բեյքերը ասյպիսի գնահատակ է տվել՝

Ես տեսել եմ, որ Ջիմին ականավոր կիթառահար էր, դրա հետ անհնար է չհամաձայնվել։ Բայց երբ նա սկսում էր իր այդ բաները՝ ընկնում էր ծնկերի վրա, նվագում ատամներով․․․ դա ինձ միայն ջղայնացնում էր[21]։

Խմբի երաժշտությունը քննադատում էին նաև սևամորթ ամերիկացիներն, որոնք կարծում էին, որ Հենդրիքսն աղավաղում է նրանց երաժշտությունը։

Հետաքրքիր փաստեր[խմբագրել | խմբագրել կոդը]

  • Առաջին փորձից հետո Հենդրիքսը և Ռեդինգը խոսում էին երաժշտության մասին, ընդ որում Հենդրիքսը հարցնում էր Ռեդինգին անգլիացի կատարողների մասին, իսկ Ռեդինգը Հենդրիքսին՝ ամերիկացի։
  • Երբ Հենդրիքսը չէր կարողացել ընտրություն կատարել Միթչ Միթչելի և Էյնսլի Դանբերի մեջ, Չես Չենդլերն առաջարկել է մետաղադրամ նետել։
  • Քիթ Լամբերտն, ում հետ նոր ստեղծված խումբը պլանավորել է պայմանագիր կնքել, այնքան էր տպավորված, տեսնելով թե ոնց է նվագում Հենդրիքսը «Scotch Of St. James» լոնդոնյան ակումբում, որ գրել է Չենդլերի հետ պայմանագրի տեքստը գարեջրի համար պատվանդանի վրա։
  • Երբ The Experience-ը ելույթ էր ունեցել Լուլուի հեռուստաշոուում, որն ուղիղ եթերում էր ընթանում, Ջիմին համարներից մեկը նվիրել է Cream խմբին և նվագել է այդ կոմպոզիցիան մինչև հաղորդման ավարտը, և, այսպիսով, Լուլուի եզրափակող ելույթի համար ժամանակ չէր մնացել։ Պրոդյուսերը ջղայնանում էր, բայց չէր կարող բան անել[22]։

Անդամներ[խմբագրել | խմբագրել կոդը]

Սկավառակագրություն[խմբագրել | խմբագրել կոդը]

Ալբոմներ[խմբագրել | խմբագրել կոդը]

Ստուդիական ալբոմներ[խմբագրել | խմբագրել կոդը]

Տարեթիվ Ալբոմի մանրամասնություններ Ամենաբարձր հորիզոնականներ Հավաստագրումներ
US[26] UK[26][27] Այլ[28]
US թողարկում UK թողարկում
1967 Are You Experienced 5 2
  • Թողարկվել է՝ Օգոստոսի 23, 1967[31]
  • Լեյբլ՝ Reprise (RS 6261)
  • Թողարկվել է՝ Մայիսի 12, 1967
  • Լեյբլ՝ Track (612 001)
Axis: Bold as Love[32] 3 5
  • US։ Պլատինե[29]
  • UK։ Արծաթե[30]
  • Թողարկվել է՝ Հունվարի 15, 1968[33]
  • Լեյբլ՝ Reprise (RS 6281)
  • Թողարկվել է՝ Դեկտեմբերի 1, 1967
  • Լեյբլ՝ Track (613 003)
1968 Electric Ladyland[34] 1 6
  • US։ 2× Մուլտի Պլատինե[29]
  • UK։ Ոսկե[30]
  • Թողարկվել է՝ Հոկտեմբերի 16, 1968[35]
  • Լեյբլ՝ Reprise (2RS 6307)
  • Թողարկվել է՝ Հոկտեմբերի 25, 1968[36]
  • Լեյբլ՝ Track (613 008/9)

Կենդանի ալբոմներ[խմբագրել | խմբագրել կոդը]

Տարեթիվ Ալբոմի մանրամասնություններ Ամենաբարձր հորիզոնականներ Հավաստագրումներ
US[26] UK[26][27] Այլ[28]
US թողարկում UK թողարկում
1970 Band of Gypsys[37] 5 6
  • US։ 2× Մուլտի Պլատինե[29]
  • Թողարկվել է՝ Մարտի 25, 1970[38]
  • Լեյբլ՝ Capitol (STAO-472)
  • Թողարկվել է՝ Հունիսի 12, 1970
  • Լեյբլ՝ Track (2406 001)
[39] 1 35
  • US։ 2× Մուլտի Պլատինե[29]
  • Թողարկվել է՝ Մայիսի 27, 1970[40]
  • Լեյբլ՝ Cotillion (SD 3500)
  • Թողարկվել է՝ Հունիսի 1970
  • Լեյբլ՝ Atlantic (K60001)
[41] 16
  • Թողարկվել է՝ Օգոստոսի 26, 1970[42]
  • Լեյբլ՝ Reprise (MS 2029)
Չի թողարկվել

Ժողովածուներ[խմբագրել | խմբագրել կոդը]

Տարեթիվ Ալբոմի մանրամասնություններ Ամենաբարձր հորիզոնականներ Հավաստագրումներ
US[26] UK[26][27] Այլ[28]
US թողարկում UK թողարկում
1968 Smash Hits[43] 6 4
  • US։ 2× Մուլտի Պլատինե[29]
  • UK։ Արծաթե[30]
  • Թողարկվել է՝ Հուլիսի 30, 1969[44]
  • Լեյբլ՝ Reprise (MS-2025)
  • Թողարկվել է՝ Ապրիլի 12, 1968[45]
  • Լեյբլ՝ Track (613004)
Electric Jimi Hendrix[46]
Չի թողարկվել
  • Թողարկվել է՝ 1968 (1968)
  • Լեյբլ՝ Track (2856 002)

Սինգլներ[խմբագրել | խմբագրել կոդը]

Տարեթիվ Սինգլի մանրամասնություններ Ամենաբարձր հորիզոնականներ Ալբոմ
US[26] UK[26][27] Այլ[28]
1966 Hey Joe / Stone Free[47]
  • Թողարկվել է՝ Դեկտեմբերի 16, 1966 (UK)
  • Լեյբլ՝ Polydor (56139)
6 Are You Experienced
1967 Purple Haze / 51st Anniversary[47]
  • Թողարկվել է՝ Մարտի 17, 1967 (UK)
  • Լեյբլ՝ Track (604001)
3
Hey Joe / 51st Anniversary[48]
  • Թողարկվել է՝ Մայիսի 1, 1967 (US)
  • Լեյբլ՝ Reprise (0572)
The Wind Cries Mary / Highway Chile[47]
  • Թողարկվել է՝ Մայիսի 5, 1967 (UK)
  • Լեյբլ՝ Track (604004)
6
Purple Haze / The Wind Cries Mary[48]
  • Թողարկվել է՝ Հունիսի 19, 1967 (US)
  • Լեյբլ՝ Reprise (0597)
65
Burning of the Midnight Lamp / The Stars That Play with Laughing Sam's Dice[49]
  • Թողարկվել է՝ Օգոստոսի 19, 1967 (UK)
  • Լեյբլ՝ Track (604007)
18 Smash Hits (UK), Electric Ladyland


Foxy Lady / Hey Joe[50]
  • Թողարկվել է՝ Դեկտեմբերի 13, 1967[51] (US)
  • Լեյբլ՝ Reprise (0641)
67 Are You Experienced
1968 Up from the Skies / One Rainy Wish[50]
  • Թողարկվել է՝ Փետրվարի 26, 1968 (US)
  • Լեյբլ՝ Reprise (0665)
82 Axis: Bold as Love
All Along the Watchtower / Burning of the Midnight Lamp[50]
  • Թողարկվել է՝ Սեպտեմբերի 2, 1968 (US)
  • Լեյբլ՝ Reprise (0767)
20 Electric Ladyland
All Along the Watchtower / Long Hot Summer Night[52]
  • Թողարկվել է՝ Հոկտեմբերի 18, 1968 (UK)
  • Լեյբլ՝ Track (604025)
5
Crosstown Traffic / Gypsy Eyes[52]
  • Թողարկվել է՝ Նոյեմբերի 18, 1968 (US), Ապրիլի 4, 1969 (UK)
  • Լեյբլ՝ Reprise (0792), Track (604029)
52 37
1969 Stone Free / If 6 Was 9[53]
  • Թողարկվել է՝ Սեպտեմբերի 15, 1969 (US)
  • Լեյբլ՝ Reprise (0853)
130 Smash Hits (US)
Let Me Light Your Fire / Burning of the Midnight Lamp[53]
  • Թողարկվել է՝ Նոյեմբերի 14, 1969 (UK)
  • Լեյբլ՝ Track (604033)
Smash Hits (UK)
1970 Stepping Stone / Izabella[53]as Hendrix Band of Gypsys
  • Թողարկվել է՝ Ապրիլի 13, 1970 (US)
  • Լեյբլ՝ Reprise (0905)
Kiss the Sky, Voodoo Child


Ծանոթագրություն[խմբագրել | խմբագրել կոդը]

  1. «Noel Redding, 57; Bass Guitarist in Jimi Hendrix Band». Los Angeles Times. 2003 թ․ մայիսի 14. Վերցված է 2015 թ․ ապրիլի 19-ին.
  2. Issitt, Micah L. (2009). Hippies: A Guide to an American Subculture. Greenwood Press. էջ 42. ISBN 978-0-313-36572-0.
  3. Marten, Neville (2007). Guitar Heaven: The Most Famous Guitars to Electrify Our World. Collins Design. էջ 10. ISBN 978-0-06-135944-6. «Cream and The Jimi Hendrix Experience were both three-piece blues-rock bands but, whereas Clapton with his Gibson SG or ES-335 made huge, dark, distorted tones, Hendrix's Strat was generally cleaner and sweeter.»
  4. Potash, Chris, ed. (1996). The Jimi Hendrix Companion: Three Decades of Commentary. Schirmer Books. էջ 66. ISBN 978-0-02864-609-1. «With drummer Mitch Mitchell and bassist Noel Redding [Jimi Hendrix] formed the Jimi Hendrix Experience. They were the first of the super high energy bands — the epitome of acid rock.»
  5. Christopher Knowles (2010 թ․ հոկտեմբերի 1). The Secret History of Rock 'n' Roll. Simon and Schuster. էջ 147. ISBN 978-1-57344-564-1.
  6. During the April–September 1970 tour with bassist Billy Cox, the trio was sometimes referred to as the "Jimi Hendrix Experience"
  7. 7,0 7,1 Whiteley, Sheila. «Progressive Rock and Psychedelic Coding in the Work of Jimi Hendrix». Popular Music. 9 (1): 37–60. doi:10.1017/s026114300000372x.
  8. То есть говорят, например: альбом Джими Хендрикса «Архивированная копия». Արխիվացված է օրիգինալից 2005 թ․ հոկտեմբերի 28-ին. Վերցված է 2008 թ․ հոկտեմբերի 25-ին., вместо альбом «The Jimi Hendrix Experience»; или же «Умер басист Хендрикса» [1]"
  9. Mankin, Bill (2015). Freedom: Atlanta Pop Festival (Album notes). Jimi Hendrix. New York City: Legacy Recordings. էջ 1. 88875109222.
  10. 10,0 10,1 «The Jimi Hendrix Experience». Rock and Roll Hall of Fame. 2008. Վերցված է 2009 թ․ մարտի 19-ին.
  11. 11,0 11,1 11,2 Unterberger, Richie; Westergaard, Sean. «Jimi Hendrix – Biography». AllMusic. Վերցված է 2009 թ․ մարտի 19-ին.
  12. 12,0 12,1 12,2 Lawrence, Sharon (2005). Jimi Hendrix: The Intimate Story of a Betrayed Musical Legend (2006 ed.). New York City: HarperCollins. էջեր 56, 78, 84. ISBN 0-06-056301-X.
  13. Saunders, William (2010) Jimi Hendrix London, Roaring Forties Press, 978-0-9843165-1-9
  14. The Jimi Hendrix Experience Արխիվացված 2008-01-16 Wayback Machine (չաշխատող հղում — պատմությունկրկնօրինակ)
  15. Биография Джими Хендрикса (офиц. сайт) Արխիվացված 2008-10-24 Wayback Machine (չաշխատող հղում — պատմությունկրկնօրինակ)
  16. Snow, Matt (November 2006), "3 is the Magic Number", Mojo Magazine, pp. 81–82.
  17. 17,0 17,1 Gilliland, John (1969). «Show 53 – String Man» (audio). Pop Chronicles. Digital.library.unt.edu.
  18. Mitchell, Mitch; Platt, John (1990). Jimi Hendrix: Inside the Experience. New York City: St. Martin's Press. էջեր 88–96, 48–149. ISBN 978-0-312-10098-8.
  19. Vintage Amps Bulletin Board • View topic – Hendrix Bassist Noel Redding Dead At 57
  20. Jimi Hendrix drummer dies at 61 just days after tribute tour. Daily Mail. Retrieved June 16, 2012
  21. Начало Эксперимента(չաշխատող հղում).
  22. «Архивированная копия». Արխիվացված է օրիգինալից 2009 թ․ մարտի 11-ին. Վերցված է 2008 թ․ հոկտեմբերի 19-ին.
  23. Hendrix also sometimes played bass, piano, harpsichord, glockenspiel, recorder, and makeshift kazoo
  24. Shadwick, Keith (2003). Jimi Hendrix: Musician (1st ed.). San Francisco: Backbeat Books. էջ 223. ISBN 0-87930-764-1.
  25. Redding sometimes played guitar
  26. 26,0 26,1 26,2 26,3 26,4 26,5 26,6 26,7 Shapiro & Glebbeek 1990, Appendix 1: Music, Sweet Music: The Discography, pp. 523–621.
  27. 27,0 27,1 27,2 27,3 «Jimi Hendrix – Albums». Official Charts. Վերցված է 2014 թ․ հունիսի 21-ին.
  28. 28,0 28,1 28,2 28,3 Other charts:
  29. 29,0 29,1 29,2 29,3 29,4 29,5 29,6 «Gold & Platinum». Recording Industry Association of America. Արխիվացված է օրիգինալից 2015 թ․ սեպտեմբերի 24-ին. Վերցված է 2014 թ․ հունիսի 21-ին.
  30. 30,0 30,1 30,2 30,3 «BPI Certified Awards – Search». British Phonographic Industry. Արխիվացված է օրիգինալից 2013 թ․ փետրվարի 6-ին. Վերցված է 2014 թ․ հունիսի 21-ին.
  31. McDermott, Kramer, էջ 61
  32. Shapiro, Glebbeek, էջ 529–530
  33. Experience Hendrix, January 15, 1968
  34. Shapiro, Glebbeek, էջեր 531–533
  35. McDermott, Kramer, էջ 117
  36. McDermott, Kramer, էջ 126
  37. Shapiro, Glebbeek, էջեր 535–536
  38. McDermott, Kramer, էջ 205
  39. Shapiro, Glebbeek, էջ 537
  40. McDermott, Kramer, էջ 212
  41. Shapiro, Glebbeek, էջ 538
  42. McDermott, Kramer, էջ 245
  43. Shapiro, Glebbeek, էջեր 531, 534
  44. McDermott, Kramer, էջեր 168–169
  45. «April 12, 1968 Smash Hits is released in the United Kingdom (Track, 613 400)». JimiHendrix.com (official website). Վերցված է 2018 թ․ ապրիլի 15-ին.
  46. Shapiro, Glebbeek, էջ 533
  47. 47,0 47,1 47,2 Shapiro, Glebbeek, էջ 526
  48. 48,0 48,1 Shapiro, Glebbeek, էջ 528
  49. Shapiro, Glebbeek, էջեր 528–529
  50. 50,0 50,1 50,2 Shapiro, Glebbeek, էջ 531
  51. McDermott, Kramer, էջ 81
  52. 52,0 52,1 Shapiro, Glebbeek, էջ 534
  53. 53,0 53,1 53,2 Shapiro, Glebbeek, էջ 535

Արտաքին հղումներ[խմբագրել | խմբագրել կոդը]